BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان ازاماتى “چتو؟ گدە؟ كوگدا؟” باعدارلاماسىنان 60 مىڭ رۋبل ۇتىپ الدى

استانا، baq.kz. رەسەي تەلەارناسىنداعى «چتو؟ گدە؟ كوگدا؟» باعدارلاماسىنىڭ قاتىسۋشىلارى وسكەمەندىك ۆاديم كۋشنارەۆتىڭ ساۋالىنا دۇرىس جاۋاپ بەرە المادى.

ول 2 جەلتوقساندا تىكەلەي ەفيردە «اقىن روبەرت روجدەستۆەنسكييدىڭ پىكىرىنشە، قانداي جاعدايدا عاجايىپتار – عاجايىپ، كۇيىنىش – كۇيىنىش، سەرت – سەرت، ۇرىس – ۇرىس بولمايدى؟» دەگەن ساۋال جولداعان. بۇل ساۋالعا الەس مۋحين باستاعان باعدارلاما قاتىسۋشىلارى «ۇيدە جالعىز بولعان جاعدايدا مۇمكىن بولمايدى. سەبەبى، جالعىز ادام بۇل سەزىمدەردى ەشكىممەن بولىسە المايدى» دەپ جاۋاپ بەردى.

الايدا بۇل قاتە جاۋاپ بولدى. ۆاديم كۋشنارەۆتىڭ ايتىۋىنشا، كۇندەلىكتى عاجايىپتار عاجايىپ ەمەس، كۇندەگى كۇيىنىش كۇيىنىش ەمەس، كۇندەگى سەرت سەرت ەمەس، كۇندەگى ۇرىس ۇرىس ەمەس. كۇندەلىكتى نارسە بولعاندىقتان ولارعا نازار دا سالمايسىڭ، ٴمان دە بەرمەيسىڭ.

ويىن قورتىندىسى بويىنشا، كورەرمەندەر 6:5 ەسەبىمەن جەڭىسكە جەتىپ، وسكەمەندىك تۇرعىن 60 مىڭ رۋبل ۇتىپ الدى. بۇل تۋرالى قازسينك كاسىپورنىنىڭ ٴباسپاسوز قىزمەتى حابارلادى، دەپ جازادى altaynews.kz.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي