USD 334.31 EUR 355.17 RUB 5.31
استانا:

قازاقستان بۇدان بىلاي سوتتالعاندارعا راقىمشىلىق جاسامايدى – ٴىىم باسشىسى

قازاقستان ەل تاۋەلسىزدىگىنىڭ 25 جىلدىعىنا وراي سوتتالعاندارعا راقىمشىلىق جاسامايدى جانە بۇل تاجىريبەدەن تۇبەگەيلى باس تارتپاق. ەندى كەشىرىم جاساۋ تۋرالى ٴوتىنىش بىلدىرگەندەر عانا بوستاندىققا شىعۋى مۇمكىن. بۇل تۋرالى ۇكىمەت ٴۇيىنىڭ دالىزىندە قر ىشكى ىستەر ٴمينيسترى قالمۇحانبەت قاسىموۆ مالىمدەدى، دەپ حابارلايدى vlast.kz.

«راقىمشىلىق – كەڭەستىك كەزەڭنىڭ سارقىنشاعى. ٴارى قاراي قالاي بولاتىنىن بىلمەيمىن، الايدا راقىمشىلىق تۋرالى زاڭ (تاۋەلسىزدىكتىڭ 25 جىلدىعىنا وراي – رەد.) ازىرلەنبەيدى»، - دەپ اتاپ ٴوتتى قاسىموۆ.

تۇتاستاي العاندا، ٴىىم باسشىسىنىڭ ايتۋىنشا، قازاقستان سوتتالعاندارعا راقىمشىلىق جاساۋ تاجىريبەسىنەن كەتىپ، ەداۋىر جاڭا ادىستەرگە كوشەدى.

«حالىقارالىق تاجىريبە بويىنشا كەشىرىم جاساۋدى قولدانامىز، ٴوتىنىش بەرۋ – بوستاندىققا شىعۋدىڭ جالعىز جولى»، - دەپ ٴتۇسىندىردى مينيستر.

«ياعني، كىمدە-كىم كەشىرىم جاساۋدى وتىنسە (…)، وندا ونى (بۇل ماسەلەنى – رەد.) كوميسسيا قارايدى»، - دەپ تۇيىندەدى ول.

ايتا كەتەيىك، ەلىمىزدە بۇعان دەيىن سوتتالعاندارعا بىرنەشە رەت راقىمشىلىق جاسالدى. سوڭعى رەت اۋقىمدى امنيستيا تاۋەلسىزدىكتىڭ 20 جىلدىعىنا وراي وتكىزىلدى.

كوممەنتاريي1
راقىمشىلىق جاساۋ كەڭەس وكىمەتىندە عانا ەمەس، بارلىق ەلدەردە دە بار. مينيستر قاتەلەسەدى. بىلمەيتىن نارسەسىن ايتپاۋ كەرەك قوي.

ۆاش كوممەنتاريي بۋدەت وپۋبليكوۆان پوسلە مودەراسيي