BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قازاقستاندىق جاستار ەكىنشى دۇنيەجۇزىلىك جاستار فورۋمىنا قاتىستى

استانا، baq.kz. قازاقستان دەلەگاسياسى ەگيپەت اراب رەسپۋبليكاسىنىڭ پرەزيدەنتى ابدەل فاتتاح ٴاس-سيسيدىڭ قولداۋىمەن مىسىردىڭ شارم ەل-شەيح قالاسىندا ٴوتىپ جاتقان دۇنيەجۇزىلىك جاستار فورۋمىنا قاتىسۋدا.

اتالعان ٴىس-شاراعا الەمنىڭ 146 ەلىنەن 5 مىڭنان استام جاستار قاتىسۋدا. فورۋمنىڭ قۇرمەتتى قوناقتارىنىڭ اراسىندا پالەستينا پرەزيدەنتى، باحرەيننىڭ مۇراگەر حانزاداسى، بەلگىلى ساياساتكەر جانە قوعام قايراتكەرى ن.ماندەلانىڭ نەمەرەسى جانە ٴتۇرلى ەلدەردىڭ ۇكىمەت مۇشەلەرى جانە مينيسترلىكتەرىنىڭ باسشىلارى بار. فورۋمعا قازاقستاندىق دەلەگاسيانى قوعامدىق دامۋ ۆيسە-مينيسترى بەرىك ارىن باستاپ باردى.

فورۋمنىڭ اشىلۋىندا ەگيپەت پرەزيدەنتى ابدەل فاتتاح اس-سيسي قۇتتىقتاۋ ٴسوز سويلەدى. ول دۇنيەجۇزىلىك جاستار فورۋمى الەمنىڭ تۇكپىر-تۇكپىرىنەن كەلگەن جاستارعا زاماناۋي الەمنىڭ كوكەيكەستى ماسەلەلەرىن، ٴبىلىم بەرۋ، عىلىم جانە تەحنولوگيا سالاسىنداعى جاستار باعدارلامالارىن ىسكە اسىرۋ پەرسپەكتيۆالارىن تالقىلاۋعا، الەمنىڭ ٴتۇرلى مەملەكەتتەرىنىڭ جاستار ساياساتىنىڭ تابىستى تاجىريبەسىن تانىستىرۋعا مۇمكىندىك بەرەتىنىن اتاپ ٴوتتى.

ب. ارىن فورۋمنىڭ "بەيبىتشىلىكتى قۇرۋداعى جانە قولداۋداعى الەمدىك كوشباسشىلاردىڭ ٴرولى" تاقىرىبىنداعى ٴبىرىنشى پانەلدىك سەسسيادا سويلەگەن سوزىندە قازاقستان پرەزيدەنتى ن. نازاربايەۆتىڭ الەمدىك بەيبىتشىلىك پەن كەلىسىمدى قۇرۋداعى قوسقان ۇلەسىن ەرەكشە اتاپ ٴوتتى. اتاپ ايتقاندا، ۆيسە-مينيستر قاتىسۋشىلاردى قازاقستان پرەزيدەنتىنىڭ سەمەي يادرولىق سىناق پوليگونىن ەرىكتى تۇردە جابۋ، ازياداعى ٴوزارا ٴىس-قيمىل جانە سەنىم شارالارى جونىندەگى كەڭەسىن قۇرۋ مەن تەرروريزمگە قارسى تۇرۋ مەن بەيبىتشىلىككە قول جەتكىزۋ باعىتىنداعى مىنەز-ق ۇلىق كودەكسىنە قول قويۋ، “الەم. xxi عاسىر" مانيفەستى مەن وزگە دە باستامالارى فورۋم قاتىسۋشىلارىنا ەگجەي-تەگجەي تانىستىردى.

سونداي-اق، ۆيسە-مينيستر وركەنيەتارالىق جانە ٴدىنارالىق كەلىسىمنىڭ الەمدىك ديالوگ تريبۋناسىناسىنا اينالعان – الەمدىك جانە ٴداستۇرلى دىندەر ليدەرلەرى سەزىن شاقىرۋ جونىندەگى ەلباسى ن. نازاربايەۆتىڭ باستاماسى تۋرالى دا ايتىپ، ەۋرازيا جۇرەگى استانادا 2003 جىلى وتكەن ٴبىرىنشى سەزدەن باستاپ، تاريحي قىسقا مەرزىم ىشىندە اتالعان شارانىڭ الەمدىك دەڭگەيدەگى بەيبىت حالىقارالىق قاتىناستاردى قالىپتاستىرۋشى مەحانيزمگە اينالعانىن اتاپ ٴوتتى. اتقارىلعان جۇمىستا ەگيپەت باسشىلىعىنىڭ تۇراقتى قولداۋى ٴۇشىن ريزاشىلىق ٴبىلدىرىلىپ، ا. ج. 10-11 قازاندا وتكەن "ٴدىني ليدەرلەر ٴقاۋىپسىز الەم ٴۇشىن" vi سەزد جۇمىسىنا بەلسەندى قاتىسقانى ٴۇشىن ٴال-ازحاردىڭ باس يمامى شەيح احماد ات-تايەبكە العىس ايتتى.

شارا اياسىندا قازاقستان دەلەگاسياسىنىڭ باسشىسى ەگيپەت پرەزيدەنتىمەن، ەگيپەت اراب رەسپۋبليكاسىنىڭ جاستار جانە سپورت، سىرتقى ىستەرى، ينۆەستيسيالار جانە حالىقارالىق ىنتىماقتاستىق مينيسترلەرىمەن، كەنيا رەسپۋبليكاسىنىڭ مەملەكەتتىك قىزمەت ىستەرى، جاستار جانە گەندەرلىك ماسەلەلەر جونىندەگى ٴمينيسترى مارگارەت كوبيامەن، سونداي-اق فورۋمعا قاتىسۋشى مەملەكەتتەردىڭ وكىلدەرىمەن كەزدەسۋلەر وتكىزىپ، ەكىجاقتى بايلانىستاردى دامىتۋ جولدارىن تالقىلادى. سونداي-اق، مەملەكەتتىك جاستار ساياساتىن جۇزەگە اسىرۋ بويىنشا تاجىريبەسى الماسىلدى. ٴىس-شارا جۇمىسىنا قازاقستاندىق جاستار دا بەلسەنە قاتىسىپ، ٴوز جوبالارىن الەمنىڭ تۇكپىر-تۇكپىرىنەن كەلگەن فورۋم قاتىسۋشىلارىنا تانىستىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي