USD 336.23 EUR 360.3 RUB 5.28
استانا:

قازاقستاندىقتار جەكە كۋالىگىن اۋىستىرۋى مۇمكىن

فوتو: Alau.kz

«داكتيلوسكوپيالىق جانە گەنومدىق تىركەۋ تۋرالى» قر زاڭ جوباسى قابىلدانعان جاعدايدا، 2021 جىلى قازاقستاندىقتار جاڭا جەكە كۋالىك الادى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن ٴباسپاسوز كونفەرەنسيا بارىسىندا قر ٴىىم جەدەل كريميناليستيكالىق دەپارتامەنتىنىڭ باستىعى سەرىك سايىن ۇلى ايتتى، دەپ حابارلايدى baq.kz ٴتىلشىسى.

ەستەرىڭىزدە بولسا، وسى جىلدىڭ 10 ماۋسىمىندا قاۋىپسىزدىك كەڭەسى وتىرىسىندا ەلباسى نۇرسۇلتان نازاربايەۆ اتالعان زاڭ جوباسىنا قاتىستى تاپسىرمالار بەرگەن بولاتىن. سونىڭ نەگىزىندە 14 قازاندا قوعامدىق تىڭداۋ ٴوتتى. داكتيلوسكوپيالىق تىركەۋ زاماناۋي تەحنولوگيالاردى ەنگىزۋ قاجەتتىلىگىنەن تۋىنداپ وتىر.

«جالپى، داكتيلوسكوپيالىق جانە گەنومدىق تىركەۋ قازاقستان ازاماتتارى ٴۇشىن وتە ٴتيىمدى. زاڭ ماقۇلدانعان جاعدايدا ەڭ الدىمەن، مەملەكەتتىك جانە جەكە مەنشىك قىزمەت كورسەتۋ جەڭىلدەيدى، ۆيزالىق رەجيم مەن كوشى-قون قاۋىپسىزدىگىنىڭ تيىمدىلىگى ارتادى. زاڭ كۇشىنە ەنگەن كەزدەن باستاپ داكتيلوسكوپيالىق جانە گەنومدىق تىركەۋ كەزەڭ-كەزەڭمەن جۇزەگە اساتىن بولادى»، - دەيدى سەرىك سايىن ۇلى.

ونىڭ ايتۋىنشا، قۇجات جوعالعان جاعدايدا بوگدە ازامات ونى پايدالانىپ، وزگە ماقساتتارعا پايدالانا المايدى. ويتكەنى قۇجاتتا ازاماتتىڭ سۋرەتىمەن قوسا، قولىنىڭ ساۋساق ىزدەرى دە بولادى. زاڭ قابىلدانسا، قازاقستان ازاماتتارى 2021 جىلدىڭ 1 قاڭتارىنان باستاپ جاڭا جەكە كۋالىككە قول جەتكىزەدى.

ەستەرىڭىزگە سالا كەتەيىك، بۇل زاڭعا قاتىستى ماسەلە 2001 جانە 2014 جىلدارى دا كوتەرىلگەن بولاتىن. 2014 جىلى جوبا قۇنى 24 ملرد تەڭگەنى قۇراعان. الايدا، قارجىلىق داعدارىسقا بايلانىستى كەيىنگە شەگەرىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي