BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ielts ساتىپ العاندار وقۋ اقىسىن مەملەكەتكە قايتاردى – دسم

فوتو: www.mz.gov.kz

جالعان ielts سەرتيفيكاتىن ساتىپ العان «استانا مەديسينا» ۋنيۆەرسيتەتىنىڭ ستۋدەنتتەرى وقۋ وقىسىن مەملەكەت قايتارىپ بەردى. بۇل تۋرالى بۇگىن ۇكىمەت وتىرىسىنان كەيىن دەنساۋلىق ساقتاۋ ٴمينيسترى ەلجان ٴبىرتانوۆ مالىمدەدى، دەپ حابارلايدى ۆaq.kz ٴتىلشىسى.

ٴمينيستردىڭ ايتۋىنشا، اعىلشىن ٴتىلىنىڭ بىلىكتىلىك دەڭگەيىن ايقىندايتىن جالعان سەرتيفيكاتتاردى ساتىپ العان رەزيدەنتتەردىڭ بارلىعى وقۋدان شىعارىلىپ، ولاردىڭ كەيبىرى سوت شەشەمىنە سايكەس زاڭسىز پايدالانعان وقۋ اقىسىن مەملەكەتكە قايتاردى.

«ىشكى ىستەر مينيسترلىگىنىڭ جەرگىلىكتى دەپارتامەنتتەرى تەرگەۋ جۇرگىزىپ جاتىر. ٴبىز دە ٴوز تاراپىمىزدان ٴتيىستى شارالاردى قابىلدادىق. قولدان جاسالعان نەمەسە مىندەتتى تىركەۋدەن وتپەگەن سەرتيفيكاتتاردى زاڭسىز پايدالانعان ستۋدەنتتەردىڭ ٴبارىن وقۋدان شىعارعانبىز. ستۋدەنتتەر بولعاندا – رەزيدەنتتەر، ياعني دوكتورانتۋرادا وقيتىن 100-دەن استام ازامات. قازىرگى كۇندە قاجەتتى شەشىمدەر سوت دەڭگەيىندە قاراستىرىلىپ جاتىر. اقشانى زاڭسىز پايدالانعاندار اقشانى قايتاردى»، - دەدى ول.

سونىمەن قاتار دەنساۋلىق ساقتاۋ ٴمينيسترى اتالعان ماسەلە سوتتىڭ قاراۋىندا ەكەنىن اتاپ ٴوتتى.

«باسقا جاعدايلار دا سوت دەڭگەيىندە قارالۋدا. ەشكىم زاڭنان قاشپايدى. ٴبارىن باقىلاۋدا ۇستاپ وتىرمىز. بۇل ستۋدەنتتەردىڭ بارلىعى وقۋدان شىعارىلادى»، - دەپ تۇيىندەدى ٴسوزىن ەلجان ٴبىرتانوۆ.

ەستەرىڭىزگە سالايىق، بىلتىر كۇزدە ەمتيحاندى ٴوز كۇشىمەن تاپسىرعاندار ارىزدانىپ، بۇل ٴىس بويىنشا تەكسەرىس جۇرگىزىلگەن ەدى. سونىڭ ناتيجەسىندە اعىلشىن ٴتىلى ەمتيحانى بويىنشا 117 تىركەلمەگەن سەرتيفيكات انىقتالدى. ماگيستراتۋرا نەمەسە دوكتورانتۋراعا تۇسەمىن دەگەندەرگە ielts سەرتيفيكاتى ەمتيحان كەزىندە باسىمدىق بەرەدى. سول سەبەپتى بولار، بىلتىر كوپ ادام بۇل قۇجاتتى ساتىپ الىپ، جاراسىن جەڭىلدەتكىسى كەلدى. الايدا، بارلىق سىناقتان ٴوز كۇشىمەن وتكەندەر قالىپتاسقان جاعدايمەن كەلىسپەدى. ستۋدەنتتەر بۇل ماسەلەگە قوعام نازارىن بارىنشا اۋدارۋعا تىرىستى. ناتيجەسىندە ٴبىلىم جانە عىلىم مينيسترلىگى تەكسەرىس جۇرگىزىپ، بازادا تىركەلمەگەن 117 سەرتيفيكات بار ەكەندىگىن انىقتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي