BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستاندا جاردەماقىنىڭ جاڭا ٴتۇرى ەنگىزىلدى

بۇل قاراجات كامەلەت جاسىنان اسقان ٴى توپتاعى مۇگەدەكتەردىڭ قامقورشىلارىنا تولەنەدى. مەملەكەت تاراپىنان مۇنداي كومەكتى 14 مىڭنان استام وتباسى الادى دەپ كوزدەلىپ وتىر. بۇعان دەيىن ٴبىرىنشى توپتاعى مۇمكىندىگى شەكتەۋلى جاندار 18 جاسقا تولعان سوڭ، ولاردىڭ اتا-انالارىنا تولەنەتىن جاردەماقى توقتاتىلاتىن، دەپ حابارلايدى baq.kz اقپارات اگەنتتىگى 24.kz ارناسىنا سىلتەمە جاساپ.

استانا تۇرعىنى ناعيما جۇمابەكتىڭ ۇلى ەرجان – ٴى توپتاعى مۇگەدەك. جاسى 28-دە. اناسى «بالامدى باعىپ-قاعۋعا شامام جەتكەنىمەن، كۇتىمىنە قاراجات كەرەك. مەملەكەتتىڭ وسىنداي جاندارعا قامقورلىق جاساعانى وتە قۇپتارلىق ٴىس»، – دەيدى.

"ەگەر ونىڭ ٴوزىنىڭ دەنساۋلىعى جاقسى بولىپ، جۇمىس ىستەپ سول قاراجاتتى ٴوزى تاپسا، ودان ارتىق باقىت بولماس ەدى. ٴبىراق مۇگەدەك بولعان سوڭ ۇيدە وتىر. وعان كۇندىز-تۇنى كۇتىم كەرەك. قاراۋسىز قالدىرۋعا بولمايدى. اسپاز بولىپ تۇنگى اۋىسىمدا ىستەيمىن. كۇندىز مەن، تۇندە اكەسى قارايدى. بىلتىر پاتەر الدىق. ەندى جاردەماقى تاعايىندالىپ جاتىر. وسىنىڭ ٴبارى ەلباسىنىڭ جاناشىرلىعى دەپ بىلەمىز" - دەيدى قالا تۇرعىنى ناعيما جۇمابەك.

جاردەماقىنىڭ بۇل ٴتۇرى 18 جاستان اسقان ٴى توپتاعى مۇگەدەكتەرگە كۇتىم جاسايتىن ادامدارعا تولەنەدى. ونىڭ كولەمى ەڭ تومەنگى كۇنكورىس دەڭگەيىنىڭ 1،05 مولشەرىنە تەڭ نەمەسە 29 699 تەڭگە.

جاردەماقى ٴومىر بويىنا تاعايىندالادى. تەك كامەلەتكە تولماعاندار، جۇيكە اۋرۋى مەن ناركولوگيالىق ديسپانسەردە تىركەۋدە تۇرعاندار قامقورشى بولا المايدى.

"ٴبىر جانۇيادا ەكى مۇگەدەك بولسا، مۇگەدەكتى باعىپ وتارعان ٴار ادامعا تولەنەدى. ەگەر دە وتباسىندا ەكى جانە ودان دا كوپ بالا جاستان ٴى توپتاعى مۇگەدەك بولاتىن بولسا، جاردەماقى ٴارقايسىسىنا تولەنەدى. ەگەر دە ولاردى ٴبىر ەمەس، بىرنەشە ادام باعىپ وتىراتىن بولسا، تەك ٴبىر ادامعا تولەنەدى" - دەيدى قر ەحاقم دەپارتامەنتى ديرەكتورىنىڭ ورىنباسارى بالجان باياحاتوۆا.

جاردەماقىنىڭ بۇل ٴتۇرىن شامامەن ەلىمىز بويىنشا 14 مىڭنان استام وتباسى الادى.

ايتا كەتەيىك، قامقورشىلاردى جىلىنا ەكى مارتە اۋىستىرۋعا رۇقسات بار. سونداي-اق ولار بىرگە نەمەسە جاقىن ماڭدا تۇرۋعا مىندەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي