BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ەڭبەككە قابىلەتتى 300 مىڭ مۇگەدەك جۇمىسسىز ٴجۇر

قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ۇكىمەت وتىرىسىندا مۇگەدەكتەردى جۇمىسپەن قامتۋ ماسەلەسى قالاي شەشىلىپ جاتقانىن ايتتى، دەپ حابارلايدى baq.kz ٴتىلشىسى.

«بۇگىنگى تاڭدا ەڭبەك ەتۋگە قابىلەتتى 417 مىڭ مۇمكىندىگى شەكتەۋلى ادامنىڭ 30%-ى، ياعني 127 مىڭى تۇراقتى جۇمىس ورنىندا جۇمىس ىستەپ جاتىر. ناتيجەلى جۇمىسپەن قامتۋ باعدارلاماسى اياسىندا وسى جىلى 15 مىڭ ادامنىڭ ىشىندە 6 379 ادام تۇراقتى جۇمىسقا ورنالاستىرىلدى،1300 ادام قىسقا مەرزىمدى كۋرستارعا وقىتۋعا جىبەرىلدى، 39 ادامعا ٴوز بيزنەسىن اشۋعا مۇمكىندىك بەرىلدى»، - دەدى ٴابىلقاسىموۆا.

مينيسترلىك بيىل جۇمىس بەرۋشىلەردى مۇگەدەكتەردى جۇمىسقا ورنالاستىرۋعا ىنتالاندىرۋ ماقساتىندا ارنايى سۋبسيديا ەنگىزگەن.

«بۇل سۋبسيديا جۇمىس ورىندارىن جابدىقتاۋعا كەتەتىن شىعىندارىن بيۋدجەت تاراپىنان تولەۋگە مۇمكىندىك بەردى. ٴبىراق وسى جىلدان باستاپ 770 ارنايى جۇمىس ورنىن قۇرۋدى جوسپارلاعانبىز. قازىرگى ۋاقىتتا جەرگىلىكتى اتقارۋشى ورگاندار اتالعان شارانى ٴتيىمسىز ىسكە اسىرىپ جاتىر. ناتيجەسىندە تەك قانا 88 جۇمىس ورنى قۇرىلدى. كۆوتا بويىنشا 2600 ادام جۇمىسقا ورنالاستىرىلدى. بۇل جوسپاردىڭ تەك قانا 13،9%-ى پايىزى. بۇل رەتتە كۆوتا كەلەسى وڭىرلەردە تومەن ورىندالعان: شىعىس قازاقستان وبلىسىندا 2،5%، پاۆلودار وبلىسىندا 3،9%»، - دەدى ەڭبەك جانە حالىقتى الەۋمەتتىك قورعاۋ ٴمينيسترى.

ول جاڭا ۇلتتىق جوسپار شەڭبەرىندە جۇمىس ورىندارىن كۆوتالاۋ جانە جۇمىس بەرۋشىلەردىڭ جۇمىس ورىندارىن قۇرۋىن سۋبسيديالاۋ مەحانيزمدەرىن قايتا قاراۋ ۇسىنىعانىن جانە بۇل جۇمىسقا «اتامەكەن» ۇكپ تارتۋ وتە ماڭىزدى ەكەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي