BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

قازاقستاندا كولىك جۇرگىزۋ كۋالىگى شىعارىلماۋى مۇمكىن

قر پارلامەنتى سەناتىنىڭ دەپۋتاتى داريعا نازاربايەۆا ىىم-دەگى قارجىلاندىرۋدىڭ جەتكىلىكسىزدىگى تۋرالى ماسەلە كوتەردى، دەپ حابارلايدى baq.kz ٴتىلشىسى.

«توتەنشە جاعدايلار كوميتەتىن قاجەتتى ينجەنەرلىك-تەحنيكالىق زاتتارمەن، ارنايى قۇرال-جابدىقتارمەن، كولىكپەن قامتاماسىز ەتۋ نورماتيۆ بويىنشا 30-دان 70%-عا دەيىن قۇرايدى. بۇل ٴىىم ليميتتەرىنىڭ اياسىندا كوميتەتتى جەتكىلىكسىز قارجىلاندىرۋمەن بايلانىستى بولىپ وتىر. كوميتەتىمىز توتەنشە جاعدايلار كوميتەتى مەن ۇلتتىق گۆارديا ٴۇشىن جەكە ٴليميتتى انىقتاۋ تۋرالى بىرنەشە رەت ماسەلە كوتەردى. ٴىىم جالپى بيۋدجەت پەن ىىم-گە ٴليميتتى تۇتاستاي انىقتاۋدا قارجىنىڭ ۇزاق ۋاقىت ٴتيىمسىز جۇمسالۋىن كورىپ وتىرمىز»، - دەدى نازاربايەۆا.

ول مىسال رەتىندە مينيسترلىكتەگى جەتكىلىكسىز قارجىلاندىرۋعا مىسال بولاتىن جوبالار لەگىن اتاپ ٴوتتى.

«ٴورت ٴسوندىرۋ دەپولارىنىڭ قۇرىلىسى بويىنشا 15 جوبالىق-سمەتالىق قۇجاتتىڭ تەك تورتەۋى عانا ىسكە اسىرىلادى. 2017 جىلى بيۋدجەت قارجىسىنان 86 ملن تەڭگە جۇمسالعان 4 جوبانى ازىرلەۋ مەرزىمى ٴوتىپ كەتتى. 100 ملن تەڭگە جۇمسالاتىن 7 جوبا 2018-2020 جىلدارعا ارنالعان بيۋدجەتكە ەنگىزىلمەگەن. بۇل دەگەنىمىز بيۋدجەت قارجىسىنان 186 ملن تەڭگەنىڭ ٴتيىمسىز جۇمسالۋىنا الىپ كەلەدى. سۇراق: بۇل ٴۇشىن كىم جەكە جاۋاپكەرشىلىك الادى؟ وسى بيۋدجەتتى جوسپارلاپ وتىرعان مەملەكەتتىك ورگان ۇەم بە الدە ٴىىم بە؟ قارجىلاندىرىلمايتىن جوبالارعا بيۋدجەتتەن اقشا ٴبولۋ نە ٴۇشىن كەرەك؟ توتەنشە جاعدايلار كوميتەتى مەن ۇلتتىق گۆارديانىڭ وزىندىك بيۋدجەتىن ناقتىلاۋ ماسەلەسى شەشىلە مە؟ ٴبىز ٴىىم قۇرامىنداعى وسى ەكى ٴبولىمنىڭ وگەي بالا سەكىلدى كۇن كەشىپ وتىر دەپ سانايمىز. ولار ەرەكشە نازاردى قاجەت ەتەدى»، - دەدى نازاربايەۆا 2017 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىن قاراۋ وتىرىسىندا.

ىشكى ىستەر ٴمينيسترى قالمۇحانبەت قاسىموۆ سەناتوردىڭ قارجىلاندىرۋدىڭ جەتىسپەۋى تۋرالى ايتقانىن تولىق مويىندادى.

«راسىمەن دە، ٴتورت باعىت بويىنشا قارجىلاندىرۋدىڭ جەتىسپەۋشىلىگى ماسەلەسى بار. بۇل – ۇلتتىق گۆارديا، تجك، قىلمىستىق-اتقارۋ جۇيەسى كوميتەتى جانە بارلىق ىشكى ىستەر ورگاندارى. ارينە، ٴبارىمىز ٴبىر مينيسترلىك قۇرامىنا كىرەمىز. الايدا قارجىلاندىرۋ ٴليميتىن قارجى مينيسترلىگى مەن ۇەم بەكىتەدى. بولاشاقتا كولونيا قۇرىلىسىن، ٴورت ٴسوندىرۋ دەپوسى قۇرىلىسىن جوسپارلادىق، اقشا بولەمىز. بىزگە جوبالىق-سمەتالىق قۇجاتتى جاساۋ ارقىلى قارجى بەرەدى، ال قارجىلاندىراتىن ۋاقىت جەتكەندە ونى الا امايمىز»، - دەدى مينيستر.

ونىڭ ايتۋىنشا، بيۋدجەتتىك باعدارلامانى ٴبولۋ ماسەلەسى شەشىلەر بولسا قارجىلاندىرۋ جۇرەدى.

«ٴبىز بارلىق باعىتتى ۇيلەستىرۋىمىز كەرەك. ٴتىپتى جاي قىاك بويىنشا دا. ٴقازىر تاماقتاندىرۋدا، ىىم-دە كولىك جۇرگىزۋ كۋالىگىن دايىنداۋعا قارجىلاندىرۋ جەتپەي جاتىر. كۋالىكتەردى شىعارا الماۋىمىز مۇمكىن. سول سەبەپتى ماسەلە كوپ، ٴبىز ٴبارىن جولعا قويىپ وتىرمىز. مۇنى ۇەم قارجىلاندىرۋىمەن شەشەمىز دەپ ويلايمىن»، - دەدى مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي