BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستاندا 2 ملن ادام اپتاسىنا 40 ساعاتتان ارتىق جۇمىس ىستەيدى

قازاقستاندىقتار وزدەرىنىڭ 23،5% (1،9 ملن ادام) اپتاسىنا 40 ساعاتتان ارتىق جۇمىس ىستەيتىنىن ايتتى. سونىمەن بىرگە، رەسپوندەنتتەردىڭ 69،3% بۇل جۇمىس بەرۋشىنىڭ تالابى ەكەنىن كورسەتتى، دەپ حابارلايدى baq.kz aقپارات اگەنتتىگى ls سايتىنا سىلتەمە جاساپ.

تاعى 19،2% ادام سانالى تۇردە تابىس تابۋ ٴۇشىن كەلىسەتىنىن، ال 7،4% وندىرىستىك قاجەتتىلىككە بايلانىستى ەكەنىن مويىندادى.

ستاتيستيكا كوميتەتىنىڭ مالىمەتى بويىنشا ەل ەكونوميكاسىنىڭ ٴارتۇرلى سالاسىندا 8،6 ملن ادام جۇمىسپەن قامتىلعان (حالىقتىڭ 66،4%-ى 15 جاستان اسقاندار).

جۇمىسپەن قامتىلعانداردىڭ جارتىسىنان كوبى ەرلەر 52% (4،5 ملن ادام)، قالعان 48% (4،1 ملن ادام) – ايەلدەر. 6،4 ملن ادام – (قىزمەتكەرلەردىڭ جالپى سانىنىڭ 74،6%) جالدامالى جۇمىسشى جانە ٴوز بەتىنشە جۇمىسپەن اينالىساتىندار – 2،2 ملن ادام (25،4%).

جۇمىسپەن قامتىلعانداردىڭ 10،7% قولايسىز نەمەسە ٴقاۋىپتى ەڭبەك جاعدايىندا جۇمىس ىستەيتىنىن اتاپ ٴوتتى (2016 جىلى 12،6%)، ولاردىڭ 10،8%-ى قولايسىز تەمپەراتۋرالىق جاعدايلاردا ەڭبەك ەتەدى. ال، 9،3% ٴقاۋىپتى مەحانيزمدەرمەن، 21،9% ادام كوشەدە جۇمىس ىستەيدى. سونداي-اق، 26،5%-ىنىڭ اۋىر فيزيكالىق جۇمىسپەن اينالىساتىنى بەلگىلى بولدى.

سونىمەن قاتار، جۇمىس ىستەيتىن ايەلدەردىڭ جالپى سانىنىڭ 18% ٴوز جۇمىسىن ٴۇي شارۋاشىلىعىمەن قوسا الىپ ٴجۇرۋ قيىن ەكەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي