BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

قازاقستان رەسەيدەن بەنزين ساتىپ الۋدى توقتاتپاق

فوتو: Kursiv.kz

ەندى رەسەيدەن قازاقستانعا اي-92 بەنزينىن تاسىمالداۋ توقتاتىلادى. بۇل تۋرالى وقك-دە وتكەن بريفينگتە قر ەنەرگەتيكا ۆيسە-مينيسترى بولات اقشولاقوۆ مالىمدەدى دەپ حابارلايدى baq.kz ٴتىلشىسى.

الدىمەن ۆيسە-مينيستر رەسەيدەن مۇناي ونىمدەرى تاپشىلىق بولعان كەزدە جەتكىزىلىپ وتىرعانىن اتاپ ٴوتتى.

«رەسەيمەن اراداعى كەلىسىم اياسىندا قازاقستانعا اۋماعىنا جەتكىزىلەتىن ونىمدەردىڭ كولەمى مەن تۇرلەرى كەلىسىلدى. وسىعان سايكەس ەلىمىزدە مۇناي ونىمدەرىنە ايتارلىقتاي تاپشىلىق بولعان كەزدە قول قويىلعان ەدى. رەسەي تاراپى قاجەتتى كولەمدى قامتاماسىز ەتۋگە قاۋقارلى بولدى. ٴبىز ولار ەەك اياسىندا ەكىجاقتى كەلىسىمدى بەكىتتىك جانە ول قۇجات 2015 جىلى كۇشىنە ەندى. وندا جانار-جاعارمايدىڭ بارلىق تۇرلەرى قامتىلدى. ٴداستۇرلى تۇردە 900 مىڭ تونناعا تارتا جوعارى وكتاندى بەنزيندى، 400 مىڭ تونناعا جۋىق ديزەل وتىنىن جانە 250-270 مىڭ توننا اۆياسيالىق كەروسيندى تاسىمالدادىق. بۇل ونىمدەر ٴبىزدىڭ نارىققا قاجەت بولدى»، - دەدى ول.

سونداي-اق ۆيسە-مينيستر سوڭعى جىلدارى ەلىمىزدەگى مۇناي وڭدەۋ زاۋىتتارىندا جۇرگىزىلگەن كۇردەلى جوندەۋ جۇمىستارى ناتيجەسىندە مۇناي ونىمدەرىن وڭدەۋ كولەمىنىڭ دەڭگەيى ايتارلىقتاي ارتقانىن العا تارتتى.

«زاۋىتتار جاڭعىرتۋدان وتكەن سوڭ، بىزدە يمپورتتىق اي-92 بەنزينىنە قاجەتتىلىك مۇلدەم جوق. سوندىقتان وسى وتىندى سىرتتان اكەلۋگە تىيىم سالماقپىز. رەسەيلىك ارىپتەستەرىمىزدى ەسكەرتتىك. ولار بۇل قادامعا قارسى ەمەس. اتاپ ايتقاندا، ولار بىزگە بۇعان دەيىن جىبەرىپ كەلگەن مۇناي ونىمدەرى كولەمىن ٴۇشىنشى نارىقتارعا شىعارۋعا قىزىعۋشىلىق تانىتىپ وتىر. بۇل رەسەي ٴۇشىن ٴتيىمدى»، - دەدى بولات اقشولاقوۆ.

سونىمەن قاتار ول يمپورتتان باس تارتۋعا قاتىستى شەكتەۋلەر تەمىرجول تاسىمالىنا بايلانىستى ەكەنىن ٴمالىم ەتتى.

«ەگەر ٴبىز يمپورتقا تىيىم سالساق، ول تەمىرجول كولىگىمەن تاسىمالعا قاتىستى بولادى. ول اۆتوكولىككە بايلانىستى ەمەس. سوندىقتان دا رەسەيمەن شەكارالاس وڭىرلەردە قاجەتتى كولەم تاسىمالدانۋى مۇمكىن. الايدا تەمىرجول ارقىلى اۋقىمدى مولشەردە يمپورتتاۋعا بولمايدى. بۇل بۇيرىق ادىلەت مينيسترلىگىندە تىركەۋگە ەنگىزىلدى. ول شىققاننان كەيىن، كۇشىنە ەنەدى. مەنىڭشە، 10 تامىزعا قاراي ول قۇجات تىركەۋدەن كەيىن جاريالانادى. ال 10 كۇنىننەن كەيىن زاڭدى كۇشىنە ەنەدى. بۇل تۇرعىدا بارلىق تەمىرجول ستانسيالارىنا ەسكەرتۋ جاسالادى»، - دەپ تۇيىندەدى ٴسوزىن ۆيسە-مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي