BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قاسىموۆ مينيسترلىك جۇمىسىنا قاتىستى حالىقتىڭ سىنىنا جاۋاپ بەردى

فوتو: интернеттен

ىشكى ىستەر ٴمينيسترى قالمۇحانبەت قاسىموۆ قۇقىق قورعاۋ ورگاندارىنا قاتىستى ايتىلاتىن سىندارعا جاۋاپ بەردى، دەپ حابارلايدى baq.kz ٴتىلشىسى.

بۇل تۋرالى ول «قۇقىقتىق ٴتارتىپ جانە قاۋىپسىزدىكتى نىعايتۋ» تاقىرىبىندا ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا مالىمدەدى.

«وكىنىشكە قاراي، سوڭعى ۋاقىتتا ٴىىد، سونداي-اق پوليسيا قاتاڭ سىنعا قالىپ وتىر. كوپ جاعدايدا سىن ورىندى ايتىلادى. راسىندا، پوليسيا قىزمەتىندە شەشىلمەگەن ماسەلەلەر كوپ. ٴبىز ولارمەن جۇمىس ىستەيمىز، ماسەلەلەردى قوعامنان جاسىرمايمىز»، - دەدى قاسىموۆ.

ونىڭ ايتۋىنشا، سوڭعى جىلدارى ٴىىم جۇيەسى اشىق بولا باستاعانىن اتاپ ٴوتتى.

«ينتەرنەتتە ٴىىم رەسمي سايتى بار. ىشكى ىستەر ٴمينيسترىنىڭ بلوگى جۇمىس ىستەيدى، سونداي-اق ازاماتتار قىزمەتكەرلەردىڭ ارەكەتىنە قاتىستى ارىزدانىپ، ٴىىو بولىمشەلەرىنىڭ قىزمەتىن جەتىلدىرۋ بويىنشا ۇسىنىس ەنگىزۋگە ارنالعان ٴىىم ٴبىرىڭعاي سەنىم تەلەفونى ىسكە قوسىلدى. ٴىىو قىزمەتىندەگى ماسەلەلەر بويىنشا ۇكىمەتتىك ەمەس ۇيىمدارمەن، ٴىىد جانىنداعى كونسۋلتاتيۆتى-كەڭەسشى ورگاندارىمەن بايلانىسا قوعامدىق كەڭەس جۇمىس ىستەيدى. كەڭەس حالىقپەن ٴجيى ەسەپ بەرۋ جيىندارىن وتكىزەدى. مينيستر، تەرريتوريالدى ورگان باسشىلارى مەن ۋچاسكەلىك پوليسيا ينسپەكتورلارى، بۇدان بولەك مينيسترلىك جىلىنا ەكى رەت پارلامەنت ماجىلىسىندەگى ۇكىمەت ساعاتىندا مينيسترلىك قىزمەتىنىڭ جەكە باعىتتارى بويىنشا جۇمىستاردىڭ ناتيجەلەرى تۋرالى ەسەپ بەرەدى. مينيسترلىك باسشىلىعى، ايماقتىق دەپارتامەنت باسشىلارى ازاماتتاردىڭ جەكە ماسەلەلەرى بويىنشا تۇراقتى تۇردە قابىلداۋلار جۇرگىزەدى»، - دەدى قاسىموۆ.

ول مينيسترلىكتىڭ باق-تاعى سىني جاريالانىمدارىنا مونيتورينگ جۇرگىزەتىنىن اتاپ ٴوتتى.

«ٴتارتىپ پەن زاڭ بۇزۋشىلىقتار انىقتالعان كەزدە ٴاربىر اقپارات بويىنشا قىزمەتكەردى قىزمەتىنەن بوساتۋعا دەيىنگى قاتاڭ شارالار قولدانىلادى. اعىمداعى جىلى جاعىمسىز سەبەپتەرمەن ٴىىو-دان 600 قىزمەتكەر جۇمىستان شىعارىلدى»، - دەپ ايتتى مينيستر.

ەسكە سالا كەتسەك، ىشكى ىستەر ٴمينيسترى قالمۇحانبەت قاسىموۆ سوچي وليمپياداسىنىڭ قولا جۇلدەگەرى دەنيس تەننىڭ ولىمىنە قاتىستى پىكىر بىلدەرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي