BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

قازاقستاندىق وقۋشىلاردىڭ روبوتتارى ماسكەۋدى تاڭعالدىردى

فوتو: LEAS Russia & Kazakhstan EV3 robotics challenge

قازاقستاننىڭ جاس ينجەنەرلەرى 2018 جىلعى ماۋسىمدا ماسكەۋ قالاسىندا وتكەن leas russia & kazakhstan ev3 robotics challenge روبوت تەحنيكاسى بويىنشا حالىقارالىق بىرىنشىلىكتىڭ جۇلدەگەرلەرى اتاندى، دەپ حابارلايدى baq.kz اقپارات اگەنتتىگى.

جازدىڭ العاشقى كۇندەرى رەسەي استاناسىنداعى kids city («بالالار ماماندىقتارىنىڭ قالاسى») بالالارعا ارنالعان ٴبىلىم بەرۋ-ساۋىقتىرۋ جوباسى الاڭىندا وتكەن leas (lego education afterschool programs) russia & kazakhstan ev3 robotics challenge روبوت تەحنيكاسى بويىنشا جارىستاردىڭ گراند-فينالى قازاقستاندىق ۆۋندەركيندتەردىڭ كەزەكتى جەتىستىگىمەن ەستە قالدى.

قازاقستاننىڭ بەس جۇلدىزى – رۋمەيسا ۆارول، تولەۋتاي قاسەنوۆ، كيريلل تاباچنيكوۆ، يمران مۋحامماد جانە ۆالەريا پريماچەنكو – فۋنكسيالارى جەردىڭ تىرەك وربيتالارىندا عارىشتىڭ ٴىرى قالدىقتارىن ىزدەۋ، جيناۋ جانە كادەگە جاراتۋ بولىپ تابىلاتىن، اۆتونومدىق روبوتتاردى جيناۋ جانە باعدارلامالاۋ بويىنشا كۇردەلى تاپسىرمالاردى ٴساتتى ورىنداپ شىقتى.

قارقىندى دايىندالۋدىڭ ٴۇش ايىنىڭ شارىقتاۋ شەگى بولعان ەڭ ۇزدىك روبوت كونسترۋكتورلارىنىڭ تيتۋلى ٴۇشىن قيىن كۇرەستە سونداي-اق پەرم، ەكاتەرينبۋرگ، جەلەزنودوروجنىي جانە كراسنوگورسك قالالارىنىڭ مەكتەپ وقۋشىلارى لايىقتى ونەر كورسەتتى. كونكۋرس «جەر ماڭايىنداعى عارىشتىق كەڭىستىكتى بىرگە تازالايىق!» ۇرانىمەن، كىشى (ون جاسقا دەيىنگى) جانە ۇلكەن (ون جاستان ۇلكەن) ەكى جاس كاتەگوريالارىندا ٴوتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي