BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

قازاقستاندا بالامالى ەنەرگيا كوزدەرى جوبالارىنىڭ ونلاين-اۋكسيونى وتەدى

قر ەنەرگەتيكا مينيسترلگى بالامالى ەنەرگيا كوزدەرى دەپارتامەنتىنىڭ ديرەكتورى اينۇر سوسپانوۆا 23 مامىردا وتەتىن بالامالى ەنەرگيا كوزدەرى جوبالارىن ىرىكتەۋ بويىنشا العاشقى حالىقارالىق اۋكسيون تۋرالى ايتتى، دەپ حابارلايدى baq.kz ٴتىلشىسى.

«بۇگىندە قازاقستاندا جالپى قۋاتى 340 مۆت جەل، كۇن، ٴداستۇرلى سۋ ەنەرگەتيكاسى ستانسيالارى بار. جاڭارتىلعان ەنەرگيا كوزدەرى ەكولوگيالىق تازا، جىلىجاي گازدارىنىڭ تارالۋىن تومەندەتىپ، بولاشاق ۇرپاققا كومىرسۋ قورىن جەتكىزۋگە مۇمكىندىك بەرەتىنى ٴۇشىن قازاقستاندا وزەكتى بولىپ وتىر. بىلتىردان بەرى جاڭارتىلعان ەنەرگيا كوزدەرى جوبالارىن ىرىكتەۋدىڭ اۋكسيوندىق مەحانيزمىن جەتىلدىردىك. 2017 جىلى زاڭدى وزگەرتىپ، اۋكسيون ەرەجەلەرىن ازىرلەدىك. العاشقى كوكتەمگى-جازعى سەسسيا 23 مامىردان باستاپ 7 ماۋسىمعا دەيىن، ال كۇزگى سەسسيا قازاندا وتەدى. اۋكسيوندىق ساۋداعا 1گۆت قۋات شىعارىلادى. قازاقستاننىڭ جەل الەۋەتى باي بولعان سوڭ 600 مۆت استام قۋاتتى جەل ستانسياسى جوبالارىنا قويامىز، قالعان قۋات كۇن گەنەراسياسى، سۋ ەنەرگەتيكاسى مەن بيوگاز قوندىرعىلارى جوبالارىنا بەرىلەدى»، - دەدى سوسپانوۆا ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا.

ول مۇنداي اۋكسيوندا ەڭ تومەن باعانى قويعان ينۆەستور جەڭىمپاز اتاناتىنى ايتتى. سونداي-اق اۋكسيون ونلاين رەجيمدە ەلەكتروندى ساۋدا تۇرىندە ٴۇش ساعاتقا سوزىلادى.

«اۋكسيوندىق مەحانيزم قازاقستاندا بەك جوبالارىن ىرىكتەۋدە ٴادىل باعانى انىقتايدى. ٴبىزدىڭ قارجىمىز، كۇن، جەل ەنەرگەتيكاسىنىڭ الەۋەتى، قازاقستانداعى جەر ۋچاسكەلەرى مەن قۇرىلىس ەسەبى باعاعا اسەر ەتەدى. مۇنداي ساۋدا ٴارى اشىق، تۇسىنىكتى بولسا، ٴارى جەرگىلىكتى كومپانيالارمەن قاتار حالىقارالىق ويىنشىلاردىڭ قىزىعۋشىلىعىن ارتتىرادى. وسى ماقساتتا كۇزگى اۋكسيوندىق ساۋداعا اۋقىمدى جوبالار: 250 مۆت جەل پاركتەرى مەن 150 مۆت كۇن پاركتەرى شىعارىلادى»، - دەدى دەپارتامەنت ديرەكتورى.

ال اۋكسيوندى وتكىزۋگە جاۋاپتى «kورەم» اق ٴتوراعاسىنىڭ ورىنباسارى ەرجان ماديەۆ ەرجان عاليجان ۇلى اۋكسيون قاتىسۋشىلارىنا قويىلاتىن تالاپتاردى اتادى.

«اۋكسيونعا قاتىسقىسى كەلەتىن بارلىق ينۆەستورلار ٴبىزدىڭ سايت ارقىلى ونلاين تىركەلەدى. زاڭدى تۇلعا بانكتىك رەكۆيزيت، كومپانيا اتاۋى، قايدا ورنالاسقانى تۋرالى مالىمەتتەردى تىركەيدى. سايتقا سكانەرلەنگەن قۇرىلتاي قۇجاتتاردى ورنالاستىرادى، ال شەتەلدىك كومپانيا بولسا مۇنداي قۇجاتتاردىڭ اۋدارىلعان نۇسقاسىن جىبەرەدى. ال ٴبىز ەكى كۇن ىشىندە جوبانىڭ شارتى مەن قىزمەت تولەمىنىڭ ەسەبىن پوشتالارىنا جىبەرەمىز. سوسىن ولار قىزمەت تولەمىن جاساپ، شارتقا قول قويىپ قۇجاتتى بىزگە جىبەرەدى. وسىدان كەيىن ٴبىز ولارعا ساۋدا قاتىسۋشىسى دەگەن ستاتۋس بەرەمىز. ٴتۇپنۇسقا قۇجاتتاردى جىبەرگەن سوڭ ولار ساۋدا جۇيەسىمەن جۇمىس ىستەۋ بويىنشا وقىتىلىپ، سودان سوڭ ٴوز قىزمەتكەرلەرىن وقىتادى»، - دەدى ول.

ونىڭ ايتۋىنشا قاتىسۋشىلار اۋكسيوندىق ساۋداعا قاتىسۋ وتىنىمدەرىن كەپىلدەندىرۋى ٴتيىس. 1 كۆت قۇنى 2000 تەڭگە. قاتىسۋشىلار تىركەلگەن سوڭ ساۋدا جۇيەسى باعالاردى ەسەپتەپ، ٴبىرجاقتى اۋكسيون ارقىلى ەڭ تومەن باعانى قويعان ينۆەستورلار جەڭىمپاز اتانادى.

«وسى ارقىلى بىرىنشىدەن، اۋكسيونعا ادامي فاكتورلاردىڭ ارالاسۋىن شەكتەيمىز، ەكىنشىدەن، ەڭ تومەنگى باعانى تاڭداپ الىپ باعالاردى تومەندەتەمىز. ساۋدانى جەڭىپ شىققان كومپانيا ەنەرگيا ٴوندىرۋشى ۇيىمدار تىزىمىنە ەنىپ، جاڭارتىلعان ەنەرگيا كوزدەرىن قولداۋ جونىندەگى قارجى-ەسەپ ايىرىسۋ ورتالىعىمەن 15 جىلعا ەلەكتر ەنەرگياسىن ساتىپ الۋ تۋرالى كەلىسىمشارت جاسايدى. تىركەلگەن قاتىسۋشىلار ٴبىر-بىرى تۋرالى بىلمەيدى، ولاردىڭ قويعان باعاسى مەن قۋات كولەمى كورىنبەيتىن بولعان سوڭ بىر-بىرىمەن باسەكەلەسپەي، ياعني ٴوزى ٴۇشىن ادىلەتتى دەپ شەشكەن باعانى قويادى»، - دەدى ماديەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي