BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قازاقستان تەمىر جولى الەۋمەتتىك-ماڭىزدى جۇكتەر تاسىمالىن تولىق كولەمدە قامتاماسىز ەتىپ وتىر

فوتو: Kapital.kz

كەشە «قتج» ۇك» اق باسقارما ٴتوراعاسىنىڭ كەڭەسشىسى رۋسلان يمانقۇلوۆ استىقتى ٴۇزىلىسسىز تۇتىنۋشىلارعا جەتكىزۋدى قامتاماسىز ەتۋ ماسەلەلەرى بويىنشا بريفينگ وتكىزدى، دەپ حابارلايدى baq.kz اقپارات اگەنتتىگى.

بيىلعى جىلدىڭ 9 ايىندا ارتىلعان استىق كولەمى 7،8 ملن توننا بولسا، بۇل 2017 جىلدىڭ سايكەس مەرزىمىمەن سالىستىرعاندا 43% ارتىق. رەسپۋبليكا بويىنشا تاسىمالدانعان استىق كولەمى 1،9 ملن توننانى قۇراسا، بۇل وتكەن جىلعا قاراعاندا 3% كوپ ەكەندىگىن كورسەتتى. ەكسپورتقا 5،9 ملن توننا استىق جونەلتىلدى (2017 جىلدىڭ دەڭگەيىنە 64% قوسىلدى). 2،3 ملن توننا تارتىلعان ٴونىم ارتىلسا، سونىڭ ىشىندە 1،7 ملن تونناسىن ەكسپورت قۇراپ وتىر.

قازاقستاندىق استىق پەن ۇندى ەكسپورتتاۋدىڭ ٴداستۇرلى باعىتتارى ورتالىق ازيا ەلدەرى، يران، اۋعانستان، قىتاي جانە رەسەي بولىپ تابىلادى.

تولىقتاي العاندا 2018 جىلدىڭ سوڭىنا دەيىن 10،8 ملن توننا استىق تاسىمالداۋ كوزدەلسە، بۇل 2017 جىلعى دەڭگەيدەن 27% ارتتى. جوسپارلانىپ وتىرعان تارتىلعان ونىمدەردى ارتۋ كولەمى 3،5 ملن توننا، سونىڭ ىشىندە ەكسپورت – 2،5 ملن توننانى قۇراپ، وتكەن جىلدىڭ دەڭگەيىمەن سايكەس كەلدى.

ەكسپورتتان وزگە رەسپۋبليكاىشىلىك قاتىناستا جۇك ارتىلعان وڭىرلەر قوستاناي، اقمولا جانە سولتۇستىك قازاقستان وبلىستارى بولىپ تابىلادى.

«كومپانيادا الەۋمەتتىك-ماڭىزدى جۇكتەردى دەر كەزىندە جەتكىزىپ بەرۋگە قاجەتتى جەتكىلىكتى پارك بار»، - دەدى ر.يمانقۇلوۆ جانە دە كولىكتىك قىزمەت ساپاسى رەسۋرستاردى ٴتيىمدى پايدالاۋمەن بايلانىستى ەكەندىگىمەن ٴتۇسىندىردى.

«قتج» ۇك» اق استىقتى تاسىمالداۋدى ۇيىمداستىرۋ جونىندەگى شتاب جۇمىس ىستەسە، جەدەل استىق توپتارى بەلسەندى قيمىلداۋدا. رەسپۋبليكانىڭ بارلىق وڭىرلەرىندە ترەيدەرلەرمەن، استىق يەلەرىمەن ٴجيى كەزدەسۋلەر وتكىزىلىپ تۇرادى.

قازاقستاندىق اۋىل شارۋاشىلىعى ونىمدەرىن وندىرۋشىلەرگە الىس جانە جاقىن شەت ەلدەرگە ٴوز ونىمدەرىن تاسىمالداۋعا جەڭىلدەتىلگەن تاريفتىك جاعداي قاراستىرىلعان. سونىمەن، بۇگىنگى تاڭدا اۋعانستان مەن يرانعا ارنالعان استىق پەن ۇن تاسىمالىنا جەڭىلدەتىلگەن تاريفتىك جاعداي بەلگىلەنگەن.

«بۇنداي شارالاردىڭ بارلىعى ەلدىڭ ىشىندە، سونىمەن بىرگە ەكسپورتقا الەۋمەتتىك-ماڭىزدى جۇكتەردى تاسىمالداۋ جونىندەگى ساپالى قىزمەت كورسەتۋگە وڭدى ىقپال جاسايدى»، - دەپ اتاپ كەتتى ر.يمانقۇلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي