BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

كاسىپكەرلەردىڭ ٴبارى بىردەي ٴورت قاۋىپسىزدىگىنە نازار اۋدارا قويمادى – يسەكەشەۆ

فوتو: Егемен Қазақстан

استانا قالاسىنىڭ اكىمى اسەت يسەكەشەۆ اكىمدىكتىڭ اۋماعى 1500 شارشى مەتردەن اساتىن عيماراتتاردى عانا تەكسەرە الاتىنىن، شاعىن كافە، ينتەرنەت جانە تۇنگى كلۋب سەكىلدى كىشى عيماراتتاردا ٴورت قاۋىپسىزدىگىن تەكسەرۋگە قۇقىعى جوق ەكەنىن ايتتى، دەپ حابارلايدى baq.kz ٴتىلشىسى.

«بيزنەس كليماتتى جاقسارتۋ ماقساتىندا بيىل ٴبىز بيزنەسكە قاتىسى بار ارحيتەكتۋرا، جەر سياقتى سالالارداعى ماسەلەلەرگە باسا نازار اۋدارامىز جانە وسى باعىتتا جۇمىس ىستەيمىز. بىزگە تۇرعىنداردىڭ كوپشىلىگى قۇرىلىس ساپاسىنا قاتىستى شاعىمدانادى. ٴۇيدى مەملەكەت قابىلداپ المايدى، ٴقازىر مۇنىڭ ٴبارى جەكە بيزنەستە. بۇگىندە كوپقاباتتى ۇيلەردە ەشقانداي رۇقساتسىز حوستەل اشا بەرەدى. ٴبىز تۇرعىندارعا كەدەرگى كەلتىرمەس ٴۇشىن ستاندارتتار ەنگىزىپ نەمەسە حوستەلدەردىڭ جەكە كىرەتىن ەسىگى بولۋىن قاداعالاۋىمىز كەرەك»، - دەدى يسەكەشەۆ.

سونىمەن بىرگە قالا اكىمى تۇرعىن ۇيلەر اينالاسىنداعى قوقىستاردىڭ دۇرىس جينالماۋى تۋرالى شاعىمداردىڭ كوپ ەكەنىن، ونى شەشۋ ماقساتىندا جاۋاپتىلىقتى كۇشەيتەتىنىن ايتتى.

«جەكە قوقىستار تۋرالى دا ماسەلە بار. ٴۇي ماڭايىندا قوقىستار جينالىپ قالىپ سوسىن ونىڭ سۋرەتتەرى الەۋمەتتىك جەلىگە تارايدى. ٴبىز مۇنىمەن قولىمىزدان كەلگەنشە كۇرەسىپ جاتىرمىز. پوليسەيلەر ەرەجەنى بەكىتكەنىمەن، ايىپپۇل سوماسى وتە از. جاۋاپكەرشىلىكتى كۇشەيتۋ بويىنشا ۇسىنىستار ەنگىزەتىن بولامىز»، - دەدى استانا قالاسىنىڭ اكىمى.

ول ٴليفتىنىڭ قىزمەت كورسەتۋى، كوپقاباتتى ۇيلەردەگى جەكە حوستەلدەر مەن مەيرامحانالار جۇمىسى، ٴورت قاۋىپسىزدىگى سەكىلدى ماسەلەلەردىڭ بارىن اتاپ ٴوتتى.

«1500 شارشى مەتردەن اساتىن عيماراتتاردى تەكسەرۋگە قۇقىعىمىز بار. ٴقازىر ٴبىز زاڭ بويىنشا ۇلكەن ورتالىقتاردى تەكسەرە الامىز. الايدا 1 500 شارشى مەتردەن كولەمى از عيماراتتارعا رۇقسات جوق. مىسالى، شاعىن ٴدامحانالار، كومپيۋتەر كلۋبتارى مەن تۇنگى كلۋبتاردى تەكسەرەۋگە قۇقىعىمىز جوق. كاسىپكەرلەردىڭ ٴبارى بىردەي قاۋىپسىزدىككە نازار اۋدارا قويمادى. مۇنى نە ليسەنزيالىق مەملەكەتتىك باقىلاۋدى ەنگىزۋ ارقىلى، نە ٴوزىن-وزى باقىلاۋ ارقىلى شەشۋدى ۇسىنامىن. مەن ٴوزىم ەكىنشىسىن قولدايمىن»، - دەدى ول جىل سايىنعى كاسىپكەرلەر كونفەرەنسياسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي