BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

يسەكەشەۆ استانانى ارالادى

استانا اكىمى اسەت يسەكەشەۆ بىرنەشە كەزدەسۋ وتكىزگەننەن كەيىن، قالاداعى نىسانداردىڭ قولايلى ينفراقۇرىلىمى مەن اباتتاندىرۋ ماسەلەسى بويىنشا ارالاۋعا شىقتى، دەپ حابارلايدى baq.kz اقپارات اگەنتتىگى.

بۇل تۋرالى اكىمنىڭ ٴباسپاسوز قىزمەتى مالىمدەدى.

وسى جولى اكىم جاقىندا عانا سۋ قۇبىرى جارىلعان مومىش ۇلى – ابىلاي حان داڭعىلىن بارىپ كوردى. قار جاۋعاندىقتان جەردىڭ بەتى 2،5 مەترگە دەيىن توڭ بولىپ قالعان. اپاتقا توپىراقتىڭ كەمىرىلۋى سەبەپ بولعان. سۋ قۇبىرىنىڭ جارىلعان جەرىنە 100-گە جۋىق ارنايى تەحنيكا كەلىپ، ەكى ساعاتتاي سۋدى شىعارۋمەن اينالىستى.

ال جاڭا «نۇرلى جول» تەمىرجول ۆوكزالىنىڭ ينفراقۇرىلىمى تۋرالى استانا اكىمىنىڭ ورىنباسارى سەرگەي حوروشۋن باياندادى.

ونىڭ ايتۋىنشا، جولاۋشىلاردى وتىرعىزۋ جانە تۇسىرۋدە قولايلى جاعداي جاساۋ ٴۇشىن تەمىرجول ۆوكزالىنا جاقىن جۇرەتىن اۆتوبۋستاردىڭ كەلۋ-كەتۋ باعىتى وزگەرتىلىپتى. قازىرگى تاڭدا «نۇرلى جول» ۆوكزالى ايماعىندا 11 باعدار بار. بۇل جۇمىستاردى «قازاقستان تەمىر جولى» اق بىرلەسىپ ورىنداعان.

تەمىرجول ۆوكزالىنا كەلگەن جولاۋشىلار مەن اۆتوبۋس كۇتۋشىلەردىڭ ايالداماعا دەيىن جولى ايتارلىقتاي قىسقاردى. وعان قوسا، ەلوردانىڭ تۇرعىندارى مەن قوناقتارى ٴۇشىن ەسكالاتوردىڭ سانىن كوبەيتىپ، جولاۋشىلار مەن جۇك تاسىمالدايتىن ليفتىلەردى پايدالانۋعا ىسكە قوستى.

ياعني، قولدانىستاعى 52 ەسكالاتورعا 12 ەسكالاتور قوسىلدى، بۇل ادامداردىڭ ٴبىرىنشى قاباتتان بىردەن ٴۇشىنشى قاباتقا شىعىپ، تۇسۋىنە مۇمكىندىك بەرەدى. جاڭا تەمىرجول ۆوكزالىنىڭ عيماراتىندا ٴقازىر 26 ليفت جۇمىس ىستەپ تۇر، ونىڭ 6-ۋى جولاۋشىلار، ٴ4-ۋى سىيىمدىلىعى ۇلكەن جۇكتەرگە ارنالعان.

بۇدان كەيىن اكىم ۆوكزال ماڭىنداعى حالىقارالىق اۋەجايدىڭ الاڭىنا دا بارىپ قايتتى. سەبەبى، قالا تۇرعىندارى مۇنىڭ الدىن بىرنەشە رەت استانا اۋەجايىنا بارار جولدىڭ قولايسىز ەكەنىن ايتىپ شاعىمدانعان بولاتىن. اكىمنىڭ ساپار بارىسى كەزىندە اۋەجاي باسشىلىعىنا جولاۋشىلار ترانسپورتى باسقارماسىمەن بىرلەسىپ، ۋاقىتشا ايالدايتىن اۆتوكولىكتەر ٴۇشىن اۋەجاي اۆتوتۇراعىنان ارنايى جولاعى بار الاڭ ٴبولۋدى تاپسىردى. اتالمىش جوبا جولاۋشىلاردىڭ جايلىلىعى مەن قولايلى بولۋىنا باعىتتالدى جانە ول تاياۋ ارادا جۇزەگە اسىرىلماق.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي