BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

قازاقستاندىقتار قاي باعىتتا ٴجيى ۇشاتىنى بەلگىلى بولدى

الماتى – استانا قازاقستانداعى حالىق ەڭ كوپ ۇشاتىن اۋە باعىتى، دەپ حابارلايدى ۆaq.kz اقپارات اگەنتتىگى قر يدم ازاماتتىق اۆياسيا كوميتەتىنە سىلتەمە جاساپ.

"بيىل قازاقستاننىڭ ازاماتتىق اۆياسيا سالاسى ٴوسىمىنىڭ قارقىنى ساقتالىپ كەلەدى. 2018 جىلدىڭ 8 ايىندا جەرگىلىكتى اۋەجايلار 9،2 ملن. ادامعا (بولجامدى دەرەك) قىزمەت كورسەتتى. بۇل كورسەتكىش 2017 جىلدىڭ سايكەس كەزەڭىمەن سالىستىرعاندا 10%-عا ارتىق (8،4 ملن. ادام). 2018 جىلدىڭ 8 ايىندا اۋە جولاۋشىلار تاسىمالىنىڭ ٴوسىمى 15%-دى قۇرادى نەمەسە 5،5 ملن. ادامعا جەتتى (2017 جىلدىڭ 8 ايىندا - 4،8 ملن. ادام)"، - دەپ جازدى كوميتەت ٴباسپاسوز قىزمەتى.

ۆەدومستۆونىڭ اقپاراتىنا قاراعاندا، قازىرگى ۋاقىتتا قازاقستان رەسپۋبليكاسىنىڭ اۋە تاسىمالىنىڭ ىشكى نارىعىندا «ەير استانا»، «scat»، «بەك ەير»، «qazaq air»، «جەزكازگان ەير»، «جەتىسۋ»، «يۋجنوە نەبو» سياقتى 7 قازاقستاندىق اۋە كومپانيا جۇمىس ىستەيدى.

ىشكى نارىقتاعى حالىق ەڭ كوپ ۇشاتىن الماتى – استانا – الماتى اۋە باعىتى. بۇل مارشرۋت بويىنشا ەكى باعىتقا 4 اۋە كومپانيا («ەير استانا»، «scat»، «بەك ەير»، «qazaq air») اپتاسىنا جيىلىگى 274 رەيس ورىندايدى. ورتاشا ەسەپپەن استانادان الماتىعا جانە كەرى ۇشۋعا بولاتىن كۇندەلىكتى 19 رەيس بار. ەكىنشى حالىق كوپ ۇشاتىن الماتى – شىمكەنت – الماتى باعىتى. بۇل مارشرۋت بويىنشا ەكى باعىتقا 4 اۋە كومپانيا («ەير استانا»، «scat»، «بەك ەير»، «qazaq air») اپتاسىنا جيىلىگى 62 رەيس ورىندايدى. ٴۇشىنشى ورىندا استانا – شىمكەنت – استانا مارشرۋتى. بۇل باعىتتا 3 اۋە كومپانيا («ەير استانا»، «scat»، «بەك ەير») اپتاسىنا جيىلىگى 60 رەيس ورىندايدى.

قازاقستان رەسپۋبليكاسىندا حالىقارالىق نارىقتا جولاۋشىلار تاسىمالدايتىن 25 شەتەلدىك جانە 2 قازاقستاندىق اۋە كومپانيا بار. حالىقارالىق باعىتتا ەڭ كوپ قولدانىلاتىن الماتى – ماسكەۋ – الماتى مارشرۋتى. بۇل ەكى باعىتقا ەكى اۋە كومپانيا («ەير استانا»، «اەروفلوت») اپتاسىنا 60 رەيس ورىندايدى.

"ەكىنشى حالىق تاراپىنان سۇرانىسقا يە استانا – ماسكەۋ – استانا مارشرۋتى. بۇل ەكى باعىتقا ەكى اۋە كومپانيا («ەير استانا»، «اەروفلوت») اپتاسىنا 48 رەيس ورىندايدى. ٴۇشىنشى ورىندا الماتى – ستامبۋل – الماتى مارشرۋتى. بۇل ەكى باعىتقا ەكى اۋە كومپانيا («ەير استانا»، «turkish airlines») اپتاسىنا 34 رەيس ورىندايدى"، - دەپ حابارلادى كوميتەتتىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي