BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

يسەكەشەۆ اكىمدىكتەگىلەر قاشان قىزمەتتىك اۆتوكولىكتەن باس تارتاتىنىن مالىمدەدى

اسەت يسەكەشەۆ استانا اكىمدىگىنىڭ قىزمەتكەرلەرى ٴبىرىنشى جارتىجىلدىقتا قىزمەتتىك اۆتوكولىكتەرمەن ٴجۇرۋدى دوعاراتىنىن ايتتى، دەپ حابارلايدى baq.kz ٴتىلشىسى.

استانادا وتكەن كاسىپكەرلەر كونفەرەنسياسىندا ٴسوز سويلەگەن اسەت يسەكەشەۆ ەلورداداعى بيزنەس دامۋىنىڭ وڭ كورسەتكىشتەرىن اتاپ ٴوتتى.

«ەحرو ۇلكەن ٴرول ويناعانى بەلگىلى. ٴقازىر بيزنەس ٴۇشىن جاڭا بەلەستەر تۇر، ٴبىز ول جۇمىستاردى جالعاستىرىپ جاتىرمىز. بيزنەس ٴۇشىن 1 000 ورىن باعدارلاماسى بويىنشا 640 ورىن بيزنەسكە بەرىلدى. وسى جىلى ٴبىز جەتكىلىكتى دەڭگەيدە ٴىرى تاعى 150 الاڭ دايىنداپ قويدىق. مامىر ايىندا اۋكسيون وتەدى، ٴبىز ونى بلوكچەين بويىنشا جاسايمىز، بارلىعى ٴادىل بولادى»، - دەدى اكىم.

ول مەملەكەتتىك ساتىپ الۋلار سالاسىن جەكە بيزنەسكە كوشىرۋ بويىنشا جۇمىستاردى جالعاستىرىپ جاتقانىن ايتتى. بۇل جەردە قالا باسشىسى وسى جۇمىس اياسىندا اكىمدىك قىزمەتتىك اۆتوكولىكتەردەن باس تارتۋدى جوسپارلاپ وتىرعانىن ٴتۇسىندىردى.

«جوسپارلاعانىمىزداي، ٴقازىر ٴساۋىر ايىنان باستاپ جۇمىستارعا كىرىسۋگە بولاتىنى جونىندە مەملەكەتتىك-جەكەمەنشىك سەرىكتەستىك تۋرالى زاڭعا وزگەرتۋلەر ەنگىزىلدى، قالاداعى سمارت-جارىقتاندىرۋدى مجس بويىنشا تولىق اۋىستىرۋعا، ٴبىرىنشى جارتىجىلدىقتا اۆتوموبيلدەردەن باس تارتۋ – كولىك قىزمەتتەرىنە كوشۋگە ۇلكەن كونكۋرس جاريالاپ جاتىرمىز»، - دەدى اسەت يسەكەشەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي