BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قازاقستاندىقتار ٴجيى ساتىپ الاتىن كولىك بەلگىلى بولدى

استانا، baq.kz. وتاندىق كولىك ونەركاسىبى قۋانتىپ جاتىر. جەڭىل اۆتوموبيل جاساۋ جىل ىشىندە 83% ٴوستى.

2018 جىلدىڭ 9 ايىندا قۇنى 140،9 ملرد تەڭگە بولاتىن كولىك شىعارىلدى. بۇل وتكەن جىلدىڭ وسى كەزەڭىمەن سالىستىرعاندا 39% كوپ.

نەگىزگى ٴونىمدى شقو (51،4%) جانە قوستاناي وبلىسى (37،6%) دايىندادى. بۇل ايماقتاردا ەلدەگى اۆتوموبيل جاسايتىن نەگىزگى وندىرۋشىلەر — «ازيا اۆتو» جانە «سارىارقااۆتوپروم» بار.

كوپجىلدىق ديناميكاعا قاراساق، كولىك، ترەيلەر جانە جارتىلايپريسەپ ونەركاسىبىندەگى 2015 جىلدان باستالعان كريزيس 2016 جىلعا دەيىن جالعاستى. ٴبىراق وتكەن جىلى بۇل جاعداي وڭىنا قاراي اۋىستى. سونىمەن قاتار، 2008 جىلعى كريزيس تە وتاندىق اۆتوكولىك ونەركاسىبىنە اسەر ەتتى.

سوڭعى ستاتيستيكاعا قاراساق، شىن مانىسىندە، جەڭىل كولىك ٴوندىرىسى 82،6% جوعارىلاپ، 21،1 مىڭ ماشيناعا دەيىن جەتتى.

بۇل ارادا ون جانە ودان دا كوپ ادامدى تاسىمالدايتىن كولىك شىعارۋ 48،4% — 231 ماشيناعا دەيىن قىسقارعانىن ايتا كەتۋ كەرەك. جۇك كولىكتەرىن جاساۋ دا 17،3% ازايىپ، 802 ماشيناعا كەم شىقتى.

مامانداندىرىلعان كولىك شىعارۋدا وزگەرىس بولعان جوق (151 كولىك). ال پريسەپتەر مەن كونتەينەر ٴوندىرىسى، كەرىسىنشە، 2،3 ەسە، 388 داناعا دەيىن ٴوستى.

قازاقستاندىق اۆتوبيزنەس قاۋىمداستىعىنىڭ دەرەكتەرى بويىنشا، قىركۇيەك ايىندا ەلدىڭ اۆتوموبيل نارىعىندا ايتارلىقتاي جوعارى قارقىن بولماسا دا، ٴوسىم بايقالدى.

وتكەن جىلدىڭ تامىز ايىمەن سالىستىرعاندا 2018 جىلدىڭ قىركۇيەگىندە جاڭا اۆتوموبيل ساتىلىمى 2،7% ٴوستى. قازاقستاندىق ديلەرلەر 5،4 مىڭ جەڭىل اۆتو جانە كوممەرسيالىق تەحنيكا، سونىمەن قاتار 305 جۇك، مامانداندىرىلعان تەحنيكا جانە اۆتوبۋس ساتتى.

ال وتكەن جىلمەن سالىستىرعاندا، وسى جىلدىڭ توعىز ايىنىڭ قورىتىندىسىنا سايكەس، وتاندىق نارىق ساتىلعان اۆتوموبيلدەر سانى بويىنشا 28،2% — 43،7 مىڭعا دەيىن ٴوستى.

ساتىلىم سانى جاعىنان جەڭىل اۆتوموبيلدەردىڭ ىشىندە 5 اي بويى قاتارىنان toyota camry ماركاسى 400 اۆتو ساتىپ، كوش باستاپ تۇر. ەكىنشى ورىندا lada 4ح4 (350 ماشينا)، ۇزدىك ۇشتىكتى lada granta (342) قورىتىندىلايدى. ٴتورتىنشى ورىندا hyundai tucson — 287 كروسسوۆەر. ودان ٴارى ٴتىزىمدى lada vesta (280)، hyundai creta (245)، hyundai elantra (213)، volkswagen polo (209)، toyota land cruiser prado جانە lada largus 196 اۆتو بولىپ جالعاستىرادى.

سونىمەن قاتار، برەند بويىنشا ٴبىرىنشى ورىندا lada تۇر. بۇل كولىك ماركاسىنىڭ ساتىلىمى 10% كوتەرىلدى. ەكىنشى ورىندا toyota، ٴبىراق بۇل ماركانىڭ ساتىلىمى 9% قىسقاردى. ٴۇشىنشى ورىندا hyundai — پليۋس 17%.

nissan ماركاسى سۇرانىسقا يە جەڭىل اۆتولاردىڭ 10-دىعىندا بولماعانىمەن، برەند قىركۇيەكتە ۇزدىك بەستىككە كىردى. ول باسقا برەندتەرمەن سالىستىرعاندا 23% جوعارىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي