BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستان تەمىرجولىنىڭ ٴبىرىنشى جارتى جىلدىقتاعى جۇك اينالىمى 7% ٴوستى

بيىلعى قاڭتار مەن ماۋسىم ارالىعىندا «قازاقستان تەمىر جولى» ۇك» اق جەلىسىندە جۇك تاسىمالى، وتكەن جىلدىڭ سايكەس كەزەڭىمەن سالىستىرعاندا 7% جوعارىلادى، دەپ حابارلايدى baq.kz اقپارات اگەنتتىگى.

جالپى جۇك تيەۋ كولەمى 123 ميلليون توننانى قۇرادى.

ونىڭ ىشىندە قاڭتار-ماۋسىم ارالىعىندا استىق تاسىمالى 5،6 ميلليون توننانى قۇرادى. بۇل 2017 جىلمەن سالىستىرعاندا 46 پايىزعا جوعارى كورسەتكىش. ماۋسىمدا 770 مىڭ توننا استىق تاسىمالداندى. ول كورسەتكىش وتكەن جىلمەن سالىستىرعاندا 30% جوعارى. ونىڭ 540 مىڭ تونناسى ەكسپورتقا شىعارىلدى. بۇل كورسەتكىش وتكەن جىلمەن سالىستىرعاندا 44 پايىز جوعارى بولىپ وتىر. وسى ارالىقتا كومىر تاسىمالداۋ 49 ميلليون توننا بولدى. قۇرىلىس ماتەريالدارىن تاسىمالداۋ كولەمى 9،8 ميلليون توننانى قۇراپ، ٴوسىمى 27 پايىزعا جەتتى.

جىل باسىنان بەرى قازاقستان اۋماعىمەن 1861 كونتەينەرلىك پويىزدار وتكەن. قىتايدان ەۋروپاعا قاراي كونتەينەرلىك پويىز وتكەن جىلمەن سالىستىرعاندا 1،4 ەسەگە كوبەيگەن. كەرى قارايعى باعدارعا ترانزيتتىك تاسىمال كولەمى 1،6 ەسەگە وسكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي