BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان ەلەكتر ەنەرگيامەن ٴوزىن 98،8% قامتىپ وتىر

فوتو: ашық дереккөзден

قازاقستان اعىمداعى جىلدىڭ ٴى توقسانىنىڭ قورىتىندىسى بويىنشا ٴوزىن ەلەكتر ەنەرگيامەن 98،8% قامتىپ وتىر. الايدا، «جاسىل ەنەرگەتيكانىڭ» دامۋىنا قاراماستان ەكولوگيالىق ەڭ «لاس» جەس-قا ٴوندىرىستىڭ 82% تيەسىلى بولدى. وسىدان ٴبىر جىل بۇرىن بۇل كورسەتكىش 79% قۇراعان، دەپ حابارلايدى baq.kz اقپارات اگەنتتىگى energyprom.kz سايتىنا سىلتەمە جاساپ.

ٴبىرىنشى جارتى جىلدىقتىڭ قورىتىندىسى بويىنشا ەلدەگى ەلەكتر ەنەرگيا ٴوندىرىسى 54،8 ميللياردا كيلوۆاتت-ساعاتىنا قۇرادى – بۇل وسىدان ٴبىر جىل بۇرىنعى كورسەتكشىتەن 7،4% ارتىق.

ٴداستۇر بويىنشا ەلەكتر ەنەرگيا ٴوندىرىسىنىڭ باسىم بولىگى پاۆلودار (قر-دان 42،9%) مەن قاراعاندى (قر-دان 12،7%) وبلىستارىنىڭ ٴوندىرىس وشاقتارىنا تيەسىلى بولدى.

ايتا كەتەيىك، ەقنقو-نىڭ (ەلەكتر ەنەرگيامەن قۇاتتىلىعى نارىعىنىڭ قازاقستاندىق وپەراتورى) مالىمەتتەرى قر ۇەم ستاتيستيكا كوميتەتىنىڭ مالىمەتتەرىمەن سايكەس كەلمەيدى. ماسەلەن، وپەراتوردىڭ حابارلاۋىنشا جارتى جىلدا 54،7 ملرد كۆت·ساع ەلەكتر ەنەرگيا ٴوندىرىلدى جانە بۇل وتكەن جىلمەن سالىستىرعاندا 7،6% ارتىق.

سونىمەن قاتار، قازاقستاندا وندىرىلگەن ەلەكتر ەنەرگيانىڭ 81،5% جىلۋ ەلەكترستانسيالارىنا، 8،4% - گازتۋربينالى، 9،7% - گيدرو، 0،4% - جەل جانە 0،1% كۇن ەلەكترستانسيالارىنا تيەسىلى.

جالپى، قازاقستان اعىمداعى جىلدىڭ ٴبىرىنشى توقسانىنىڭ قورىتىندىسى بوينىشا ٴوزىن ەلەكتر ەنەرگيامەن 98،8% قامتاماسىز ەتۋدە.

سونىمەن قاتار، ەكسپورت كولەمى دە ايتارلىقتاي ارتقان - بىردەن 87،4%. بۇل ٴبىر توقساندا 1،9 ملرد كۆت·ساع نەمەسە قوردىڭ 6،4% ۇلەسى عانا.

ماۋسىم ايىنىڭ قورىتىندىسى بويىنشا ەلەكتر ەنەرگيانىڭ ٴتاريفى حالىق ٴۇشىن ٴبىرىنشى تۇتىنۋ دەڭگەيىندە ەلەكترپليتانى پايدالانبايتىندار ٴۇشىن ٴبىر جىلدا 8،7% وسسە، پايدالاناتىندار ٴۇشىن 14،2% قىمباتتادى.

بۇگىندە 100 كۆت∙ساع ٴۇشىن باعا ٴبىرىنشى توپتاعىلارعا 1231 تەڭگە، ەكىنشى توپتاعىلار ٴۇشىن 1210 تەڭگە دەڭگەيىندە قالىپتاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي