BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

ٴىىم ٴورت قاۋىپسىزدىگىن ساقتاماي وتىرعان ٴبىرقاتار نىساندى اتادى

ٴورت قاۋىپسىزدىگىنىڭ ساقتالماۋىنا بايلانىستى مينيسترلىك تاراپىنان جاسالعان ەسكەرتۋلەردى ەلەمەي، ناتيجەسىندە، قۇجاتتارى سوتقا جولدانعان نىساندار بار. استانا قالاسى بويىنشا «keruen city» ساۋدا ويىن-ساۋىق ورتالىعىن اتاۋعا بولادى. بۇل جونىندە بريفينگ بارىسىندا قر ىشكى ىستەر ٴمينيسترىنىڭ ورىنباسارى يۋريي يلين مالىمدەدى، دەپ حابارلايدى baq.kz ٴتىلشىسى.

«بۇگىنگى كۇنى تەكسەرىلگەن نىساندار بويىنشا بارلىعى 6 081 زاڭ بۇزۋشىلىق تىركەلگەن. ٴورت قاۋىپسىزدىگى سالاسىنداعى زاڭنىڭ ساقتالماۋى ٴۇشىن سالىناتىن ايىپپۇل سانكيالارىنىڭ كولەمى شاعىن جانە ورتا بيزنەس ٴۇشىن – 15 مينيمالدى اەك، ورتا بيزنەس 25 مينيمالدى اەك، ٴىرى كاسىپكەرلىك نىساندارى ٴۇشىن – 50 مينيمالدى اەك دەيىنگى شەكتە بولادى. شەشۋشى تەكسەرۋ بيزنەس تاراپىنان ٴتيىستى شارالار قابىلدانباعانىن كورسەتەتىن بولسا، وندا سوت شەشىمىمەن مۇنداي ايىپپۇلدار كولەمى ايتارلىقتاي ۇلعايتىلاتىن بولادى. ياعني، ول شاعىن جانە ورتا بيزنەس ٴۇشىن – 100 مينيمالدى اەك، ورتا بيزنەس 250 مينيمالدى اەك، ٴىرى كاسىپكەرلىك نىساندارى ٴۇشىن – 500 مينيمالدى اەك دەيىنگى كولەمدە بولادى»، - دەدى يلين.

ٴمينيستردىڭ ورىنباسارى اتاپ وتكەندەي، استانا قالاسىندا تەكسەرىلگەن نىساندار بويىنشا ٴبىر ساۋدا ويىن-ساۋىق ورتالىعىنىڭ قۇجاتتارى ٴتيىستى شارا قولدانۋ ٴۇشىن سوتقا جولدانىپ وتىر.

«بۇگىن ٴبىز شەشۋشى تەكسەرۋ جۇرگىزىپ، ماتەريالداردى سوتقا جولداعان نىساندار جايىندا استانا قالاسى بويىنشا «كەرۋەن سيتي» ساۋدا-ويىن-ساۋىق ورتالىعىن اتاۋعا بولادى. اتالعان نىسان جۇمىسىن توقتاتۋ نەمەسە وعان جوعارىدا اتالعان كولەمدە ايىپپۇل سالۋ تۋرالى شەشىمدى ەندى سوت شىعاراتىن بولادى. سول سياقتى، الماتى قالاسى بويىنشا «مارت» سو، «سپۋتنيك» سوسو، اقمولا وبلىسى كوكشەتاۋ قالاسى بويىنشا «بۋراباي» جانە «الاتاۋ» سو، اقتوبە قالاسى بويىنشا «باتىس قازاقستان جارمەڭكەسى» جشس جانە «اققۋ» ٴسۇ، الماتى وبلىسى بويىنشا قاراساي اۋدانىنداعى «مولل اپورت» سوسو، باتىس قازاقستان وبلىسى ورال قالاسى بويىنشا «city center» سو، قاراعاندى قالاسى بويىنشا «سيتي مولل» ٴسۇ، ورتالىق امبەباپ دۇكەنى، قوستاناي وبلىسى بويىنشا «ٴواد» ٴسۇ، پاۆلودار وبلىسى «جىبەك جولى» جانە «سارىارقا» ٴسۇ، سقو بويىنشا «كورونا» جانە وقو تۇركىستان قالاسى بويىنشا «قۋانىش» سو. بۇل بۇگىنگى كۇنى ٴورت قاۋىپسىزدىگى ەرەجەلەرىنىڭ ساقتالماۋى بويىنشا اسا ٴقاۋىپتى نىساندار بولىپ تابىلادى جانە ولار جونىندە ماتەريالدار اكىمشىلىك سوتتارعا جولداندى. جالپى، 6 مىڭنان اسا انىقتالعان زاڭ بۇزۋشىلىقتار بويىنشا نىساندارعا 7 ملن 627 مىڭ تەڭگە ايىپپۇل سالىندى»، - دەدى ول.

ۇسىنىلعان مالىمەتكە سايكەس، ٴساۋىر ايىندا باستالعان تەكسەرۋ ناتيجەسىندە ەلىمىزدە نەبارى 6 نىسان بويىنشا عانا ەشقانداي زاڭ بۇزۋشىلىق انىقتالماعان.

ەسكە سالا كەتسەك، كورشى رەسەيدىڭ كەمەروۆ قالاسىنداعى قايعىلى وقيعادان كەيىن قر باس پروكۋراتۋراسىنىڭ تاپسىرماسى بويىنشا ٴساۋىر ايىندا ەلىمىزدەگى ٴىرى ساۋدا ويىن-ساۋىق نىساندارىنا كەزەكتەن تىس تەكسەرۋلەر باستالعان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي