BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قازاقستان ازاماتشاسى مەن ٴسابيى تۇركيادان قازاقستانعا جەتكىزىلدى

بۇگىن 1988 جىلعى قازاقستان ازاماتشاسى مەن ونىڭ ەكى ايلىق قىزى سانيتاريالىق اۆياسيا كۇشىمەن انتاليا قالاسىنان ەلگە جەتكىزىلدى، دەپ حابارلايدى baq.kz اقپارات اگەنتتىگى.

30 ماۋسىمدا تۇركيادا دەمالىپ جۇرگەن قازاقستان ازاماتشا مەرزىمىنەن بۇرىن بوسانعان بولاتىن. نارەستەنىڭ جاعدايى تۇراقتى بولعاننان كەيىن جانە بارلىق قاجەتتى مەديسينالىق قۇجاتتار الىنعان سوڭ قر دەنساۋلىق ساقتاۋ مينيسترلىگى رەسپۋبليكالىق سانيتاريالىق اۆياسيا ورتالىعى جانە قر سىرتقى ىستەر مينيسترلىگىمەن بىرلەسە وتىرىپ اناسى مەن ٴسابيدى قازاقستانعا جەتكىزۋ ماسەلەسىن شەشۋگە كىرىستى.

ۇشۋ بارىسىندا بالانى سانيتاريالىق اۆياسيا قىزمەتى بريگاداسىنىڭ ماماندارى الىپ ٴجۇردى. ٴارى قاراي قاجەتتى كومەك الۋ ٴۇشىن نارەستە اناسىمەن بىرگە الماتى قالاسىنداعى پەدياتريا جانە بالالار حيرۋرگياسى عىلىمي ورتالىعىنا جەتكىزىلدى. قازىرگى ۋاقىتتا بالا دارىگەرلەردىڭ باقىلاۋىندا.

سانياريالىق اۆياسيا قۇرىلعاننان بەرگى سوڭعى 5 جىل ىشىندە اۋىر حالدە جاتقان 49 قازاقستان ازاماتى شەتەلدەن وتانىنا تاسىمالدانعانىن ايتا كەتەيىك. تاياۋ جانە الىس شەت ەلدەن بارلىق مەديسينالىق تاسىمالداۋ رەسپۋبليكالىق بيۋدجەت قارجاتى ەسەبىنەن جۇزەگە اسىرىلدى.

شەتەلدە جۇرگەن كەزىندە شۇعىل جاعدايلاردىڭ پايدا بولۋ ٴقاۋپىن تومەندەتۋ ماقساتىندا قر دەنساۋلىق ساقتاۋ مينيسترلىگى جول ٴجۇرۋ الدىندا جان-جاقتى مەديسينالىق تەكسەرۋدەن ٴوتۋدى جانە دارىگەردىڭ قورىتىندىسىن الۋدى ۇسىنادى. دەنساۋلىعى ٴۇشىن ٴقاۋىپ بولعان جاعدايدا ساقتاندىرۋدىڭ ٴتيىستى كەڭەيتىلگەن باعدارلاماسىمەن مەديسينالىق ساقتاندىرۋ راسىمدەۋ ۇسىنىلادى. ساقتاندىرۋ ساپاردىڭ بارلىق ىقتيمال باعىتتارىن، دەنساۋلىق جاعدايىنا بايلانىستى جەدەل وتانىنا قايتارۋدى، ەمدەۋدى، اۋىرعان /جازاتايىم وقيعا جانە ت. ب. جاعدايدا اۋرۋحاناعا جاتقىزۋدى جابۋى ٴتيىس.

دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمىنا سايكەس دارىگەردىڭ ۇسىنىمىنا ەرەكشە نازار اۋدارۋ كەرەك:

• جۇكتى ايەلدەرگە. وسى ساناتتاعى ازاماتتار ٴۇشىن ساقتاندىرۋ كومپانيالارى قاراستىرعان ارنايى كەڭەيتىلگەن ساقتاندىرۋ باعدارلاماسى. شەتەلگە شىعاتىن جۇكتى ايەلدەرگە كەڭەيتىلگەن ساقتاندىرۋ مەرزىمىنەن بۇرىن بوسانۋ كەزىندە جۇكتىلىكتىڭ ٴجىتى اسقىنۋلارى تۋىنداعان كەزدەگى مەديسينالىق شىعىستارعا بايلانىستى، سونداي-اق، بالا كۇتىمىنە باعىتتالعان شىعىستارعا بايلانىستى قوسىمشا جاعدايلاردى قامتيدى.

• جاڭا تۋعان تۋعان نارەستەلەرمەن جولاۋشىلارعا;

• بالالارمەن جولاۋشىلارعا;

• قارت ادامدارعا;

• مۇگەدەكتىگى بار جولاۋشىلارعا;

• يممۋنيتەتى تومەن ادامدارعا;

• جاقىندا حيرۋرگيالىق وپەراسيا جاسالعان ادامدارعا;

• سوزىلمالى اۋرۋلارى بار ادامدارعا;

• كەز كەلگەن حيرۋرگيالىق اۋرۋ، ونكولوگيالىق جانە گەماتولوگيالىق اۋرۋلارى بار جانە ت. ب.جولاۋشىلارعا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي