BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستاندا دارىلەردىڭ شەكتى باعاسى بەكىتىلەدى

بۇگىن قر پارلامەنتىنىڭ جالپى وتىرىسى بارىسىندا ٴماجىلىس دەپۋتتارى دەنساۋلىق ساقتاۋ مينيسترلىگى ازىرلەگەن دارى-دارمەكتەردىڭ ەكونوميكالىق قولجەتىمدىلىگىن ارتتىرۋعا، ولاردىڭ ساپاسى مەن قاۋىپسىزدىگىن قامتاماسىز ەتۋگە، سونداي-اق ۇتىمدى پايدالانۋعا ىقپال ەتەتىن زاڭ جوباسىن تالقىلادى. ودان باسقا، زاڭ جوباسىنىڭ نورمالارى دارىلىك زاتتار مەن مەديسينالىق بۇيىمداردى جوسپارلاۋ مەن ولاردى ساتىپ الۋ جۇيەسىن جەتىلدىرۋگە باعىتتالعان، دەپ حابارلايدى baq.kz اقپارات اگەنتتىگى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە دارىلىك زاتتار مەن مەديسينالىق بۇيىمدار اينالىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسى مەملەكەت باسشىسىنىڭ «قازاقستاننىڭ ٴۇشىنشى جاڭعىرۋى: جاھاندىق باسكەگە قابىلەتتىلىك» اتتى قازاقستان حالقىنا جولداۋىنا جانە ەۋروپالىق ەكونوميكالىق وداققا دارىلىك زاتتار مەن مەديسينالىق بۇيىمداردىڭ جالپى نارىعىن قۇرۋعا سايكەس ازرىلەندى.

مەملەكەت باسشىسىنىڭ تاپسىرماسىنا سايكەس حالىق ٴۇشىن دارى-دارمەكتەردىڭ ەكونوميكالىق قولجەتىمدىلىگىن ارتتىرۋ ٴۇشىن ولاردى كوتەرمە جانە بولشەك ساتۋ كەزىندە دارى-دارمەككە ارنالعان باعالاردى رەتتەۋگە مۇمكىندىك بەرەتىن مەحانيزمدەر ەنگىزىلەتىن بولادى. بۇل مەحانيزمدەردى ازىرلەۋ كەزىندە ەدىۇ جانە ەاەو ەلدەرىندە دارى-دارمەكتەرگە ارنالعان باعالاردى رەتتەۋ بويىنشا حالىقارالىق تاجىريبە ەسكەرىلەتىن بولادى. باعالىق رەتتەۋ مەحانيزمدەرى ەنگىزىلگەننەن كەيىن شەكتى كوتەرمە جانە بولشەك ساتۋ باعالارى تۋرالى اقپاراتتى دەنساۋلىق ساقتاۋ مينيسترلىگىنىڭ ينتەرنەت-رەسۋرستارىنان جانە دارىلىك زاتتار مەن مەديسينالىق بۇيىمداردىڭ مەملەكەتتىك تىزىلىمىنەن تابۋعا بولادى، ال باعالاردى كوتەرۋ تۋرالى فاكتىلەرىمەن حالىقتان كەرى بايلانىستى ازاماتتار ٴۇشىن ارنايى ازىرلەنگەن موبيلدىك ۇسىنىس ارقىلى ەنگىزۋ جوسپارلانىپ وتىر.

دارىلىك زاتتاردىڭ جانە مەديسينالىق بۇيىمداردىڭ ساپاسى مەن قاۋىپسىزدىگىن قامتاماسىز ەتۋ ٴۇشىن زاڭ جوباسى 2018 جىلعى قاڭتاردان باستاپ وندىرۋشىلەر مەن ديستريبيۋتورلار ٴۇشىن، ال بولشەك ساتۋ جەلىسى ٴۇشىن 2023 جىلعى قاڭتاردان باستاپ ٴتيىستى فارماسەۆتيكالىق پراكتيكالاردىڭ حالىقارالىق ستاندارتتارىن ەنگىزۋدى كوزدەيدى. ٴتيىستى فارماسەۆتيكالىق پراكتيكالاردىڭ حالىقارالىق ستاندارتتارىن جەدەل ەنگىزۋدى ۋاجدەمەلەۋ تمككك شەڭبەرىندە دارىلىك زاتتاردى ساتىپ الۋ كەزىندە سەرتيفيكات يەلەرى ٴۇشىن ارتىقشىلىق بولماق. دارى-دارمەكتى تىركەۋدەن كەيىنگى باقىلاۋ (فارماكولوگيالىق قاداعالاۋ) جانە مەديسينالىق بۇيىمداردىڭ قاۋىپسىزدىگىن مونيتورينگتەۋ جۇيەسى كۇشەيتىلەتىن بولادى، ول مەديسينالىق ۇيىمدار مەن فارمكومپانيالاردى دارىلىك زاتتاردىڭ جانە مەديسينالىق بۇيىمداردىڭ جاناما اسەرلەرى جونىندەگى اقپاراتتى ۇسىنۋدى مىندەتتەيتىن بولادى.

ودان باسقا، زاڭ جوباسى شەڭبەرىندە دەنساۋلىق ساقتاۋ مينيسترلىگى دارىلىك زاتتاردى جانە مەديسينالىق بۇيىمداردى وڭتايلى تاڭداۋ جانە ولاردى ەتيكالىق ىلگەرىلەتۋ جونىندەگى نورمالاردى ازىرلەگەن بولاتىن.

دارىلىك زاتتاردى ساتىپ الۋ پروسەسىنىڭ ايقىندىلىعى مەن اشىقتىعىن قامتاماسىز ەتۋ، ساتىپ الۋ راسىمدەرىن وڭتايلاندىرۋ جانە اكىمشىلىك توسقاۋىلداردى تومەندەتۋ، الەۋەتتى قىزمەتتەر بەرۋشىلەرمەن جەكە قاتىناسۋ مۇمكىندىگىن الىپ تاستاۋ، سونداي-اق دارى-دارمەكتىڭ قوزعالىسىنا باقىلاۋدى قامتاماسىز ەتۋ ٴۇشىن. سونداي-اق، زاڭ جوباسى قر قارجى مينيسترلىگىنىڭ ساتىپ الۋ پورتالىن قولدانا وتىرىپ، دارى-دارمەكتى ەلەكتروندىق ساتىپ الۋعا كوشۋدى كوزدەيدى.

انىقتاما: الماتى جانە استانا قالالارىنداعى بولشەك ساتۋ ٴدارىحانالارىنداعى باعالاردىڭ مونيتورينگى ٴارتۇرلى ٴدارىحانادا ٴبىر اتاۋدىڭ باعاسىنىڭ ايىرماسى 100%-تەن اساتىنىن كورسەتتى. مىسالى، كەتەرول پرەپاراتىنىڭ ەڭ تومەنگى باعاسى 230 تەڭگەنى، ال ەڭ جوعارى باعاسى – 500 تەڭگەنى قۇرايدى، ايىرماسى 100%-تەن استام. قازىرگى تاڭدا قازاقستان رەسپۋبليكاسىندا باعالار ساتىپ الۋدىڭ شەكتى باعالارىن بەلگىلەۋ ارقىلى تەگىن مەديسينالىق كومەكتىڭ كەپىلدىك بەرىلگەن كولەمىن كورسەتۋ ٴۇشىن ساتىپ الىناتىن دارى-دارمەكتەرگە عانا رەتتەلەتىنىن اتاپ كورسەتەمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي