BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قازاقستاندا اسكەري قىزمەتشىلەرگە پاتەر بەرىلۋدە 

فوتو: интернеттен

قازاقستاندا قابىلدانعان «اسكەري باسپانا» باعدارلاماسى اياسىندا اسكەري قىزمەتشىلەرگە ٴۇي بەرىلە باستالدى. بۇل جونىندە ورتالىق كوممۋنيكاسيالار قىزمەتىندە وتكەن بريفينگتە «قازاقستاننىڭ تۇرعىن ٴۇي قۇرىلىس جيناق بانكى» اق باسقارما ٴتورايىمى ٴلاززات يبراگيموۆا مالىمدەدى، دەپ حابارلايدى baq.kz ٴتىلشىسى.

«وسى جىلى ٴبىز اسكەري قىزمەتكەرلەرگە ارنالعان اسا ماڭىزدى جوبانى باستادىق. ول وتان قورعاۋشىلارعا باسپانا الۋعا مۇمكىندىك بەرەدى. «اسكەري باسپانا» اياسىندا 6 مىڭعا جۋىق اسكەري قىزمەتشى قازاقستان تۇرعىن ٴۇي جيناق بانكىندە اعىمداعى جەكە ەسەپشوتتار اشقان. بۇل ماقساتتا بانك 98 ملرد تەڭگە ٴبولىپ وتىر. ونىڭ ىشىندە 74 ملرد تەڭگە اسكەري قىزمەتشىلەرگە نەسيە بەرۋگە جۇمسالسا، قالعان 24 ملرد تەگە كەيبىر زايمداردى قايتا قارجىلاندىرۋعا باعىتتالادى. نەسيە بەرۋ اشىق ٴجۇرسىن دەپ ارنايى ۇپاي جۇيەسىن ەنگىزدىك. نەگىزگى كورسەتكىش – ۇمىتكەردىڭ قىزمەت ٴوتىلى. 2 شىلدە مەن 1 تامىز اراسىنداعى ٴبىر اي ىشىندە بانك اسكەري قىزمەتشىلەردەن ٴوتىنىش قابىلدادى»، - دەدى بانك باسشىسى.

ونىڭ ايتۋىنشا، ٴبىرىنشى نارىقتاعى جانە ەكىنشى نارىقتاعى باسپانالاردى الۋ ٴۇشىن ارنايى ٴتيىمدى شارتتار قاراستىرىلعان.

«بانك اسكەري قىزمەتشىلەرگە زايمنىڭ ٴۇش ٴتۇرىن ۇسىنادى. بانككە 14 مىڭعا جۋىق ٴوتىنىش كەلىپ ٴتۇستى. سونىڭ ىشىندە 4 430 ٴوتىنىش ماقۇلداندى جانە ٴقازىر 84 زايم بەرىلدى. 285 ٴوتىنىش قۇجاتتارعا قول قويۋ پروسەسىندە قاراستىرىلىپ جاتىر. جىل سوڭىنا دەيىن بارلىق ٴوتىنىش قاناعاتتاندىرىلادى دەپ جوسپارلاپ وتىرمىز. سونىمەن قاتار، تاعى 1000-نان استام ٴوتىنىش قاراستىرىلىپ جاتىر جانە ولار دا ماقۇلادانادى. ٴوتىنىش سانى بويىنشا استانا، الماتى جانە وسكەمەن قالالارى كوش باستاپ تۇر»، - دەدى يبراگيموۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي