BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

حالىقتى جۇمىسپەن قامتۋ تۋرالى زاڭدى پارلامەنتتەن كەرى قايتارىپ الۋ كەرەك – نيكولاي رادوستوۆەس

فوتو: primeminister.kz

تاۋ-كەن ٴوندىرىسى مەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعىنىڭ اتقارۋشى ديرەكتورى نيكولاي رادوستوۆەس حالىقتى جۇمىسپەن قامتۋ تۋرالى زاڭدى پارلامەنتتەن كەرى قايتارىپ الۋ قاجەتتىگىن ايتتى، دەپ حابارلايدى baq.kz ٴتىلشىسى.

الدىمەن نيكولاي رادوستوۆەس اتالعان مينيسترلىكتىڭ ٴوزىن-وزى جۇمىسپەن قامتىپ وتىرعان ازاماتتاردى راسىمدەۋ ماقساتىندا سالىق كودەكسىنە وزگەرىستەر ەنگىزۋ بويىنشا ناقتى ۇسىنىستار ەنگىزىپ جاتقانىنا قولداۋ ٴبىلدىردى. ونىڭ پىكىرىنشە، بۇل ماسەلەنى تەك زاڭداستىرىپ قانا قويماي، بۇل نورمانىڭ زامان تالابىنا ساي بولۋى قاجەت ەكەنىن العا تارتتى.

وسى ورايدا رادوستوۆەس حالىقتى جۇمىسپەن قامتۋ بويىنشا ەڭبەك مينيسترلىگىمەن بىرىگىپ ٴتيىستى جۇمىستار اتقارىپ جاتقانىن، الايدا الداعى ۋاقىتتا ەلىمىزدە جۇمىسسىز ازاماتتاردىڭ قاتارى كوبەيۋى مۇمكىن ەكەنىن مالىمدەدى.

«قازسينك»، «قازاقمىس»، erg جانە ت.ب. تاۋ-مەتاللۋرگيالىق كومپانيالارى قازىرگى تاڭدا سيفرلاندىرۋ جۇمىستارىن جۇرگىزىپ جاتىر. كومپانيالار كاسىپوداقتارمەن بىرىگىپ، جۇمىسقا ورنالاستىرۋ جۇيەسىن جانە مامانداردى قايتا وقىتۋ سىندى جۇمىستاردى بىرىگىپ قولعا الۋدا. ٴبىز مينيسترلىكپەن (ەڭبەك جانە حالىقتى الەۋمەتتىك قورعاۋ مينيسترلىگى – اۆتور) ٴوزارا تۇسىنىستىك پەن اتالعان ماسەلەنى شەشۋ بويىنشا جول كارتاسى بار. مينيسترلىكتىڭ كومەگىمەن ولاردى جۇمىسقا ورنالاستىرا الاتىن شىعارمىز، ٴبىراق الداعى ۋاقىتتا ەڭبەك نارىعىندا جۇمىسسىزدار قايتا پايدا بولۋى مۇمكىن»، - دەدى اتقارۋشى ديرەكتور.

ونىڭ ايتۋىنشا، 2021 جىلى جەراستى بايلىعىن پايدالانۋشىلار جەر قويناۋىن پايدالانۋ زاڭى بويىنشا قازاقتاندىق ٴونىمدى ساتىپ الۋعا مىندەتتى بولمايدى. ال بۇل ەلىمىزدەگى جۇمىس ورىنداردىڭ جابىلۋىنا الىپ كەلۋى مۇمكىن.

«وسى ورايدا «ەلىمىزدە جاڭا جۇمىس ورىندارىن قۇرۋمەن قانداي مينيسترلىك اينالىسادى؟» دەگەن زاڭدى سۇراق تۋىندايدى. ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىسىن قاراپ شىقتىم. ناتيجەسىندە ولاردىڭ ٴتيىستى قاراجاتتى بولەتىنىن، مامانداردى قايتا دايارلايتىنىن ٴتۇسىندىم. ازاماتتار جاڭا ماماندىقتى مەڭگەرىپ شىعادى. ٴبىراق ولار جۇمىس تابا المايدى. ۇلتىق ەكونوميكا مينيسترلىگى يدم-مەن بىرلەسىپ، اەا، ونەركاسىپتىك ايماقتار ٴۇشىن جاۋاپ بەرەدى. ٴبىراق ٴقازىر بۇل مەحانيزمنىڭ جۇمىس ىستەمەيتىنىن كورىپ وتىرمىز»، - دەدى نيكولاي رادوستوۆەس.

وسى ورايدا ول اتالعان ماسەلەنى شەشۋ ٴۇشىن پارلامەنتتەن حالىقتى جۇمىسپەن قامتۋ تۋرالى زاڭدى كەرى قايتىپ الۋ قاجەتتىگىن اتاپ ٴوتتى.

«جاڭا جۇمىس ورىندارى قالاي پايدا بولادى؟ ادامدار جۇمىستى قالاي تابادى؟ جۇمىسپەن قامتۋ زاڭى ارقىلى ما؟ بۇل نۇسقا ەسەپ پەن مونيتورينگتەن عانا قۇرالعان. وندا جۇمىسقا ورنالاسقىسى كەلەتىندەردىڭ جۇمىس تابۋىنا جەتكىلىكتى ستيمۋل جوق. سونداي-اق جاڭا جۇمىس ورىندارى بويىنشا جاعدايدى ٴادىل باعالاپ، سيفرلاندىرۋ تالاپتارى مەن دسۇ سايكەس وزگەرىستەردى ەسكەرۋىمىز كەرەك. سوندىقتان حالىقتى جۇمىسپەن قامتۋ تۋرالى زاڭدى پارلامەنتتەن كەرى قايتارىپ الۋ كەرەك. بۇل رەداكسياداعى زاڭ پرەزيدەنت الدىمىزعا قويعان سۇراقتارعا جاۋاپ بەرە المايدى»، - دەدى ول.

اتالعان ماسەلەگە قاتىستى ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا پىكىرىن ٴبىلدىردى.

«رادوستوۆەس مىرزا، ونەركاسىپتىك جانە ارنايى ەكونوميكالىق ايماقتاردىڭ قىزمەتىنە قاتىستى ناقتى ۇسىنىستار بەردى. ٴبىراق ٴقازىر پارلامەنتتە جاتقان حالىقتى جۇمىسپەن قامتۋ تۋرالى زاڭ جوباسى كوشى-قون سالاسىنداعى قۇزىرەتتەردى ٴبولۋ مەن جەكە جۇمىسپەن قامتۋ اگەنتتىكتەرىنىڭ قىزمەتىن رەتتەۋگە باعىتتالعان. وسى جىلدىڭ ٴبىرىنشى توقسانىنىڭ سوڭىنا دەيىن اتالعان زاڭدى قابىلداۋ جوسپارلانىپ وتىر. ٴبىراق بيىل ٴوزىن-وزى جۇمىسپەن قامتىعانداردى راسىمدەۋ بويىنشا ٴبىرقاتار جاڭا زاڭ جوبالارى بار. ارينە، ٴبىزدىڭ سالاعا قاتىستى ۇسىنىستاردىڭ بارلىعىن ەسكەرەتىن بولامىز»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي