BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

يدم قىزمەتكەرلەرى ٴبىر كۇندىك جالاقىسىن ونكولوگيالىق اۋرۋلاردان زارداپ شەككەن بالالارعا اۋداردى

بۇگىن ينۆەستيسيالار جانە دامۋ مينيسترلىگىندە بۇلدىرشىندەردىڭ قاتىسۋىمەن وتە اسەرلى كەش ٴوتتى. وندا ۆەدومستۆو قىزمەتكەرلەرىنىڭ ونەرلى ۇل-قىزدارى اقمولا وبلىسى، اقكول قالاسىنداعى جەتىم بالالار مەن اتا-اناسىنىڭ قامقورلىعىنسىز قالعان بالالارعا ارناپ كونسەرت قويىپ، ونەرلەرىمەن ەرەكشە كوڭىل كۇي سىيلادى، دەپ حابارلايدى baq.kz اقپارات اگەنتتىگى.

بۇل تۋرالى ٴوزىنىڭ الەۋمەتتىك جەلىدەگى پاراقشاسىندا جازعان مينيسترلىك باسشىسى جەڭىس قاسىمبەك مينيسترلىكتە بالالاردى قورعاۋ كۇنىنە وراي دەنساۋلىعىنا بايلانىستى مۇقتاج بالالارعا كومەك كورسەتۋ ٴۇشىن قايىرىمدىلىق شاراسى وتكەنىن ايتتى.

"وسى اكسياعا بايلانىستى قىزمەتكەرلەرىمىز جاقىندا بىرنەشە وتا جاساتۋعا ٴماجبۇر كىشكەنتاي سايداعا قول سوزۋ ماقساتىندا ٴبىر كۇندىك تابىسىن «ميلوسەرديە» ەرىكتى قوعام قايىرىمدىلىق قورى مەن ونكولوگيالىق اۋرۋلاردان زارداپ شەككەن بالالارمەن جۇمىس جاسايتىن «اسىل بالا» قورىنا اۋداردى" - دەيدى ول.

سونداي-اق، مينيسترلىك قىزمەتكەرلەرى «نۇر وتان» پارتياسى «بىرلىك» فيليالىمەن بىرلەسىپ بالالار ٴۇيىنىڭ تاربيلەنۋشىلەرىنە سىيلىقتار ۇلەستىردى.

"وسى ٴبىر يگى شارا داستۇرگە اينالۋ ٴۇشىن مينيسترلىك پەن بالالار ٴۇيى بىرلەسىپ جۇمىس ىستەۋ ماقساتىندا ارنايى مەموراندۋم جاساستىق. قاسيەتتى ايدا قامقورلىق تانىتقان بارشا مينيسترلىك قىزمەتكەرلەرىنە، سونىمەن قاتار بۇگىن ەرەكشە كوڭىل كۇي سىيلاپ، ونەرىمەن ٴبىزدى ٴتانتى ەتكەن بالاقايلارعا شەكسىز العىسىمدى جەتكىزگىم كەلەدى" - دەدى جەڭىس قاسىمبەك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي