BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

فيرۋزا شاريپوۆا مۇقتاج وتباسىعا كولىك سىيلادى

تاراز قالالىق اكىمدىگىندە ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ «تۋعان جەر» جوباسى اياسىندا قازاقستان رەسپۋبليكاسىنىڭ سپورت شەبەرى، ايەلدەر اراسىندا بوكستان كاسىپقوي الەم چەمپيونى فيرۋزا شاريپوۆا، 2017 جىلعى «100 جاڭا ەسىم» جوباسىنىڭ جەڭىمپازدارى جامبىل وبلىستىق قوعامدىق كەڭەستىڭ حاتشىسى، جامبىل وبلىسىنىڭ قۇرمەتتى ازاماتى سەيدازىموۆ سەمبەك، ريو-دە-جانەيرو قالاسىندا وتكەن حv جازعى پاراليمپيادالىق ويىندارىنىڭ جۇزۋدەن جەڭىمپازى – گابيدۋللينا زۋلفيامەن كەزدەسۋ وتكىزىلدى، دەپ حابارلايدى baq.kz اقپارات اگەنتتىگى تاراز قالاسى اكىمدىگىنىڭ رەسمي سايتىنا سىلتەمە جاساپ.

كەزدەسۋدى قالا اكىمى عالىمجان ٴابدىرايىموۆ اشىپ، فيرۋزانى جەڭىسىمەن قۇتتىقتاپ، سىيلىق تابىس ەتتى. ٴوز كەزەگىندە قازاقستان رەسپۋبليكاسىنىڭ سپورت شەبەرى، ايەلدەر اراسىندا كاسىپقوي بوكستان الەم چەمپيونى فيرۋزا شاريپوۆا دا ەلباسىنىڭ باعدارلاماسىنا ٴوز ۇلەسىن قوسۋعا نيەت ٴبىلدىرىپ، قالاداعى مۇقتاج جاندارعا ەز ەسەبىنەن اۆتوكولىك سىيعا تارتۋ ويىندا بۇرىننان بولعاندىعىن جەتكىزدى.

بۇگىن وسى ويى جۇزەگە اسىپ، جانۇياسىندا ەكى مۇگەدەك بالا تاربيەلەپ وتىرعان سەيىلجانوۆا ريزاعا سۋ جاڭا اۆتوكولىك كىلتىن تابىس ەتتى. ٴوز كەزەگىندە سەيىلجانوۆا ريزا فەريزاعا انالىق العىسىن جەتكىزىپ، جانۇياسى اتىنان راۋشان گۇل ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي