BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قانداي جۇپتار كوبىنە اجىراسادى – زەرتتەۋ

فوتو: ашық дереккөзден

ۇلىبريتانيانىڭ عالىمدارى قانداي جاعدايلاردا ۇيلەنگەن جۇپتاردىڭ كوبىنە ايىرىلىسىپ جاتاتىنىن انىقتاۋعا تىرىستى، دەپ حابارلايدى baq.kz اقپارات اگەنتتىگى medikforum.ru سايتىنا سىلتەمە جاساپ.

بريتاندىق ەكونوميستەر ەندريۋ فرەنسيس-تان مەن حيۋگو م. ميالون 3000 ۇيلەنۋ جاعدايىن ساراپتامادان وتكىزىپ، نەكە ساقيناسىنا جۇمسالعان قاراجات پەن اجىراسۋ مۇمكىندىگى اراسىندا تۇسىنىكسىز بايلانىستى انىقتادى. سونىمەن، ولار نەكە جۇزىگىنە كوبىرەك شىعىندانعان جۇپتار ٴجيى ايىرىلىسىپ كەتەدى، دەيدى.

عالىمداردىڭ ايتۋىنشا، نەكە ساقيناسىنا 1500 فۋنت ستەرلينگ جۇمساعان جۇپتار وزدەرى ٴۇشىن قاراپايىم جۇزىككە باسىمدىق بەرگەن جۇبايلارعا قاراعاندا ٴجيى ايىرىلىسىپ كەتەدى ەكەن.

بۇل ٴپرينسىپ كەيىنىرەك تويعا قاتىستى دا دالەلدەندى، ياعني تويعا كوبىرەك شىعىنداناتىندار دا ايىرىلىسىپ جاتادى ەكەن.

«توي جاساۋعا 15 000 فۋنت ستەرلينگتەن كوپ قاراجات جۇمساعان جۇپتار وزگەلەرگە قاراعاندا 1،6 ەسە ٴجيى اجىراسىپ كەتەتىن بولعان. ال، توي شىعىنى 753 فۋنت ستەرلينگتەن اسپاعان جۇپتاردىڭ كوتەرگەن شاڭىراعى بەرىك بولعان»، - دەيدى جۇمىس اۆتورلارى.

ولاردىڭ ايتۋىنشا، ٴسان سالتاناتى جاراسقان تويدى ۇيىمداستىرۋعا قارجىنىڭ بولۋى ونىڭ ۇيىمداستىرۋ جۇمىستارى دا كوپ ۋاقىتتى الاتىنىن بىلدىرەدى. ال توي دەپ جۇرگەندە ادامدار شىنايى قارىم-قاتىناستان قول ٴۇزىپ قالادى. الايدا، توي ٴبىتىپ كۇندەلىكتى كۇيبەڭ تىرشىلىك باستالعاندا ولار قاسىنداعى جۇبىن تولىعىمەن تاني الماعانىن، ونىڭ ول ويلاعاننان باسقا ادام ەكەنىن ٴبىلىپ، كوڭىلدەرى قالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي