BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستاندىق اسكەري قىزمەتشىلەر حالىقارالىق ارميا ويىندارىنا قاتىسادى

«باتىس» وڭىرلىك قولباسشىلىعىنىڭ ۇزدىك تانك ەكيپاجى مەن ۇزدىك مەرگەنى قازاقستان قارۋلى كۇشتەرى اتىنان 2018 جىلعى حالىقارالىق ارميا ويىندارىنا قاتىسادى، دەپ حابارلايدى baq.kz اقپارات اگەنتتىگى.

بيىلعى جىلى «باتىس» وڭىرلىك قولباسشىلىعى ٴوز اسكەري قىزمەتشىلەرىن حالىقارالىق ارميا ويىندارىنا قاتىسۋ ٴۇشىن جان-جاقتى دايىنداعان بولاتىن. الدىن-الا ٴتۇرلى كونكۋرس ساناتتارىندا كوماندالار جيناقتاپ، قاڭتار ايىنان بەرى دايىندىق باستالىپ كەتتى. ىرىكتەۋ سايىستارىندا ەڭ ۇزدىك ناتيجە كورسەتكەن تانك ەكيپاجى مەن ۇزدىك مەرگەن قازاقستان رەسپۋبليكاسى قارۋلى كۇشتەرىنىڭ «تانك بياتلونى» مەن «سنايپەرسكيي رۋبەج» كونكۋرسىنا قاتىسادى.

«تانك بياتلونى» كونكۋرسىنىڭ نەگىزگى قۇرامىنا اقتاۋ قالاسى 25744 اسكەري ٴبولىمىنىڭ مەحانيك-جۇرگىزۋشىسى اعا سەرجانت توقتار باجيەۆ پەن كوزدەۋشى-وپەراتور اعا سەرجانت ايدار تالاپوۆ جاقسى ناتيجە كورسەتىپ، بۇگىنگى كۇنى اياگوز قالاسىنداعى «مايلينو» پوليگونىندا سوڭعى دايىندىقتارىن جۇرگىزۋدە.

سونىمەن قوسا، «باتىس» وڭىرلىك قولباسشىلىعىنىڭ ۇزدىك مەرگەنى اتىراۋ قالاسى 41433 اسكەري ٴبولىمىنىڭ اسكەري قىزمەتشىسى كىشى سەرجانت ارتۋر اديلوۆ تا «سنايپەرسكيي رۋبەج» كونكۋرسىنا قاتىساتىن نەگىزگى قۇرام مۇشەسى اتاندى. بىلتىرعى وتار كەنتىندە وتكەن وسى كونكۋرستا، كىشى سەرجانت ارتۋر اديلوۆ قازاقستان قارۋلى كۇشتەرىنە ٴبىرىنشى ورىن الىپ كەلگەن بولاتىن.

بيىل «تانك بياتلونى» جارىسى رەسەي فەدەراسياسى، ماسكەۋ وبلىسىنداعى ايگىلى «الابينو» پوليگونىندا وتسە، «سنايپەرسكيي رۋبەج» مەرگەندەر سايىسى بەلارۋس رەسپۋبليكاسىنىڭ مينسك قالاسىندا وتەدى.

ەستەرىڭىزگە سالا كەتسەك، بيىلعى حالىقارالىق ارميا ويىندارى 29 شىلدە مەن 12 تامىز ارالىعىندا قازاقستان، رەسەي، بەلارۋس، يران جانە ارمەنيا اۋماعىندا وتەتىن بولادى. قازاقستان رەسپۋبليكاسىنىڭ تەرريتورياسىندا 28 سايىستىڭ ٴ3-ۋى وتكىزىلەدى، ولار «ۋۆەرەننىي پريەم»، «ماستەرا ارتيللەرييسكوگو وگنيا» جانە «سوكولينايا وحوتا» كونكۋرستارى. وسى جىلى ويىنعا قاتىسۋشى مەملەكەتتەر سانى 30-دان استى.

حالىقارالىق ارميا ويىندارى تارىزدەس ٴىس-شارالار تەك قانا اسكەري قىزمەتشىلەر ٴۇشىن عانا ەمەس، بارشا مەملەكەت ٴۇشىن ماڭىزى زور. سەبەبى، سايىسقا دايىندىق جانە ونى وتكىزۋ بارىسىندا قارۋلى كۇشەتەرىنىڭ كۇش-قۋاتى ارتۋمەن قاتار، حالىقارالىق ىنتىماقتاستىق دەڭگەيى دە جوعارىلاي تۇسەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي