BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قازاقستاندىق ونىمدەردىڭ ساپاسى ناشارلاپ بارادى – ساراپشى

فوتو: alau.kz

الماتىدا وتكەن ٴباسپاسوز كونفەرەنسياسىندا تۇتىنۋشىلار ۇلتتىق ليگاسىنىڭ پرەزيدەنتى سۆەتلانا رومانوۆسكايا ەلىمىزدە سانيتارلىق-ەپيدەميولوگيالىق ستانسيا جوق ەكەنىن، سايكەسىنشە شاعىن ونەركاسىپتەردى ەشكىم باقىلامايتىنىن ايتتى، دەپ حابارلايدى baq.kz اقپارات اگەنتتىگى bnews.kz سايتىنا سىلتەمە جاساپ.

حالال ونىمدەر اتىنا زاتى ساي ەمەس: وسى ماركانىڭ اتىن جامىلعان ٴدامسىز شۇجىقتار، ٴتىپتى الگوكولدى ىشىمدىكتەر بار.

«ٴبىز حالال ونىمدەردى ەگجەي-تەگجەيلى تەكسەرۋدەمىز. ادامدار «حالال دەگەن جازۋى بار شۇجىقتار نەگە ٴدامسىز؟» دەگەن سۇراق قويادى. تۇتىنۋشىلار ٴبارىن جاقسى تۇسىنەدى. ٴبارىن ايت تا، ٴبىرىن ايت، بىزدە ٴتىپتى حالال اراق بار. وسىنشاما دارەجەدە ماسقارالاۋعا بولا ما؟ بۇل كوبىنەسە كومپانيالاردىڭ ويلاپ تاپقانى جانە قازاقستان اۋماعىندا شىعارىلاتىن ٴونىم ساپاسى جىلدان جىلعا تومەندەپ بارادى»، - دەيدى سۆەتلانا رومانوۆسكايا.

ونىڭ ايتۋىنشا، ٴونىمنىڭ ساپاسىز شىعۋىنا كاسىپكەرلەردىڭ وزىندىك سەبەبى بار.

«ٴبىز كاسىپكەرلەرمەن وسى ماسەلە توڭىرەگىندە سويلەستىك. ولار «ٴبىزدىڭ ارسىز باسەكەلەستەرىمىز ٴسۇت، ازىق-تۇلىك سياقتى ونىمدەرگە نە سەبەپتى باسقا دا قوسپالار قوسىپ جىبەرەدى؟» دەيدى. ٴبىزدىڭ بۇل تۋرالى ايتىپ كەلە جاتقانىمىزعا بىرنەشە جىلدىڭ ٴجۇزى بولدى. وسىلايشا قۇرامىندا ٴسۇتى بار ٴونىم مەن ەش قوسپاسىز ٴسۇتتىڭ ماركاسى ەكى ٴتۇرى بولۋىنا ىقپال ەتتىك»، - دەيدى تۇتىنۋشىلار ۇلتتىق ليگاسىنىڭ باسشىسى.

ول قازاقستاندا سانيتارلىق-ەپيدەميولوگيالىق ستانسيا جوق ەكەنىن، سايكەسىنشە تاماق ٴونىمىنىڭ ساپاسىن ەشكىم باقىلامايتىنىن ايتتى.

«بىزدە قوعامدىق دەنساۋلىق ساقتاۋ دەپارتامەنتى بار. ونىڭ نەگىزگى مىندەتى – تۇرعىنداردىڭ ساۋلىعى ەمەس، ولاردى سالاۋاتتى ٴومىر سالتىنا ۇيرەتۋ. ٴبىز مەملەكەتتىك ورگاندارعا قانشالىقتى ايتساق تا، كوڭىل كونشىتەرلىك ناتيجە كورە المادىق. تۇتىنۋشىلار قۇقىعىن قورعاۋ مەملەكەتتىك ورگانىندا 57 قىزمەتكەر بار جانە ولاردا ٴونىمدى تەكسەرۋ مىندەتى جوق. وزدەرىڭىز بىلەسىزدەر، ەشكىم شاعىمدانباسا، 50 ادامعا ارنالعان مەيرامحانانى ەشكىم تەكسەرمەيدى».


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي