USD 336.23 EUR 360.3 RUB 5.28
استانا:

قازا بولعان پوليسەيدىڭ اناسى سوتتالۋشى كۇلىكبايەۆتىڭ ايەلىنىڭ بەتىنە تۇكىردى

تەراكت جاسادى دەگەن كۇدىكتى رۋسلان كۇلىكبايەۆ سوتتا بولەك وتىر، دەپ حابارلايدى tengrinews.kz ٴتىلشىسى قىلمىستىق ىستەر جونىندەگى مامانداندىرىلعان اۋدانارالىق سوتتان. سوت تەرگەۋ يزولياتورىنىڭ عيماراتىندا اشىق تارتىپتە ٴوتىپ جاتىر.

سوتتالۋشى سابىرلى كورىنەدى. ول ٴتىپتى ٴوزىن ٴتۇسىرىپ جاتقان وپەراتورلارعا قاراپ كۇلدى. ايتا كەتەيىك، جۋرناليستەرگە سۋرەتكە جانە ۆيدەوعا تۇسىرۋگە رۇقسات بەرىلدى. سوتتالۋشى رەتىندە كۇلىكبايەۆپەن قاتار ونىڭ بەس سىبايلاسى وتىر. قازىرگى ۋاقىتتا الدىن الا سوت تىڭداۋى ٴوتىپ جاتىر.

پروسەسكە قازا بولعانداردىڭ تۋىستارى كەلدى. ولار كۇلىكبايەۆتىڭ تارتىبىنە نارازىلىق ٴبىلدىرىپ وتىر. ولاردىڭ پىكىرىنشە، سوتتالۋشى سۇراققا ناقتى جاۋاپ بەرمەي، سۋدياعا جاۋاپ بەرگەن كەزىندە تۇرماي قويعان. كۇلىكبايەۆتى ٴبىر مەملەكەتتىك ادۆوكات قورعاپ وتىر. سوتتاعىلاردىڭ ايتۋىنشا، ادۆوكاتتاردىڭ ەشقايسىسى ٴوز قالاۋىمەن ونىڭ مۇددەسىن قورعاۋعا كەلىسپەگەن.

ال قازا تاپقانداردىڭ تۋىستارى اتقىشتى ٴولىم جازاسىنا كەسۋدى تالاپ ەتىپ وتىر.

ايتا كەتەيىك، بۇگىن سوتتا تاعى ٴبىر داۋ بولدى. قازا بولعان پوليسەي مەيرامبەك راحماتۋللايەۆتىڭ اناسى سوتتالۋشى كۇلىكبايەۆتىڭ ايەلىنىڭ بەتىنە تۇكىردى.

باستى سوت وتىرىسى 24 قازانعا بەلگىلەندى. وتىرىس كۇن سايىن وتەدى.

ال وسىعان دەيىن رۋسلان كۇلىكبايەۆتىڭ بۇرىندارى كيكبوكسينگپەن اينالىسقانى جانە جەتىستىكتەرى ٴۇشىن وسى سپورت تۇرىنەن سان مارتە ماراپات پەن قۇتتىقتاۋلارعا يە بولعانى بەلگىلى بولعان ەدى. ەسىمىن جاريالاماۋدى وتىنگەن ادام، كيكبوكسينگپەن شۇعىلدانعان كۇلىكبايەۆتىڭ "سپورت شەبەرلىگىنە كانديدات" دەگەن اتاعى دا بار ەكەنىن ايتتى. ال بۇگىن، 17 قازاندا الماتىداعى تەراكت بويىنشا الدىن الا سوت وتىرىسى باستالعانى حابارلاندى. سوتتى تەرگەۋ يزولياتورىنىڭ عيماراتىندا وتكىزۋ تۋرالى شەشىمدى سوتتاعىلار رۋسلان كۇلىكبايەۆتىڭ وتە اشۋلى ٴارى قوعامعا ٴقاۋىپ توندىرەتىندىگىمەن ٴتۇسىندىردى. سونداي-اق، قۇقىق قورعاۋ ورگاندارى سوتتالۋشى قاشىپ كەتە مە دەپ قورقىپ وتىر ەكەن.

«ول كامەراسىندا كىسەنمەن وتىرادى. ول وتە ٴقاۋىپتى، سوندىقتان سوت پروسەسىن تەرگەۋ يزولياتورىنىڭ عيماراتىندا وتكىزۋدى دۇرىس دەپ تاپتىق، سەبەبى قالالىق سوتتىڭ عيماراتىنا تاسىمالداناتىن بولسا، ول قارسىلىق كورسەتۋى مۇمكىن جانە قاشىپ كەتۋگە ارەكەت جاساۋى مۇمكىن. كۇلىكبايەۆتىڭ فيزيكالىق دايىندىعى بار، ول كىسەندەۋلى تۇرسا دا، جاۋاپ الىنىپ جاتقان ساتتە تەرگەۋشىگە ستولدى توڭكەرىپ جىبەرە جازدادى»، - دەدى سوتتىڭ وكىلدەرى tengrinews.kz تىلشىسىنە.

ەسكە سالايىق، 18 شىلدەدە الماتىدا تەرروريستىك اكت بولعان ەدى. بەلگىسىز ەر ادام المالى اۋداندىق ٴىىب مەن ۇقك دەپارتامەنتىنە قارۋلى شابۋىل جاسادى. وقيعا سالدارىنان بەس ادام، ونىڭ ىشىندە ٴۇش پوليسيا قىزمەتكەرى قازا تاپتى. قالادا تەررورلىق قاتەردىڭ قىزىل دەڭگەيى جاريالاندى. قىلمىسكەر ۇستالدى،ول بۇرىن ٴىستى بولعان قىزىلوردا وبلىسىنىڭ تۋماسى رۋسلان كۇلىكبايەۆ بولىپ شىقتى.

وسىعان دەيىن ٴىىد تەرگەۋ جۇمىستارى بارىسىندا18 شىلدەدە پوليسەيلەردى ٴولتىردى دەگەن كۇدىككە ىلىنگەن رۋسلان كۇلىكبايەۆتىڭ جالدامالى پاتەردى انىقتاعان بولاتىن. پوليسياداعىلار پاتەردە ادام ومىرىنە ٴقاۋىپتى زاتتاردىڭ بار-جوعىن تەكسەرىپ شىقتى. الايدا، پوليسيا قىزمەتكەرلەرى پاتەردى ٴتىنتۋ كەزىندە ٴقاۋىپتى زاتتاردى تاپپادى. ال كەشە رۋسلان كۇلىكبايەۆ ەكى ايعا قاماۋعا الىندى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي