BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قاڭتار-اقپان ايلارىندا 79 ٴسۇت ونىمىنە تەكسەرۋ جۇرگىزىلدى – بەكشين

فوتو: Sputnik Казахстан

ۇستىمىزدەگى جىلدىڭ قاڭتار-اقپان ايلارىندا 79 ٴسۇت ٴونىمىنىڭ ۇلگىسىنە تەكسەرۋ جۇرگىزىلدى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا قر دسم قوعامدىق دەنساۋلىق ساقتاۋ كوميتەتىنىڭ ٴتوراعاسى جانداربەك بەكشين مالىمدەدى، دەپ حابارلايدى baq.kz ٴتىلشىسى.

«2017 جىلى جۇرگىزىلگەن مونيتورينگ كورسەتىپ تۇرعانداي، اينالىمداعى ازىق-تۇلىكتىڭ 23%-ى تۇتىنۋشىلاردى الداۋ، ولاردى شاتاستىرۋ جانە ٴونىمنىڭ تاڭبالانۋىنداعى كورسەتكىشتەرگە سايكەسسىزدىك بولىپ تابىلادى. جالعان اقپارات جازىلعان ونىمدەردىڭ باسىم بولىگى ٴسۇت جانە ماي ونىمدەرىنە قاتىستى. مىسالى، ىشەتىن ٴسۇت، قويۋلاتىلعان ٴسۇت، سارى ماي، جۇمساق ىرىمشىك، بالالار يوگۋرتى سەكىلدى ازىق-تۇلىكتەگى تابيعي ٴسۇت مايى وسىمدىك مايى جانە پالما مايىمەن الماستىرىلعان. ال بۇل تاۋار قاپتاماسىندا كورسەتىلمەگەن»، - دەدى ول.

ەلىمىزدەگى باس سانيتار دارىگەردىڭ ايتۋىنشا، وسى ازىق-تۇلىك بويىنشا اعىمداعى 2018 جىلدىڭ ەكى ايىندا كوميتەت 1 227 زەرتتەۋ جۇرگىزگەن.

«نەبارى ەكى ايدىڭ ىشىندە كوميتەت ٴسۇت ونىمدەرىنىڭ 79 ۇلگىسىن تەكسەرىپ، 1227 زەرتتەۋ جۇرگىزدى. ولاردىڭ ٴ18-ى ماي-قىشقىلدىق قۇرامى بويىنشا سايكەس كەلمەيدى. نەگىزىنەن، بۇل فرانسيانىڭ «لاكتاليس ينتەرنەيشيونالس» فيرماسىنىڭ 82% مايلىلىقتاعى «پرەزيدەنت» سارى مايى، قىرعىزستاننىڭ «بىشكەك ٴسۇت» ااق 3،2% مايلىلىقتاعى «دوميك ۆ دەرەۆنە» ٴسۇتى، ليتۆانىڭ «سۆاليا» سارى مايى، گەرمانيانىڭ «وميرا وبەرلاند» فيرماسىنىڭ لاكتوزاسىز «مينۋس ل» ٴسۇتى جانە تاعى ٴبىرقاتار فيرما»، - دەدى كوميتەت ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي