BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

قازاقستاندىق پروكۋرورلار 3 ملن ازاماتتىڭ قۇقىعىن قورعادى

فوتو: Qamshy.kz

ەلىمىزدەگى پروكۋرورلار اعىمداعى جىلدىڭ ٴبىرىنشى جارتىجىلدىعىندا 3 ملن ازاماتتىڭ قۇقىعىن قورعادى. بۇل جونىندە قر باس پروكۋرورى قايرات قوجامجاروۆ باس پروكۋراتۋرانىڭ القا وتىرىسىندا مالىمدەدى، دەپ حابارلايدى baq.kz ٴتىلشىسى.

«پروكۋرورلىق قاداعالاۋ ناتيجەسىندە 3 ملن ازاماتتىڭ قۇقىعى قورعالدى. مىسالى، دەن قويۋ شارالارى ارقىلى الماتى قالاسى جانە الماتى وبلىسىندا 800 مىڭ تۇتىنۋشى ٴۇشىن «الماتىەنەرگوسبىت» جشس ەلەكتر ەنەرگياسىنىڭ 1 كۆت/ساع تاريف قۇنى 16،9 تەڭگەدەن 16،3 تەڭگەگە دەيىن تومەندەتىلدى. قوستاناي وبلىسىندا 10 مىڭ باعبان قاۋىمداستىعى جانە وندىرىستىك كووپەراتيۆ مۇشەلەرى ٴۇشىن ەلەكتر ٴتاريفى 24 تەڭگەدەن 19 تەڭگەگە تومەندەتىلدى»، - دەدى باس پروكۋرور.

قوجامجاروۆتىڭ مالىمەتى بويىنشا، ۆەدومستۆو زياندى جانە ەڭبەك جاعدايى ٴقاۋىپتى كاسىپورىنداردا 27 مىڭ زاڭبۇزۋشىلىقتىڭ ورىن العانىن انىقتاعان. ولار ەڭبەك زاڭناماسىنىڭ، وندىرىستىك نورمالاردىڭ، سانيتارلىق-ەپيدەميولوگيالىق جانە ٴورت قاۋىپسىزدىگىنە قاتىستى.

«جالپى، 45 مىڭ ازاماتتىڭ قۇقىعى قورعالدى. ەڭبەكاقى بويىنشا جارتى ميلليارد تەڭگە كولەمىندەگى قارىزدار وتەلدى. مىسالى، پروكۋرورلاردىڭ ۇسىنۋىمەن «قاراشىعاناق پەتروليۋم وپەرەيتينگ ۆۆ» قازاقستاندىق فيليالىنىڭ، «قازمۇنايگاز-بۇرعىلاۋ» سبك» جشس، «ريازانوۆ اتىنداعى №25 كوپىر قۇرلىعى جاساعى» جشس جانە تاعى باسقا كاسىپورىنداردا جۇمىس جاسايتىن 4،5 مىڭ جۇمىسشىنى قايعىلى وقيعالاردان ساقتاندىردى»، - دەپ اتاپ ٴوتتى قر باس پروكۋرورى.

القا وتىرىسىندا بەلگىلى بولعانداي، «ۆوستوكسۆەتمەت»، «قازمىرىش»، «جامبىل ەلەكتر جەلىلەرى» سەكىلدى ٴبىرقاتار كاسىپورىنداردا 2،5 مىڭ جۇمىسشىنىڭ جۇمىس ورنىندا وندىرىستىك قاۋىپسىزدىك نورمالارىنىڭ بۇزىلۋ فاكتىلەرى جويىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي