BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

كاسىپكەر ەرمەكتى بيزنەسكە اينالدىرعان

تالدىقورعاندىق كاسىپكەر ابزال بەگىمبەتوۆ business connect جوباسىنىڭ كەزەكتى كەيىپكەرى اتاندى. وڭىرلىك كاسىپكەرلەر پالاتاسىنىڭ باستاماسىمەن جۇزەگە اسىرىلىپ كەلە جاتقان جوبا جاستار كاسىپكەرلىگىن دامىتۋ مەن قولداۋعا، تاجىريبە الماسۋ مەن بايلانىس ورناتۋعا باعىتتالعان، دەپ حابارلايدى baq.kz اقپارات اگەنتتىگى.

بۇل تۋرالى الماتى وبلىسى كاسىپكەرلەر پالاتاسىنىڭ ٴباسپاسوز حاتشىسى مالىمدەدى. جوبا اياسىندا ستۋدەنتتەر، جاستار مەن جاڭادان كاسىپ باستاۋشىلارعا تابىستى كاسىپكەرلەرمەن كەزدەسۋلەر ۇيىمداستىرىلادى.

اعاشتان ۇلتتىق ىدىس-اياق جاسايتىن ابزال بەگىمبەتوۆپەن كەزدەسۋگە «باستاۋ» كاسىپكەرلىك نەگىزدەرىنە وقىتۋ جوباسىنىڭ تۇلەكتەرى مەن باق وكىلدەرى شاقىرىلدى.

كاسىپكەردىڭ سوزىنشە، استاۋ سياقتى ىدىستى دايىنداپ شىعارۋ وڭاي بولا قويمادى. ٴبارى دە قىزىعۋشىلىقتان باستالعان. كەيىن بۇل ەرمەك بيزنەسكە اينالعان.

«بىرنەشە جىل بۇرىن ٴداستۇرلى ىدىستاردى جاساۋعا قىزىعۋشىلىق تانىتىپ، ٴۇي جاعدايىندا جاساي باستادىم. وكىنىشكە وراي، سەحتارعا جۇگىنگەنىممەن، وندا وقىتۋ جۇرگىزۋگە باس تارتاتىن. وسىلايشا تاراز قالاسىندا وسىنداي ٴونىم شىعاراتىن كاسىپكەرمەن جولىقتىم. كەلىسسوزدەردەن كەيىن سەحتارىنىڭ ٴبىرىن جالعا الىپ، جۇمىسشىلاردى تارتىپ، ٴىستى باستاپ كەتتىم. سول كەزدە قولونەر شەبەرلەرى كوپ ەكەنىن بايقادىم. الايدا، ٴوندىرىس ورنىن دايىنداپ، ٴونىمدى جىلجىتۋ مەن وتكىزۋدى كوبىسى بىلە بەرمەيدى. مىنە، وسىلايشا، كاسىپكەرلىك قىزمەتىم باستالدى»، - دەيدى ابزال بەگىمبەتوۆ.

بۇدان سوڭ ول «تابىس» جەكە كاسىپكەرى رەتىندە تىركەلىپ، 2017 جىلى «بيزنەستىڭ جول كارتاسى - 2020» باعدارلاماسى اياسىنداعى مەملەكەتتىك گرانتتار بايقاۋىنا قاتىستى. اعاشتان ۇلتتىق ىدىستار جاساۋ ٴوندىرىسى جوباسى ۇزدىك اتانىپ، ميلليون تەڭگە كولەمىندەگى گرانت بۇيىردى. بۇل قاراجاتقا قۇرال-جابدىقتار ساتىپ الىنىپ، سەح كەڭەيتىلدى.

ٴوندىرىس سەحىندا بەس ادام جۇمىس ىستەيدى. ولار كۇنىنە 12-15 دانادان استاۋ دايىندايدى. اعاشتىڭ جاسى ۇلكەن بولعان سايىن، ىدىستىڭ ساپاسى مەن جارامدىلىق مەرزىمى ۇلعايادى.

«استاۋ – تۇتىنۋشىلار اراسىندا سۇرانىسى جوعارى ىدىستىڭ ٴبىر ٴتۇرى. ٴبىزدىڭ ٴونىم استانا، الماتى، قوستاناي قالالارىندا ساۋدالانادى. جالپى تاپسىرىس كوپ، سوندىقتان ٴونىمدى وتكىزۋ بويىنشا كەدەرگى جوق»، - دەپ ٴبولىستى ول.

ابزال بەگىمبەتوۆ ساپانى قامتاماسىز ەتۋ مەن اۆتورلىق قۇقىقتى ساقتاۋ ماقساتىندا ٴاربىر ونىمگە «ۇكىكوز» دەگەن قازاقتىڭ ەجەلگى ويۋ-ورنەگىن باسادى. ٴوز كەزەگىندە بۇل ورنەكتى ۇقساتىپ جاساۋ وڭاي ەمەس.

كاسىپكەرلىكتە ەڭ الدىمەن ٴوز ٴىسىڭدى جاقسى كورۋىڭ كەرەك جانە شەبەرلىگىڭدى دامىتىپ، ونى جەتىلدىرىپ وتىرۋىڭ قاجەت، دەيدى كاسىپكەر. از ۋاقىت ىشىندە ابزالدىڭ كاسىبيلىگىنىڭ ارقاسىندا ونىمدەرى سۇرانىس ارتىپ، وڭىردە تانىمالدىلىعى ارتتى. سونىمەن بىرگە ول جاس شەبەرلەر مەن كاسىپكەرلەرگە تالىمگەر اتاندى. ٴوندىرىس ورنىنا ونداعان ادام وقۋعا جازىلىپ، كەيىن ٴوز ىستەرىن اشقان. ەندىگى تاڭدا ابزال بەگىمبەتوۆ ٴونىم تۇرلەرىنىڭ جەلىسىن كوبەيتۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي