BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

قازاقستاندا ۇيالى تەلەفونداردى تىركەۋ ەرەجەلەرى وزگەردى

ۇيالى ابونەنتتىك قۇرىلعىلاردى تىركەۋ ەرەجەسى قازاقستان رەسپۋبليكاسىنىڭ 2004 جىلعى 5 شىلدەدەگى «بايلانىس تۋرالى» زاڭىنىڭ 8-بابىنىڭ 1-تارماعىنىڭ 8-8-تارماقشاسىنا سايكەس ازىرلەندى، دەپ حابارلايدى baq.kz اقپارات اگەنتتىگى.

تىركەۋ ەرەجەسىنە سايكەس، قازاقستان رەسپۋبليكاسىنىڭ اۋماعىنا شىعارىلاتىن نەمەسە يمپورتتالعان ۇيالى بايلانىس ابونەنتتىك قۇرىلعىلارى قولدانىلادى.

ابونەنتتەر ٴۇشىن ۇيالى بايلانىس قۇرالىن تىركەۋ تاپسىرىس بەرىلگەننەن كەيىن، جەكە تۇلعالارعا 4 ساعات جانە زاڭدى تۇلعالار ٴۇشىن 8 ساعات ىشىندە اقىسىز تۇردە جۇزەگە اسىرىلادى.

ون ٴتورت جاستان ون سەگىز جاس ارالىعىنداعى كامەلەت جاسقا تولماعان تۇلعالاردىڭ ۇيالى بايلانىس قۇرىلعىسىن تىركەۋ ولاردىڭ زاڭدى وكىلدەرىنىڭ نەمەسە اتا-انالارىنىڭ كەلىسىمىمەن، ون ٴتورت جاسقا دەيىنگى كامەلەتكە تولماعاندار ٴۇشىن زاڭدى وكىلدەرى نەمەسە اتا-انالارى تاراپىنان جۇزەگە اسىرىلادى.

ابونەنتتىڭ ۇيالى بايلانىس قۇرىلعىسىن تىركەۋ نەمەسە قايتا تىركەۋ ٴۇشىن ونىڭ يەسى اۆتوماتتىق قىزمەت كورسەتۋ جۇيەسى ارقىلى نەمەسە ۇيالى بايلانىس وپەراتورىنىڭ كەڭسەسىنە حابارلاسۋ ارقىلى كەلەسى دەرەكتەردى ۇسىنۋى قاجەت:
1) جسن (جەكە تۇلعا ٴۇشىن) نەمەسە بسن (زاڭدى تۇلعا ٴۇشىن);
2) ۇيالى بايلانىس ابونەنتتىك ٴبولىمىنىڭ سايكەستەندىرۋ كودى;
3) تىركەلەتىن ۇيالى بايلانىس قۇرىلعىسىندا پايدالانىلاتىن ابونەنتتىك نومىرلەر.

ۇيالى تەلەفونداردىڭ پايدالانۋشىلارى ٴوز قۇرىلعىلارىن 2018 جىلدىڭ سوڭىنا دەيىن تىركەۋى قاجەت، ويتكەنى 2019 جىلدىڭ 1 قاڭتارىنان باستاپ تىركەلمەگەن ابونەنتتىك ۇيالى بايلانىس تەلەفوندارى بايلانىس قىزمەتتەرىن الا المايدى.

ۇيالى تەلەفونداردى تىركەۋ ٴۇشىن ابونەنتتەر ۇيالى بايلانىس وپەراتورلارىنىڭ ابونەنتتىك بولىمشەلەرىنە بارۋدىڭ قاجەتى جوق. ابونەنتتەر ونلاين نەمەسە sms ارقىلى تىركەلە الادى (ۇيالى بايلانىس وپەراتورلارىنىڭ ينتەرنەت-رەسۋرسى جانە sms، ussd جانە ت.ب.) ارقىلى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي