BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

گۇلشارا ٴابدىقالىقوۆا: ەلىمىزدەگى 4 ملن-عا جۋىق ايەل اۋىلداردا تۇرادى

فوتو: Бауыржан Жуасбаев

استانا، baq.kz ٴتىلشىسى. بۇگىن استانادا بۇۇ باس اسسامبلەياسىنىڭ قارارىنا سايكەس جىل سايىن 15 قازاندا اتالىپ وتەتىن حالىقارالىق اۋىل ايەلدەرى كۇنىنە ارنالعان "قازاقستاننىڭ اۋىلدىق اۋماقتارىن تۇراقتى دامىتۋعا ايەلدەردىڭ ۇلەسى" اتتى اۋىل ايەلدەرىنىڭ ٴبىرىنشى فورۋمى ٴوتىپ جاتىر. فورۋمعا 14 وڭىردەن 160-تان استام دەلەگات قاتىسۋدا.

فورۋم "expo&women" حۇ زتب، ەۋروپالىق قايتا قۇرۋ جانە دامۋ بانكى، قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ٴوتىپ جاتىر.

رەسپۋبليكادا اۋىل حالقى 42،5 %-دى قۇرايدى، ونىڭ جارتىسى ايەلدەر جانە ولاردىڭ اۋىلدىق اۋماقتاردى دامىتۋداعى ٴرولى ايتارلىقتاي.

فورۋمنىڭ اشىلۋ سالتاناتىنا قاتىسقان قر مەملەكەتتىك حاتشىسى، ايەلدەر ٴىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ٴتورايىمى گۇلشارا ٴابدىقالىقوۆا اۋىل ايەلدەرىنىڭ ٴى فورۋمىنا قاتىسۋشىلاردى قۇتتىقتادى.

"بۇگىنگى تاڭدا قازاقستانداعى ايەلدەردىڭ 50%-عا جۋىعى، ياعني 3،9 ميلليون ايەل اۋىلداردا تۇرادى. سول سەبەپتى فورۋمنىڭ باستى مىندەتى - اۋىلشارۋاشىلىعىن دامىتۋدا، ٴومىر ساپاسىن ارتتىرۋدا، اۋىل تۇرعىندارىنىڭ جاعدايىن جاقسارتۋدا ايەلدەردىڭ ٴرولىن ارتتىرۋ"، - دەيدى ول.

فورۋم اگروونەركاسىپتىك كەشەندى دامىتۋدىڭ مەملەكەتتىك باعدارلاماسىن ىسكە اسىرۋدا ايەلدەردىڭ جەتىستىكتەرى مەن ۇلەسىن كورسەتۋ ٴۇشىن ارنايى پلاتفورما قۇرۋ، سونداي-اق ايەلدەردى ىنتالاندىرۋ، ولاردى جاسىل ەكونوميكاعا تارتۋ، ورگانيكالىق اۋىل شارۋاشىلىعىن جانە اۋىلداعى جۇمىسپەن قامتۋدىڭ ٴتۇرلى فورمالارىن ەنگىزۋ ماقساتىندا وتكىزىلۋدە.

فوتو باۋىرجان جۋاسبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي