BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

بيىل قازاقستاندا ٴولىم 1،4% ازايدى

فوتو: Алматы-ақшамы

baq.kz اقپارات اگەنتتىگى 2018 جىلعى قاڭتار-ناۋرىزداعى قازاقستان رەسپۋبليكاسىنىڭ دەموگرافيالىق احۋالى تۋرالى اقپارات ۇسىنادى. بۇل مالىمەتتەر قر ستاتيستيكا كوميتەتىنىڭ سايتىندا جاريالاندى.

2018 جىلعى 1 ساۋىرگە ەلىمىزدەگى حالىق سانى 18 212،8 مىڭ ادامدى قۇرادى، سونىڭ ىشىندە قالالىقتار – 10 459،2 مىڭ (57،4%)، اۋىلدىقتار – 7 753،6 مىڭ ادامدى (42،6%) قۇرادى. 2017 جىلعى 1 ساۋىرمەن سالىستىرعاندا حالىق سانى 237،7 مىڭ ادامعا نەمەسە 1،3% ٴوستى.

k16-05-2018-1

حالىقتىڭ تابيعي قوزعالىسى

احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2018 جىلعى قاڭتار-ناۋرىزدا تۋعاندار سانى 92،6 مىڭ ادامدى قۇرادى، بۇل 2017 جىلعى قاڭتار-ناۋرىزعا قاراعاندا 0،3% كوپ. تۋۋدىڭ جالپى كوەففيسيەنتى 1000 ادامعا شاققاندا 20،57 تۋعانداردى قۇرادى.

2018 جىلعى قاڭتار-ناۋرىزدا رەسپۋبليكا حالقىنىڭ تابيعي ٴوسىمى 2017 جىلعى قاڭتار-ناۋرىزبەن سالىستىرعاندا 767 ادامعا نەمەسە 1،3% كوبەيىپ، 58،8 مىڭ ادامدى قۇرادى. تابيعي ٴوسىمنىڭ جالپى كوەففيسيەنتى 1000 ادامعا شاققاندا 13،06 ادامدى قۇرادى.

k16-05-2018-3

قاراستىرىلىپ وتىرعان كەزەڭدە قايتىس بولعاندار سانى 33،8 مىڭ ادامدى قۇرادى، بۇل 2017 جىلعى قاڭتار-ناۋرىزعا قاراعاندا 1،4% از. ٴولىم-جىتىمنىڭ جالپى كوەففيسيەنتى 1000 ادامعا 7،51 قايتىس بولعانداردى قۇرادى.

k16-05-2018-4

2018 جىلعى قاڭتار-ناۋرىزدا رەسپۋبليكادا 1 جاسقا دەيىنگى 820 نارەستە ٴولىمى تىركەلدى. 2017 جىلعى قاڭتار-ناۋرىزبەن سالىستىرعاندا 1 جاسقا دەيىنگى شەتىنەگەن نارەستە سانى 2،4% كوبەيدى.

نارەستە ٴولىم-جىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2018 جىلعى قاڭتار-ناۋرىزدا 368 نارەستە قايتىس بولىپ، نارەستەلەر اراسىنداعى جالپى ٴولىم سانىنىڭ 44،9% قۇرادى. تۋا بىتكەن اۋىتقۋلاردان 192 نەمەسە 23،4%، تىنىس ورگاندارى اۋرۋلارىنان – 68 نەمەسە 8،3%، ينفەكسيالىق پەن پارازيتارلى اۋرۋلاردان – 39 نارەستە نەمەسە 4،8% جانە جازاتايىم جاعدايدان، ۋلانۋدان جانە جاراقاتتان – 34 نەمەسە 4،1% نارەستە قايتىس بولدى.

2018 جىلعى قاڭتار-ناۋرىزدا نارەستە ٴولىم-جىتىمىنىڭ كوەففيسيەتى 1000 تۋعاندارعا شاققاندا 8،85 قۇرادى.

كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2018 جىلعى قاڭتار-ناۋرىزدا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2017 جىلعى قاڭتار-ناۋرىزبەن سالىستىرعاندا 23،3% كەمىپ، 3 468 ادام قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى 21% كوبەيىپ، 6 846 ادام قۇرادى، كوشى-قوننىڭ ايىرىمى - 3 378 ادام بولدى.

ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا.

• تمد ەلدەرىنەن كەلگەندەردىڭ ۇلەسى 76،8%;
• تمد ەلدەرگە كەتكەندەردىڭ ۇلەسى 89،1% قۇرادى.

ٴوڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 34% كۇرادى. ٴوڭىرارالىق كوشى-قوننىڭ وڭ ايىرىمى:

• استانا قالاسى – 3 370 ادام;
• الماتى قالاسى – 9 294 ادام قالىپتاستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي