BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ەۋرازيا مەديا فورۋمىنا تىركەلۋدىڭ اياقتالۋىنا 3 كۇن قالدى

ەۋرازيا مەديا فورۋمىنىڭ باس ديرەكتورى رۋسلان جەمكوۆتىڭ حابارلاۋىنشا xv مەديا فورۋمىنىڭ اككرەديتاسياسى 18 مامىرعا دەيىن جالعاسادى. دەمەك، فورۋمعا قاتىسۋشىلار ەندى ٴۇش كۇن ىشىندە تىركەلە الادى، دەپ حابارلايدى baq.kz اقپارات اگەنتتىگى.

ايتا كەتۋ كەرەك، تاۋەلسىز ديالوگ الاڭى اتانىپ كەتكەن فورۋم 8 جىلدان كەيىن ەلىمىزدىڭ وڭتۇستىك استاناسى الماتىعا قايتا ورالىپ وتىر. ٴىس-شارا 22-24 مامىر ارالىعىندا the ritz-carlton وتەلىندە وتەدى.

قازىرگى تاڭدا ساياسي عىلىمدارىنىڭ دوكتورى داريعا نۇرسۇلتانقىزى نازاربايەۆا باسقاراتىن ۇيىمداستىرۋ كوميتەتى جوبا سەرىكتەستەرى جانە سپيكەرلەرىمەن كەلىسسوزدەردى ٴتامامداپ، باعدارلامانى تالداپ، قاتىسۋشىلاردى تىركەۋمەن اينالىسۋدا. جۋىردا عانا «house of cards» (كارتوچنىي دوميك) ساياسي تريللەرىنىڭ اۆتورى مايكل دوببس، «vice news tonight» كابەلدىك جانە سپۋتنيكتىك تەلەجۇيەسىنىڭ شەتەلدىك جاڭالىقتار ٴبولىمىنىڭ باسشىسى نورين دجاميل، رەسەيلىك قوعام قايراتكەرلەرى كسەنيا سوبچاك پەن ماكسيم شەۆچەنكو قاتىساتىندىعىن راستادى.

سونىمەن قاتار تاعى دا بيىلعى فورۋمنىڭ قاتىسۋشىلارى قاتارىندا – ۆۆس تەلەارناسىنىڭ جاڭالىقتار ٴبولىمىنىڭ رەداكتورى گەۆين حيۋيتت; پروديۋسەر، رەجيسسەر، «وسكار–2016» نومينانتى («زيما ۆ وگنە» دەرەكتى فيلم) ەۆگەنيي افينەەۆسكيي; امەريكالىق پوليتتەحنولوگ، باراك وباما پرەزيدەنتتىگى كامپانياسىنىڭ ەكەۋىندە دە كەڭەسشى بولعان رودجەر فيسك; cnn تەلەارناسىنىڭ حالىقارالىق جاڭالىقار ٴبولىمىنىڭ رەداكتورى رايان سميت; فرانسيانىڭ بۇرىنعى كولىك ٴمينيسترى، ۇلتتىق اسسامبلەيا دەپۋتاتى تەرري مارياني; نوبەل سىيلىعىنىڭ لاۋرەاتى موحان مۋناسينگە; رەسەي ٴجۋرناليسى، پروديۋسەر ٴارى تەلەجۇرگىزۋشى سوفيكو شەۆاردنادزە; جاسىل تەحنولوگيالار مەن ينۆەستيسيالىق جوبالار حالىقارالىق ورتالىعىنىڭ ٴتوراعا ورىنباسارى، بالامالى ەنەرگەتيكا بويىنشا 2 سامميت ۇيىمداستىرۋشىسى ارمان قاشقىنبەكوۆ جانە ت.ب. بار.

بيىلعى فورۋم تاقىرىبى «ەۆوليۋسيانىڭ 15 جىلى: الەم قالاي وزگەرەدى جانە ٴبىزدى قالاي وزگەرتەدى». فورۋم اياسىندا قازىرگى باق احۋالى مەن بولاشاعى تۋرالى، جاھاندىق الەۋمەتتىك-ەكونوميكالىق جانە ەكولوگيالىق ماسەلەلەر تالقىلانادى.

ورتالىق ازياداعى تاۋەلسىز ديالوگ الاڭى رەتىندەگى ەۋرازيا مەديا فورۋمىنىڭ باستى ميسسياسى - ساراپشىلار، ساياساتكەرلەر، ەكونوميستەر، قوعامدىق پىكىر يەلەرىنىڭ قاتىسۋىمەن قازاقستاننىڭ، ەۋرازيانىڭ، ٴتىپتى بۇكىل الەمدىك قاۋىمداستىقتىڭ ەكونوميكالىق، گەوساياسي، الەۋمەتتىك مادەني ماسەلەلەرىن تالقىلاۋ.

فورۋم ٴوز تاريحىندا 6000 اسا شەتەلدىك قاتىسۋشىلاردى، ولاردىڭ قاتارىندا تانىمال جۋرناليستەر، بەلگىلى ساياساتكەرلەر، مىقتى ەكونوميستەر، نوبەل سىيلىعىنىڭ لاۋرەاتتارى، قوعام قايراتكەرلەرى، عالىمدار مەن كاسىپكەرلەردى قازاقستانعا جينادى.

بۇل رەتتە، فورۋم ۇيىمداستىرۋشىلارى قازاقستاننىڭ الەم الدىنداعى بەدەلىنىڭ كۇن ساناپ ارتىپ كەلە جاتقاندىعىن، فورۋمنىڭ مۇندا ٴتيىمدى ٴارى زاماناۋي قۇرال رەتىندە ٴرولىن اتاپ وتپەكشى. فورۋم ٴوزىنىڭ بەلسەندى جۇمىسىنىڭ ارقاسىندا بۇگىندە دۇنيە ٴجۇزى بويىنشا بەدەلدى مەديا الاڭ اتانعان. ونىڭ دالەلى رەتىندە 1500 ايتۋلى باق: euronews، cnn، bbc، associated press television news، reuters، bloomberg، new york times، al jazeera english، يتار-تاسس، ريا «نوۆوستي»، ربك، russia today، پەرۆىي كانال، يا «دجيحان» جانە ت.ب. قاتىسقاندىعى بولا الادى.

بيىلعى فورۋم تاقىرىپتارى: «حالىقارالىق قارىم-قاتىناستاعى ەۆوليۋسيا»، «ەۋروپالىق وداق ەۆوليۋسياسى»، «قورشاعان ورتا ەۆوليۋسياسى»، «اقپاراتتىق تەحنولوگيالار: ناقتى دەرەك پەن فەيك جاڭالىقتار»، «بلوگسفەرانىڭ كۇشەيۋى: پروگرەسس پە، الدە ٴقاۋىپ پە؟» جانە تاعى باسقا.

ٴىس-شارانىڭ باس سەرىكتەسى «سامۇرىق-قازىنا» ۇلتتىق ٴال-اۋقات قورى» اكسيونەرلىك قوعامى.

xv ەۋرازيالىق مەديا فورۋمعا تىركەلۋ 18 مامىرعا دەيىن جالعاسادى. تىركەۋ ٴۇشىن http://eamedia.org/ru/ سىلتەمەسىنە وتۋگە بولادى. ورىن ساناۋلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي