USD 334.89 EUR 361.61 RUB 5.28
استانا:

قاراعاندىلىقتار ساسىق ىستىق سۋ پايدالانۋعا ٴماجبۇر ەكسكليۋزيۆ

فوتو: автордікі

قاراعاندىدا سوڭعى ۋاقىتتارى ىستىق سۋ قۇبىرىنىڭ شۇمەگىنەن اعاتىن سۋدان قولقانى قاباتىن ساسىق ٴيىس شىعاتىن بولدى. باستاپقىدا قالانىڭ كەيبىر اۋداندارىندا بولعان جاعىمسىز ٴيىس ەندى بارلىق قاراعاندىلىقتاردىڭ مازاسىن كەتىرۋدە، دەپ حابارلايدى baq.kz اگەنتتىگىنىڭ قاراعاندىداعى ٴتىلشىسى.

«سوڭعى ەكى اپتادا ىستىق سۋدى قولدانۋ مۇمكىن بولماي وتىر. سۋ جىلىتقىش قۇرىلعى ساتىپ الىپ، سۋىق سۋدى ىسىتىپ قولدانۋعا ٴماجبۇرمىز»، - دەيدى 18-شاعىن اۋدانىنىڭ تۇرعىنى جاميليا اسىلبەكوۆا.

باستاپقىدا جاعىمسىز يىسكە ٴمان بەرمەگەن تۇرعىندار ەندى قالانى ىستىق سۋمەن قامتاماسىز ەتەتىن «تەپلوترانزيت قاراعاندى» جشس-گە شاعىم ايتىپ، حابارلاسا باستاعان.

«ىستىق سۋدىڭ ٴيسى قاتتى ساسىق. ٴتىپتى قولدانۋ مۇمكىن ەمەس. قاراعاندىدا تۇرعانىما 5 جىلدان استى، مۇنداي جاعداي ٴبىرىنشى رەت بولىپ تۇر. جىلىتۋ ماۋسىمى باستالعان ۋاقىتتا ىستىق سۋدا بىرنەشە كۇن جاعىمسىز ٴيىس بولاتىن. ٴبىراق، ٴدال وسىنداي ساسىق ەمەس. قالانى ىستىق سۋمەن قامتاماسىز ەتەتىن «تەپلوترانزيت قاراعاندىعا» تەلەفون سوققانبىز. ماردىمدى جاۋاپ الا المادىق»، - دەيدى قالا تۇرعىندارى.

«تەپلوترانزيت قاراعاندى» ٴجشس-ى قاراعاندىلىقتاردى الاڭداتقان ماسەلەگە بايلانىستى مىنانداي مالىمدەمە جاسادى.

«ٴبىز سىرتتاعى اۋا تەمپەراتۋراسىن كەنەتتەن تومەندەپ كەتۋىنە بايلانىستى جەلىلىك سۋ تەمپەراتۋراسىن 100 °س-قا كوتەرگەن بولاتىنبىز. وسىدان كەيىن ىستىق سۋدان جاعىمسىز يىستەر شىعاتىندىعىن ايتىپ تۇرعىندار حابارلاسا باستادى. ٴبىزدىڭ حيميالىق زەرتحانادا جاسالاتىن كۇندەلىكتى ساراپتامادان تەس-1، تەس-3 جىلۋ كوزدەرىندە اتالعان ەسكەرتپەلەر انىقتالعان جوق. سوندىقتان دا قالانىڭ ٴارتۇرلى اۋداندارىنان ىستىق سۋ اكەلىپ، ساراپتاما جاسادىق. ىستىق سۋدىڭ تەمپەراتۋراسى 100 گرادۋستان ارتىق. ياعني سۋ قاتتى ىسىتىلعان. مۇنداي سۋدا قوسىمشا فيزيكالىق، حيميالىق پروسەستەر ٴجۇرۋى مۇمكىن. ٴبىزدىڭ قالادا سۋمەن جابدىقتاۋ اشىق تۇردە، ياعني ۇيدەگى شۇمەكتەن اعاتىن ىستىق سۋ مەن باتارەياداعى سۋ بىردەي بولعاندىقتان ىستىق سۋ جىلۋ رادياتورىننىڭ ىشكى جاعىن بەلسەندى شايا باستايدى. ال پاتەرلەردەگى جىلۋ رادياتورىندا ەسكى سۋ ىركىلىپ قالعان جەرلەر بولادى. وسى ىركىلگەن سۋداعى باكتەريالار بەلسەندىلىگى اسەرىنەن جاعىمسىز ٴيىس پايدا بولادى»، - دەيدى زەرتحانا مەڭگەرۋشى ليۋبوۆ نوۆوسەلوۆا.

«تەپلوترانزيت قاراعاندى» كومپانياسى قىزمەتكەرلەرىنىڭ ايتۋىنشا، اتالعان باكتەريالار مۇلدەم ٴقاۋىپسىز. ولار جاعىمسىز يىستەن باسقا قولايسىزدىق تۋدىرمايدى.

سۋرەتتەر اۆتوردىكى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي