BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

قدت تۋرالى اقپارات تاراتقاندار قىلمىستىق جاۋاپكەرشىلىككە تارتىلادى – باس پروكۋراتۋرا

فوتو: liter.kz

بۇل تۋرالى باس پروكۋراتۋرا مالىمدەمە جاسادى، دەپ حابارلايدى baq.kz اقپارات اگەنتتىگى.

بۇعان دەيىن قدت ەكسترەميستىك ۇيىم ەكەندىگى انىقتالعان بولاتىن.

«باس پروكۋراتۋرا سوت شەشىمىنەن كەيىن قدت ەكسترەميستىك ۇيىمىنىڭ كەز كەلگەن جۇمىسىنا قاتىسۋ جانە قارجىلاندىرۋ قر قك-نىڭ 182، 258، 405-بابىنا سايكەس قىلمىستىق جاۋاپكەرشىلىككە تارتىلاتىنىن ٴتۇسىندىردى. قاتىسۋ دەگەن ۇعىمنىڭ استارىندا قدت يدەياسىن ناسيحاتتاۋ، ۇگىتتەۋ، قدت-نىڭ كەز كەلگەن اقپاراتتىق ماتەريالدارى مەن سوعان قاتىستى پىكىرلەردى، جازبالاردى، پاراقشالاردى شىعارۋ نەمەسە تاراتۋ جاتىر. قولدانىستاعى زاڭناماعا سايكەس، ەكسترەميستىك توپتىڭ قىزمەتىنە ەرىكتى تۇردە قاتىسۋدان باس تارتقان ادامدار قىلمىستىق جاۋاپكەرشىلىكتەن بوساتىلادى»، - دەيدى اقپاراتتىق كوممۋنيكاسيا قىزمەتىندە وتكەن بريفينگ بارىسىندا قازاقستاننىڭ باس پروكۋراتۋرا وكىلى وكسانا لوسكۋتوۆا.

باس پروكۋراتۋرانىڭ ايتۋىنشا، الەۋمەتتىك الاۋىزدىق، بيلىكتى ۇلتتىق قاۋىپسىزدىك جانە ىشكى ىستەر ورگاندارى ارقىلى باسىپ الۋعا ۇندەۋ جانە ۇگىتتەۋ فاكتىلەرى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

«جىل باسىنان بەرى رەسپۋبليكانىڭ بەس ايماعىندا قدت بەلسەندىلەرىمەن بايلانىسى بار ەكسترەميستىك ارەكەت فاكتىسى بويىنشا قىلمىستىق ٴىس قوزعالدى. (...) ەكسترەميستىك توپ قىزمەتىن قۇرعانى، باسقارعانى جانە قاتىسقانى ٴۇشىن قىلمىستىق جاۋاپكەرشىلىك 2 جىلدان 17 جىلعا دەيىنگى مەرزىمگە باس بوستاندىعىنان ايىرۋ جازاسىن قولدانادى»، - دەيدى باس پروكۋراتۋرانىڭ قىلمىستىق ٴىس قىزمەتىنىڭ باسىشىسى ەرلان ابايەۆ.

ونىڭ ايتۋىنشا، قاتىسۋ ۇعىمىنا ەكسترەميستىك اكتىلەرگە قاتىسۋ عانا ەمەس، ۇيىم مۇددەسى ٴۇشىن كولىكپەن قامتاماسىز ەتۋ، اقپاراتتاردى جاريالداۋ، پاراقشالار تاراتۋ، وسى توپ مۇشەلەرىن جۇيەلى تۇردە جاسىرۋ دا كىرەدى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي