BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

حقكو-عا telegram ارقىلى كەزەكتى برونداۋعا بولادى

فوتو: ашық дереккөзден

«ۇلتتىق اقپاراتتىق تەحنولوگيالار» اق مەن قر ادىلەت مينيسترلىگى @egovkzbot telegram-بوتىندا جاڭا ٴۇش قىزمەتتىڭ ىسكە قوسىلعانى تۋرالى مالىمدەدى، دەپ حابارلايدى baq.kz اقپارات اگەنتتىگى.

سونىمەن، telegram كومەگىمەن ازاماتتار كەلەسى قىزمەتتەردى سۇراتا الادى: «ازاماتتارعا ارنالعان ۇكىمەت» مك» كەاق حالىققا قىزمەت كورسەتۋ ورتالىقتارىنا كەزەكتى برونداۋ; «تىركەلگەن زاڭدى تۇلعا، فيليال نەمەسە وكىلدىك تۋرالى» انىقتاما بەرۋ; «زاڭدى تۇلعانىڭ فيليالدارى مەن وكىلدىكتەرىنىڭ بار ەكەندىگى تۋرالى» انىقتاما بەرۋ.

وسىلايشا @egovkzbot telegram-بوت ارقىلى قول جەتىمدى قىزمەتتەردىڭ سانى 13-كە جەتتى.

ناقتىراق ايتقاندا، بوت ارقىلى پايدالانۋشىلار مەكەنجاي، جىلجىمايتىن مۇلىكتىڭ بولۋى نەمەسە بولماۋى تۋرالى، سوتتالعاندىعى بولۋى نە بولماۋى تۋرالى، جەكە تۇلعانىڭ باسقا زاڭدى تۇلعالاردا قاتىسۋى تۋرالى، جىلجىمايتىن مۇلىككە تىركەلگەن قۇقىقتار (اۋىرتپالىقتار) تۋرالى، تىركەلگەن زاڭدى تۇلعا، فيليال نەمەسە وكىلدىك تۋرالى، زاڭدى تۇلعانىڭ فيليالدارى مەن وكىلدىكتەرىنىڭ بار ەكەندىگى تۋرالى انىقتامالارىن سۇراتا الادى.

ايتا كەتەيىك، @egovkzbot ىسكە قوسىلعان ساتتەن باستاپ (21.05.18) 11 مىڭنان استام (11022) جازىلىپ، ٴدال سونداي ساندا (11151) قىزمەتتەرگە سۇراۋ سالعان.

«@egovkzbot ارقىلى كورسەتىلەتىن قىزمەتتەردىڭ سانى بۇدان ٴارى كوبەيەدى. بارلىق تانىمال قىزمەتتەردى وسى پلاتفورماعا كوشىرۋدى جوسپارلاپ وتىرمىز. egov.kz پورتالىنىڭ بەلسەندى پايدالانۋشىلارى مەن باسقا دا ازاماتتاردى بوت مۇمكىندەرىن قولدانۋعا شاقىرامىن. ويتكەنى شىنىمەن دە وڭاي ٴارى تەز»، - دەپ اتاپ ٴوتتى «ۇلتتىق اقپاراتتىق تەحنولوگيالار» اق باسقارما ٴتوراعاسى اسەت تۇرىسوۆ.

ەستەرىڭىزگە سالا كەتەيىك، قىزمەتتى الۋ ٴۇشىن «موبيلدىك ازاماتتار بازاسىندا» تىركەلۋ قاجەت، ياعني ٴوز تەلەفون ٴنومىرىن egov.kz پورتالىنىڭ جەكە كابينەتىندە تىركەپ، ٴوزىنىڭ گادجەتىندە، telegram مەسسەندجەردەگى بوتتى ىسكە قوسۋ جۇزەگە اسىرىلادى. بۇدان ٴارى الدىن-الا بەلگىلەنگەن بۇيرىقتاردى جولداۋ جانە سۇرانىستى sms-كود ارقىلى راستاۋ ارقىلى مەملەكەتتىك قىزمەتتەردى الۋعا بولادى، ٴارى سۇراۋلاردىڭ ناتيجەسىن بىردەن پايدالانۋشىنىڭ ەلەكتروندىق پوشتاسىنا جىبەرۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي