USD 334.89 EUR 361.61 RUB 5.28
استانا:

ينتەرنەتتە پرەزيدەنتكە ٴتىل تيگىزگەندەر قىلمىستىق جاۋاپقا تارتىلادى

ازەربايجاندا عالامتوردا پرەزيدەنتكە ٴتىل تيگىزىپ، قورلاعانداردى جاۋاپقا تارتۋدى كوزدەيتىن زاڭ قابىلداندى. ٴتيىستى زاڭ جوباسى ميللي مەدجليستىڭ پلەنارلى وتىرىسىندا بەكىتىلدى، دەپ حابارلايدى baq.kz.

زاڭ شىعارۋشى ورگانعا اتالعان ۇسىنىستى ازەربايجاننىڭ باس پروكۋرورى زاكير گارالوۆ ۇسىنعان. مەملەكەت باسشىسىنىڭ ار-نامىسىن، ابىروي-بەدەلىن تۇسىرمەك بولعاندارعا 500 ماناتتان 1000 ماناتقا دەيىن (شامامەن 95-190 مىڭ تەڭگە شاماسىندا) ايىپپۇل سالىنادى. سونداي-اق، 2 جىلعا باس بوستاندىعىنان ايىرىلادى نەمەسە 2 جىل مەرزىمگە تۇزەتۋ ٴجۇمىستارىنا جەگىلەدى.

وتكەن جىلدىڭ جەلتوقسان ايىنان بەرى ازەربايجاندا ساباقتان قالعان وقۋشىلارعا دا ايىپپۇل سالىنادى. مەللي مەدجليس دەپۋتاتتارى اكىمشىلىك قۇقىق بۇزۋشىلىق تۋرالى كودەكسكە ەنگەن تۇزەتۋلەردى بىردەن ماقۇلداعان. جاڭا قۇقىقتىق نورماعا سايكەس، ەگەر وقۋشى ٴبىر اي ىشىندە كەم دەگەندە جەتى رەت ساباقتان قالسا، وندا ول 100 مانات مولشەرىندە ايىپپۇل تولەيدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي