BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

ٴىىم شتاتى 10 پايىزعا قىسقارادى، 450 باسشى كەتەدى - مينيستر

استانا، baq.kz ٴتىلشىسى. قر ىشكى ىستەر ٴمينيسترى قالمۇحانبەت قاسىموۆ «قۇقىق قورعاۋ قىزمەتىنىڭ پروسەستىك نەگىزدەرىن ودان ٴارى جاڭعىرتۋ» تاقىرىبىنا ارنالعان پارلامەنتتىك تىڭداۋلاردا «قۇقىق قورعاۋ ورگاندارىن جاڭعىرتۋدىڭ 2018-2021 جىلدارعا ارنالعان جول كارتاسىن» تانىستىردى.

«بىرىنشىدەن، ۇيىمداستىرۋ-شتاتتىق قۇرىلىمدى وڭتايلاندىرۋ جوسپارلانىپ وتىر. اتاپ ايتساق، شتات سانىنىڭ 10 پايىزى قىسقارادى. بۇۇ ۇسىنىمىندا 100 مىڭ ادامعا 300 پوليسيا قىزمەتكەرىنەن كەلۋ كەرەك دەلىنگەن. بۇل شارا ەلدەر اراسىنداعى پوليسەي سانى بويىنشا رەيتينگتە قازاقستاننىڭ پوزيسياسىن جاقسارتۋعا مۇمكىندىك بەرەدى. ٴقازىر بىزدە 100 مىڭ ادامعا 471 پوليسيا قىزمەتكەرىنەن كەلەدى. 10 پايىزعا قىسقارتۋ كەزىندە ٴبىز 100 مىڭ ادامعا 424 پوليسەيگە جەتىپ، وسىلايشا ەۋروپا نورمالارىنا جاقىندايمىز. وسى جۇمىس اياسىندا ٴبىز ارتىق باسقارۋ بۋىندارىن قىسقارتامىز. تەرگەۋشىلەر، ۋچاسكەلىك پوليسەيلەر مەن جەدەل ۋاكىلدەردى قىسقارتپايمىز»، - دەدى قاسىموۆ.

ٴمينيستردىڭ ايتۋىنشا، نەگىزىنەن باسقارۋشى اپپاراتتار قىسقارتۋعا ۇشىرايدى. ىشكى ىستەر مينيسترلىگىنىڭ ورتالىق اپپاراتى مەن ونىڭ ۆەدومستۆولارى، ايماقتىق پوليسيا ورگاندارىنىڭ اپپاراتتارىندا 450-گە جۋىق باسشىنى قىسقارتۋ جوسپارلانىپ وتىر. سونداي-اق، كۇزەت قۇرىلىمدارى مەن اكىمشىلىك شىعىندار قىسقارتىلادى.

«شتات سانىن قىسقارتۋ كەزىندە ەڭبەكاقى قورى بويىنشا شىعىنداردىڭ وڭتايلانۋى 16 ملرد تەڭگەنى قۇرايدى. بۇل اقشا قالعان پوليسەيلەردىڭ جالاقىسىن وسىرۋگە جۇمسالادى. ياعني، پوليسيا قىزمەتكەرلەرى مەن قىلمىستىق اتقارۋشى جۇيە قىزمەتكەرلەرىنىڭ جالاقىسى وسەدى جانە تۇرعىن ٴۇي ماسەلەسى دە شەشىلەدى»، - دەدى قالمۇحانبەت قاسىموۆ.

بۇعان دەيىن مينيستر بىرنەشە رەت قىلمىس جاساعانداردى «تاراپتاردىڭ تاتۋلاسۋى» ارقىلى بوساتپاۋ كەرەك دەگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي