BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

kapitalis.com: total tunisia كومپانياسىنىڭ باس ديرەكتورى – قازاقستان ازاماتى

فوتو: Copyright: Kapitalis.com

total tunisia كومپانياسىنىڭ جاڭا باس ديرەكتورى 36 جاستاعى مانسۇر جاقىپوۆ – قازاقستان ازاماتى. تۋنيس رەسپۋبليكاسىنا ەكى جىل بۇرىن مامىر ايىندا كەلگەن ول – 69 جىل بۇرىن قۇرىلعان كومپانيانىڭ فرانسۋز باسقارۋشىلاردىڭ تىزىمىندەگى العاشقى شەتەل ازاماتى جانە ەڭ جاس ديرەكتور، دەپ جازادى baq.kz اقپارات اگەنتتىگى kapitalis.com باسىلىمىنا سىلتەمە جاساپ.

قازاقستاننان total كومپانياسىنا دەيىنگى جول

ماسكەۋ ينجەنەرلىك مەكتەبىندە قولدانبالى ماتەماتيكا مەن مەحانيكا بويىنشا ٴبىلىم العان مانسۇر بولاشاقتا زىمىراندار قۇراستىرىپ، بايقوڭىردا جۇمىس ىستەۋدى ارمانداعان. ٴبىراق 2000 جىلى كاسپيي تەڭىزىندەگى قاشاعان كەن ورنىنىڭ اشىلۋى بارلىعىن وزگەرتتى. رەتى كەلىپ مانسۇر جاقىپوۆ 2001 جىلى فرانسياداعى پوليتەحنيكالىق مەكتەپكە وقۋعا ٴتۇستى. وسى جەردە ونى total كومپانياسى بايقاپ، بارىنشا قولداۋ ٴبىلدىردى. وسىلايشا مانسۇر فرانسيانىڭ مۇناي ينستيتۋتىندا جانە تەحاس ۋنيۆەرسيتەتىندە گەوعىلىم مەن مۇناي ينجەنەرياسى سالاسى بويىنشا ٴبىلىم الدى.

مانسۇر جاقىپوۆتى كوپتەگەن مۇناي كومپانيالارى جۇمىسقا شاقىرعان. دەگەنمەن، ول total باسشىلىعىمەن كەزدەسكەن سوڭ، وسى كومپانياعا توقتاعان.

ايتا كەتۋ كەرەك، 2005 جىلى total كومپانياسى ۆەنەسۋەلا كەن ورىندارىنان اۋىر مۇنايدى الۋ ادىستەرىن جاقسارتۋ جوباسى بويىنشا جۇمىس ىستەي باستادى.

ساياحات ارقىلى شىڭدالۋ

2006 جىلى مانسۇر جاقىپوۆتىڭ افريكاعا ساپارى باستالىپ، ول گابوننان نيگەرياعا اۋىستى. 2007 جىلى ول وسى جەردەگى ەڭ ۇلكەن اكپو كەن ورنىندا جوبا جەتەكشىسى بولدى. كاتاردا ٴۇش جىل قىزمەت ەتكەن سوڭ 2013 جىلى مانسۇر بيزنەسپەن اينالىستى. ول ەكونوميكالىق زەرتتەۋلەر جۇرگىزىپ، شەتەلدىك جانە وتاندىق مۇناي كومپانيالارىنا پايدالى قازبالاردى الۋ قۇقىعىنا قول جەتكىزەتىن ليسەنزيالار الىپ بەردى.

ينجەنەرلىك سالاداعى سەگىز جىل مەن بيزنەستەگى ەكى جىلدان سوڭ 2015 جىلى ونىڭ ومىرىندە ۇلكەن وزگەرىس بولدى. بۇل كەزدە مانسۇر انگولادان 160 كم قاشىقتىقتا ورنالاسقان تەڭىزدەگى ٴوندىرىس الاڭىنىڭ (fpso) ەكسپلۋاتاسياسىنا جاۋاپتى بولدى. سوڭعى ۇلگىدەگى بۇل اۆتونومدى الاڭ كۇنىنە 200 مىڭ باررەل مۇناي شىعارادى. ايتا كەتۋ كەرەك، بۇل تۋنيستەگى بارلىق كەن ورىندارىنىڭ ٴوندىرىس دەڭگەيىنەن ٴتورت ەسە كوپ. بۇل جەردەگى جۇمىستا اسا قىراعىلىق قاجەت. سەبەبى قاۋىپسىزدىك، قاۋىپ-قاتەرگە اناليز جاساۋ تەك تەحنيكالىق مۇمكىندىكتى ەمەس، كوشباسشىلىق قابىلەتتى دە تالاپ ەتەدى. ال كۇندەلىكتى ٴوندىرىس دۇرىس ورىندالماسا، كومپانياعا كەمىندە ون ميلليون دوللار شىعىن كەلۋى مۇمكىن. مانسۇر جاقىپوۆ 150 ادامنان تۇراتىن كوماندامەن وسى جۇمىستىڭ بارلىعىن ابىرويمەن اتقاردى.

تۋنيستەن العان اسەر

total كومپانياسىنىڭ باس ديرەكتورى پاتريك پۋيانن 2016 جىلى «one total» جوباسىن قولعا الدى. سونىڭ نەگىزىندە كومپانيا بولىمدەرى بىرىكتىرىلە باستادى. سول كەزدە قۇرىلعان total tunisia ەنشىلەس كومپانياسى قىزمەت كورسەتۋ ستانسالارىنىڭ جەلىسىن، سۇيىلتىلعان مۇناي-گاز قىزمەتىن، گاز باللوندارى، ۇشاقتارعا جانارماي قۇيۋ سەكىلدى سالالاردى بىرىكتىرگەن.

سوڭعى كەزدەرى تۋنيس رەسپۋبليكاسىنىڭ جاعدايى وڭالىپ كەلەدى. مەملەكەتتە تۇرعىنداردىڭ ٴبىلىم دەڭگەيى كوتەرىلىپ، مەملەكەتتىڭ ينستيتۋسيونالدى جانە الەۋمەتتىك قۇرىلىمىندا ايەلدەردىڭ ٴرولى ارتتى.

مانسۇردىڭ total tunisia كومپانياسىنا ارنالعان جوبالارى

كومپانيانىڭ تۇراقتى تۇردە دامۋى ٴۇشىن مانسۇر جاقىپوۆ قول استىنداعى قىزمەتكەرلەردىڭ جاس بولۋىنا جانە كوماندانىڭ شيراقتىعىنا ەرەكشە ٴمان بەرەدى. ونىڭ ماقساتى - total tunisia كومپانياسىن تۋنيس ەكونوميكاسىنىڭ فلاگمانىنا اينالدىرۋ; موبيلدىلىك جانە كولىك سالاسىندا كوشباسشىعا اينالدىرۋ; total برەندىنىڭ تانىمالدىلىعىن ارتتىرۋ; بيزنەس كليەنتتەرمەن سەرىكتەستىك بايلانىستى نىعايتۋ.

total group قۋاتتىلىعى مەن نوۋ-حاۋىنىڭ ارقاسىندا total مايىنىڭ قۇرامى ۇنەمى جەتىلدىرىلىپ وتىرادى. تۋنيستە اۆتوجۇرگىزۋشىلەردىڭ جەتپىس پايىزى ٴدال وسى مايعا باسىمدىق بەرەدى.

اعىلشىن تىلىنەن اۋدارعان: التىناي قۋانىشبەك

baq-الەمپرەسس


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي