BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

ٴىىم باسشىسى پوليسيا قىزمەتىنە گرۋزيا تاجىريبەسىن ەنگىزۋ تۋرالى ايتتى

فوتو: Sputniknews.kz.

ىشكى ىستەر ٴمينيسترى قالمۇحانبەت قاسىموۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا جۋرناليست قويعان «قازاقستان پوليسياسى نەلىكتەن گرۋزيا تاجىريبەسىن ەنگىزبەيدى؟» ساۋالعا جاۋاپ بەردى، دەپ حابارلايدى baq.kz ٴتىلشىسى.

ول قازاقستانىق قۇقىق قورعاۋ ورگاندارىنا گرۋزيا تاجىريبەسىن ەنگىزۋگە قارسىلىق تانىتپايتىنىن ايتتى.

«قىلمىستىق اتقارۋ جۇيەسى كوميتەتى بىزگە بەرىلگەلى بەس جىل ٴوتىپ كەتتى. توتەنشە جاعدايلار كوميتەتىنىڭ بىزگە بەرىلگەنىنە ٴۇش جىل بولدى. جۇمىس شاش ەتەكتەن ەكەنىن ٴتۇسىنىپ وتىرمىن. ٴبىراق، تاپسىرماعا بايلانىستى جۇمىستاردىڭ بارلىعىن اتقارىپ وتىرمىز. گرۋزيالىق ٴادىس تۋرالى ايتساق: ٴبىز وعان قارسى ەمەسپىز. سوندا بارىپ، كوزىمىزبەن كوردىك. بىزدە ولاردىڭ اتقارعان جۇمىسى مەن ٴبىزدىڭ ٴجۇمىسىمىز تۋرالى كەستە بار. ٴبىزدىڭ ەلىمىزگە ەنگىزۋگە بولاتىننىڭ ٴبارىن الدىق. بۇل گرۋزيالىق قانا ەمەس، سونداي-اق بىرنەشە رەت گەرمانياعا باردىق. ٴوزىم گەرمانيادا، پولشادا، ەستونيادا بولدىم. ٴبارىن كوردىك»، - دەپ جاۋاپ بەردى مينيستر جۋرناليست ساۋالىنا.

قاسىموۆ گرۋزيا تاجىريبەسىنىڭ ٴبىر بولىگى قازاقستاندىق پوليسيا قۇرىلىمدارىنا ەنگىزىلگەنىن اتاپ ٴوتتى.

«ادامدار كوپ سۇراققا ٴمان بەرمەي «نەگە گرۋزيالىق تاجىريبەنى ەنگىزبەيسىزدەر؟» دەيدى. ەڭ ٴبىرىنشى ولار نە ىستەدى؟ گرۋزيانىڭ اۋماعى اقمولا وبلىسىمەن بىردەي عانا. جەتى اۋداندا جەتى اۋداندىق بولىمدەردى سالدى، مينيسترلىكتى سالدى. ونىڭ بارىنە تەلەكوممۋنيكاسيانى تولىعىمەن الىپ كەلدى دە، پوليسياعا كيىمدى بەردى. سانىن قىسقارتتى. ايلىقتارىن 500-دەن 2 مىڭ اقش دوللارىنا دەيىن كوتەردى. ول جاقتا – 3،6 ملن ادامعا 82 مىڭ پوليسەي بولعان. سودان سوڭ ولاردىڭ سانىن 20 مىڭعا دەيىن قىسقارتىپ، ايلىقتارىن 10 ەسەگە دەيىن كوتەردى. بۇل ماسەلەنى بىزگە بولىنگەن بيۋدجەت اياسىندا شەشەمىز. ال ٴدال ٴقازىر ولاي ىستەي المايمىز. (...)ٴبىز ٴبىر عيمارات تا سالعان جوقپىز. ٴبىزدىڭ ايلىقتى كوتەرمەدى، تەحنيكا دا، جاڭا فورما مەن راسيالاردى دا بەرگەن جوق، ٴبىراق بۇل ماسەلەلەردى ٴبىز ٴوزىمىزدىڭ بيۋدجەتكە قاراپ شەشىپ جاتىرمىز»، - دەدى قالمۇحانبەت قاسىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي