BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەسىرتكى جۇتىپ، شەكارادان وتپەك بولعان وزبەكستاندىق ۇستالدى

فوتو: интернеттен

استانا، baq.kz. وزبەكستان مەن قازاقستاننىڭ شەكاراسىنداعى «قاپلانبەك-اۆتو» وتكىزۋ بولىمشەسىندە ەسىرتكى الىپ وتپەك بولعان ازامات ۇستالدى. بۇل تۋرالى قر ۇقك شەكارا قىزمەتىنىڭ ٴباسپاسوز قىزمەتى حابارلادى.

«سارىاعاش شەكارا وتريادىنىڭ «قاپلانبەك-اۆتو» وتكىزۋ بولىمشەسىندە شەكاراشىلاردىڭ ەسىرتكى زاتتارىن ىزدەۋگە ارنايى ۇيرەتىلگەن قىزمەتتىك ٴيتى ٴوز ەلىنە قايتىپ بارا جاتقان 48 جاستاعى وزبەكستاندىقتىڭ جانىنان، تەكسەرۋ بارىسىندا ونىڭ قول جۇگى مەن قالتالارىندا ەسىرتكى زاتتارى تابىلماسا دا، اينالسوقتاپ شىقپاي قويدى.

امالى تاۋسىلعان وزبەكستاندىق اقىرىندا ماريحۋانا ەسىرتكىسى ورالعان تۇيىنشەكتى تەكسەرۋدىڭ الدىندا جۇتىپ العاندىعىن مويىندادى. كەيىنىرەك ونىڭ ٴسوزىنىڭ شىن ەكەنى دالەلدەنىپ، ايعاق رەتىندەگى، سالماعى 13،5 گراممعا جۋىق ەسىرتكى زاتىمەن بىرگە سارىاعاش اۋداندىق ىشكى ىستەر بولىمىنە تاپسىرىلدى»، - دەلىنگەن ۆەدومستۆونىڭ حابارلاماسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي