BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

قازاقستاندىق راديولار مۋزىكالىق پلەەرگە اينالىپ بارا جاتىر – ساراپشى

«جەتىنشى تەلەارنانىڭ» كرەاتيۆتى ديرەكتورى، مەديا ساراپشى ەۆگەنيي پەرەۆەرزەۆ ەلىمىزدەگى كوممەرسيالىق راديولار نەلىكتەن دامىماي وتىرعانىن ايتتى، دەپ حابارلايدى baq.kz ٴتىلشىسى.

ونىڭ پىكىرىنشە، ەلىمىزدەگى راديولاردى دامىتۋ ٴۇشىن ٴالى دە جۇمىس جۇرگىزۋ قاجەت.

«وتاندىق راديو نارىقتى جەكە اتاپ ٴوتۋ كەرەك. سەبەبى، قازاقستاندىق راديوستانسيالاردى تىڭداپ، تەلەارنالاردى كورگەن كەزدە اسەر المايسىڭ. نەگە ٴبىزدىڭ پوپ جۇلدىزدار الەمدىك دەڭگەيدە تانىمال ەمەس؟ سەبەبى، ٴبىز ٴالى شىڭدالعان جوقپىز. ٴبىز تەك كوشىرىپ باسۋ ٴادىسى بويىنشا جۇمىس ىستەۋدەمىز»، - دەدى ول radio asia 2018 حالىقارالىق كونفەرەنسياسىنىڭ كۋلۋارىندا.

پەرەۆەرزەۆتىڭ ايتۋىنشا، قازاقستاندا راديو نارىق تولىق قالىپتاسپاعان.

«ەلىمىزدەگى راديوستانسيالاردىڭ سانى ساۋساقپەن سانارلىق قانا. ەلىمىزدە كوممەرسيالىق راديولاردىڭ تاريحى 1990 جىلدان باستالعانىمەن، ولار ٴالى دامىماعان. بىزگە ٴالى كوپ نارسەگە ۇيرەنۋ كەرەك. قازاقستان اۋماعىندا fm فورماتىنداعى ستانسيالارعا نەمقۇرايلى قارايدى. ەلىمىزدە ٴالى كۇنگە دەيىن تولىعىمىن اشىق اڭگىمە فورماتىنا نەگىزدەلگەن راديو جوق. بىزدەگى راديوستانسيالار مۋزىكالىق-اقپاراتتىق باعىتتا جۇمىس ىستەيدى. ٴتىپتى اقپاراتتىق-مۋزىكالىق باعىتتا جۇمىس ىستەيتىن ستانسيالار از. ونىڭ قاتارىنا تەك «قازاق راديوسىن» جاتقىزۋعا بولادى»، - دەدى ساراپشى.

ەلىمىزدەگى مەديا نارىقتا 20 جىلدان استام ۋاقىت جۇمىس ىستەپ جۇرگەن ساراپشى وتاندىق راديولار مۋزىكالىق پلەەرعا اينالىپ كەتكەنىن اشىق ايتتى.

«ستانسيالاردا تەك مۋزىكا وينايدى. راديو مۋزىكالىق پلەەرگە اينالىپ بارا جاتىر. مۇندا ساۋاتتى جۇرگىزۋشىلەر جوق. ال ولار قالاي پايدا بولادى؟ ەگەر ەلىمىزدە اشىق اڭگىمە فورماتىنداعى راديولار از بولسا. قازىرگى تاڭدا ٴبىز راديوعا تەك ادەمى مۋزىكانى قويۋدى عانا ۇيرەندىك»، - دەدى ديرەكتور.

ٴسوز سوڭىندا ەۆگەنيي پەرەۆەرزەۆ الداعى ۋاقىتتا راديو نارىقتاعى باسەكە كۇشەيە تۇسەتىنىن مالىمدەدى.

«قازىرگى تاڭدا كوپتەگەن ازامات راديونى ينتەرنەتتەن تىڭدايدى. ٴبىزدىڭ راديوستانسيالار اۆستراليا مەن اقش-تىڭ ستانسيالارىمەن باسەكەگە ٴتۇستى. سونىمەن قاتار قازاقستاندىقتار اعىلشىن ٴتىلىن ۇيرەنىپ جاتىر. سوندىقتان الداعى ۋاقىتتا ٴاعىلشىنتىلدى ستانسيالار ٴبىزدى (راديولاردى – اۆتور) نارىقتان ىعىستىرا باستاۋى مۇمكىن»، - دەپ تۇيىندەدى ٴسوزىن ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي