BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

قازاقستان رەپسۋبليكا ەمەس

بۇل شولۋ ماقالادا – قازاق تىلىندەگى ٴماتىننىڭ ورفوگرافياسىن تەكسەرۋدىڭ ناقتى ٴادىسى كورسەتىلەدى. baq.kz رەداكسياسى سىزدەر دە بىلەتىن ادىستەرىڭىزبەن بولىسەدى دەگەن سەنىمدە.

اۆتومات قاتە جىبەرۋ ادامعا ٴتان قاسيەت. تەجەگىشتىڭ ورنىنا گاز باسۋ سياقتى اعاتتىق ۇيرەنشىكتى بولىپ كەتتى. ال ۇستى-ۇستىنە وپەراتيۆتى جاڭالىق جاريالاپ وتىرۋى ٴتيىس جۋرناليست ٴۇشىن ورفوگرافيالىق قاتە جىبەرۋ تۇك ەمەس.

سول ۋاقىتتا – ورفوگرافيالىق قاتە تەكسەرۋدىڭ ەلەكتروندى قۇرالدارى وتە جاقسى دامىعان. ms office سياقتى دامىعان پاكەتتەردە الەمدىك تىلدەردى ورفوگرافيالىق قاتەگە تەكسەرۋ مەيلىنشە شىڭىنا جەتكەن دەۋگە بولادى. سوندىقتان با، مىسالى رەسەيلىك نارىقتا قاراپايىم ورفوگرافيالىق قاتە جىبەرگەن كوپيرايتەر كەشىرىلمەيدى. سەبەبى ورىس ٴتىلىنىڭ ەملەسىن تەكسەرۋ قۇرالدارى وتە كوپ. ونلاين دا، وففلاين دا. اقىلى دا، تەگىن دە.

ال قازاق تىلىندەگى ٴماتىننىڭ ورفوگرافيالىق قاتەسىن تەكسەرۋدىڭ جاعدايى ٴتىپتى باسقا. قازىرگى رەداكسيالارداعى جاعدايلاردى تازا ۆيزۋالدى تۇردە شولىپ ٴوتىپ، كەلەسىدەي پروبلەمالاردى ٴبولىپ الۋعا بولادى.

وفيستىك پروگراممالاردىڭ دۇرىس باپتالماۋى. وزىق بولىپ ەسەپتەلەتىن وفيستىك پاكەتتەردە قازاق تىلىندەگى ٴماتىننىڭ ورفوگرافياسىن تەكسەرۋ قۇرالدارى بار. ناقتى بەلگىلىسى – ms office جانە apache openoffice پاكەتتەرى. ايتا كەتۋ كەرەك، بۇل ەكەۋدىڭ ىشىندە قازاق ورفوگرافياسىن تەكسەرۋ جونىنەن apache openoffice پاكەتىنىڭ كەمشىلىگى كوپ. باستى كەمشىلىگى – ونىڭ قازاقشا ورفوگرافيالىق قورى كوپتەن جاڭارتىلماعان جانە apache openoffice پاكەتىنىڭ سوڭعى نۇسقالارىندا جۇمىس ىستەيتىنىنە كەپىلدىك جوق (1-سۋرەت):

1-سۋرەت. openoffice قازاقشا ورفوگرافيالىق قورى تۋرالى مالىمەت (09.10.2018 كۇنى الىنعان)

ال قازاق ورفوگرافياسىن تەكسەرۋدە ەڭ وزىق ms office پاكەتىن پايدالانۋ كوپتەگەن ۇيىمداستىرۋ قيىندىقتارىنا كەزدەسەدى. مىسالى، مەكەمەدەگى كومپيۋتەرلەردىڭ ايماقتىڭ باپتاۋى رەسەي دەپ كورسەتىلىپ، وپەراسيالىق جۇيە «ٴورىستىلدى» بولادى دا، سايكەسىنشە ەملە جۇيەسى قوسىلادى. ايماقتى وزگەرتىپ الۋعا – كومپيۋتەرگە ادمينيستراتور قۇقى كەرەك، ال ول كوپ جاعدايدا قاتارداعى قىزمەتكەرگە بەرىلمەيدى. ونىڭ ۇستىنە كومپيۋتەردى باپتاپ الۋ – ٴجۋرناليستىڭ جۇمىسى ەمەس قوي.

بۇعان قوسا، ms office پاكەتى – اقىلى. ونى قالتا كوتەرمەگەننەن بۇرىن، جەكەلەگەن ادامنىڭ ساتىپ الۋ شىتىرمانى كوپ.

ەڭ وڭايى دا وڭتايلىسى – ورفوگرافيانى تۋرا براۋزەردەن تەكسەرۋ بولار ەدى. اتتەڭى – قازاق تىلىندە اشىق تارالاتىن سوزدىك جوق (2-سۋرەت):

2-سۋرەت. chrome براۋزەرىندە قازاق ەملەسىن تەكسەرۋدى قوسۋ ارەكەتى. قوسۋ مۇمكىن ەمەس، سەبەبى قازاقشا سوزدىك قور جوق.

بۇدان، قازاق ٴتىلىنىڭ ەملەسىن تەكسەرۋدە پروبلەما پروگراممالىق قۇرالدا ەمەس، سوزدىك قورىنىڭ جوق بولۋىندا ەكەنىن كورەمىز. ٴسويتىپ، اينالىپ قايتادان ms office پاكەتىنە، اتاپ ايتقاندا – ونداعى ms word پروگرامماسىنا قايتىپ كەلەمىز.

ms office پاكەتى اقىلى بولعاندىقتان، microsoft كومپانياسىنىڭ – ٴتىپتى ايماقتىق ماڭىزداعى تىلدەردىڭ سوزدىگىن جاساۋعا مۇمكىندىگى بار جانە ىنتالى دەپ توپشىلايمىز. ٴبىراق جوعارىدا ايتىپ وتكەندەي، ول اقىلى; ال اقىلى الۋعا قالتا كوتەرەتىن بولسا دا، ساتىپ الۋدىڭ شىتىرمانى كوپ.

بۇدان ەرتەرەكتە: كالكا تۋرالى

بۇعان قوسا، ٴبىز تەك pc مەن نوۋتبۋكتەرگە (ۋلترابۋك، نەتبۋك) عانا ەشىم ىزدەپ وتىرمىز. ال سمارتفونمەن جازاتىن جۋرناليستەر قايتەدى؟ شارادا جۇرگەندە قاتەسىن قاپەلىمدە قايدان تەكسەرە قويادى؟

شەشىم

سونىمەن ٴبىز – اقىلى بولعانىمەن قازاق ەملەسى مەيلىنشە جاڭا ms office پاكەتىنە توقتايىق. قۋانىشىمىزعا قاراي، ms word پروگرامماسىنىڭ ونلاين-نۇسقاسى ورفوگرافيانى تەكسەرۋگە ابدەن جارايدى. بۇل بىرىنشىدەن – جۇمىس ورنىنداعى كومپيۋتەرگە ورناتىلعان ms word-تى باپتاۋدان قۇتقارادى. ەكىنشىدەن، ول ٴارقاشان وزىڭىزبەن بىرگە بولادى، بۇل سمارتفونمەن ٴماتىن تەرىپ ۇيرەنىپ قالعان ادامدارعا قولايلى. جاۋاپكەرشىلىگى مول ٴماتىندى قاي جەردە سالۋعا تۋرا كەلەتىنى بەلگىسىز. جۋرناليسكە تە، smm مامانىنا دا رەداكسيا شۇعىل حابارلاسىپ، ماڭىزدى ماقالا الدە پوست جازىپ، سايتقا/الەۋمەتتىك جەلىگە شىعارۋدى سۇراۋى مۇمكىن.

ٴسويتىپ، كەلەسىدەي ارەكەتتەر ٴسىزدى ٴماتىندى كەز كەلگەن جەردە جانە ٴارۋاقىتتا ورفوگرافياعا تەكسەرۋ مۇمكىندىگىڭىزدى قامتاماسىز ەتەدى.

  1. word – ونلاين سىلتەمەسىنە ٴوتىڭىز: https://office.live.com/start/word.aspx
  2. كەلەسىدەي پاراق اشىلادى. پاراقتىڭ ٴتىلى ٴسىزدىڭ كومپيۋتەرىڭىز بەن جۇيەڭىزدىڭ ايماقتىق باپتاۋلارىنا قاراي ٴتۇرلى بولۋى مۇمكىن. بىزدە قازاقشا اشىلدى:

  1. ەگەر microsoft سەرۆيستەرىندە بۇرىن پوشتاڭىز بولماسا، استى قىزىلمەن سىزىلعان سىلتەمەنى باسىڭىز.
  2. قازىرگى سەرۆيستەردىڭ كوبى تەلەفون ٴنومىرىن الۋعا قۇمارتادى. ٴسىز بولساڭىز، ەلەكتروندى پوشتا ارقىلى تىركەۋ ٴادىسىن تاڭداڭىز:

  1. اشىلعان كەلەسى پاراقتا ەلەكتروندى پوشتاڭىزدى تەرىپ، «كەلەسى» دەگەن تۇيمەنى باسىڭىز:

  1. اشىلاتىن كەلەسى پاراقتا ٴقۇپياسوز جاساڭىز:

  1. كەلەسى پاراقتا جۇيە ٴسىز كورسەتكەن ەلەكتروندى پوشتانىڭ راستىعىن تەكسەرەدى:

ونى راستاۋ ٴۇشىن پوشتاڭىزعا بارىپ، microsoft-تان كەلگەن حاتتاعى كودتى كوشىرىپ الىپ، ەنگىزىڭىز:

كودتى ەنگىزگەننەن كەيىن، ٴسىزدىڭ راستىعىڭىزدى تەكسەرۋ ارەكەتتەرى جالعاسۋى مۇمكىن:

وسىلايشا، تىركەۋ اياقتالادى.

ٴماتىندى تەكسەرۋ

براۋزەرىڭىزدە https://office.live.com/start/word.aspx سىلتەمەسىنە قايتا بارىڭىز. تالاپ ەتىلگەن مالىمەتتەردى ەنگىزىپ، جاڭا عانا بىزبەن بىرگە جاساعان مالىمەتتەردى ەنگىزىڭىز (لوگين مەن ٴقۇپياسوز):

ٴار كىرگەن سايىن لوگين مەن ٴقۇپياسوزدى تەرىپ اۋرە بولماۋى ٴۇشىن، «كىرگەن كۇيدە ساقتاۋ» دەگەن بوكستى ٴتۇرتىپ قويىڭىز. «كىرۋ» تۇيمەسىن باسىڭىز.

سىزدە – كادىمگى، كومپيۋتەرگە ورناتىلعان ms word-تان ايىرماشىلىعى از شامامەن كەلەسى تۇردەگى پاراق اشىلۋى كەرەك:

كادىمگى، كومپيۋتەردەگى ms word-پەن جۇمىس ىستەپ جۇرسەڭىز، سىزگە جاڭا قۇجات اشۋ قيىنعا سوقپايدى. جۇمىس ايماعى دا ۇيرەنشىكتى. بىزگە ماڭىزدىسى – قازاق ورفوگرافياسىن تەكسەرۋ. ەندەشە ونى ٴبىر رەت باپتاپ الامىز. ول ٴۇشىن جوعارىداعى review پاراقشاسىنا بارىپ، ونداعى spelling&grammar دەگەن توگىلمەلى تىزىمدەگى set proofing language… دەگەن پۋنكتتى تاڭدايمىز:

مىنە، وسىمەن اياقتالدى. ٴبىز word-ونلايندى قازاق ورفوگرافياسىن تەكسەرۋگە باپتاپ الدىق. تەكسەرىپ كورۋ ٴۇشىن، وسى ماقالانىڭ ٴماتىنىن سالىپ كورەيىك:

ورفوگرافيالىق قاتەلەر مەن قاتە بولۋى مۇمكىن سوزدەردىڭ استى قىزىل يرەك سىزىقپەن سىزىلادى. يرەك سىزىقتىڭ ۇستىنە كۋرسوردى اپارىپ، وڭ جاق باتىرمانى باسساڭىز – سىزگە ٴسوزدى اۋىستىرۋعا ۇسىنىستار جاسالادى. شىنىمەن، قازاقستان رەپسۋبليكا ەمەس، رەسپۋبليكا. ٴبىراق وسىنداي قاراپايىم ٴسوزدىڭ وزىنەن قاتە كەتىپ جاتاتىن قۇجاتتاردى ٴبىز ٴجيى كەزدەستىرەمىز. ونى جازعان ادام ساۋاتسىز با؟ جوق. جاي عانا – بۇگىنگى ۋاقىت ارىنى قاتتى، جۇمىستا وسىنداي سيفرلىق تەحنولوگيالاردى كومەك قىلىپ الماساق بولمايدى. سىزدە ەندى ماقالىڭىزدى تەز عانا – ٴجيى كەزدەسەتىن ورفوگرافيالىق قاتەلەرگە تەكسەرىپ الۋ مۇمكىندىگى بار.

ٴسىز word-ونلايندى ٴبىز كورسەتكەندەي باپتاۋ كەزىندە ينتەرفەيس ٴتىلى نەمەسە باسقا ەلەمەنتتەر وزگەشە بولۋى مۇمكىن. ٴبىراق ٴسىز زەرەكتىك تانىتىپ، ٴتۇسىنىپ الارسىز دەپ ويلايمىز.

ٴسوز سوڭىندا. بۇل جۇيەنى ٴوز كومپيۋتەرىڭىزدە ليسەنزيالى ms office پاكەتى بولىپ، قازاقشا ورفوگرافيانى تەكسەرىپ تۇرعاننىڭ وزىندە باپتاپ العان جاقسى. سەبەبى سىزگە بوتەن جەردە، بوتەن كومپيۋتەردە جۇمىس ىستەۋگە تۋرا كەلۋى مۇمكىن.

كەلەسى ماقالادا ٴبىز ورفوگرافيا تەكسەرۋ قۇرالدارىن گادجەتتە قولدانۋ امالدارىن شولىپ وتەتىن بولامىز. ال whatsapp-تاعى مىنا توپتا وسى ماقالا تۋرالى ويىڭىزبەن جانە جالپى بىلەتىنىڭىزبەن ارىپتەستەرىڭىزبەن ٴبولىسىپ وتىرۋىڭىزعا بولادى.

ەسكەرتۋ! بۇل ماقالانى قانداي دا ٴبىر كوممەرسيالىق ٴونىمنىڭ بولىگى رەتىندە، اقىلى نەگىزدەگى نەمەسە – لەكتور، مەدياترەنەر، ت.س.س. تۇلعا اقى العان، الاتىن ساباققا، ترەنينگكە، لەكسياعا پايدالانۋعا بولمايدى. بارلىق قۇقىق baq.kz اا مەنشىگى.

نازار دابىل، baq.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي