BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەلوردالىقتار مامس-كە 15 ملرد تەڭگەدەن استام جارنا اۋداردى

استانا، baq.kz. قاراشا ايىندا مەديسينالىق ساقتاندىرۋ قورىنا 8،64 ملرد تەڭگەدەن استام جارنا ٴتۇستى. بۇل تۋرالى "الەۋمەتتىك مەديسينالالىق ساقتاندىرۋ قورى" كەاق استانا قالاسى بويىنشا فيليالىنىڭ ٴباسپاسوز قىزمەتى حابارلادى.

"جۇيە ىسكە قوسىلعان 2017 جىلدىڭ 1 شىلدەسىنەن 2018 جىلدىڭ 30 قاراشاسىنا دەيىنگى ارالىقتا جيناقتالعان جارنانىڭ جالپى سوماسى 122،47 ملرد تەڭگەگە جەتتى. ونىڭ 113،83 ملرد تەڭگەسى (شامامەن 93%) جۇمىس بەرۋشىلەردىڭ اۋدارىمدارى بولسا، قالعان 8،64 ملرد تەڭگە (7%) – جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالارعا تيەسىلى" - دەلىنگەن حابارلامادا.

2017 جىلعى 1 شىلدە مەن 2018 جىلعى 30 قاراشا ارالىعىنداعى ەلوردالىق جۇمىس بەرۋشىلەر مەن كاسىپكەرلەر اۋدارعان جارنا سوماسى - 15،38 ملرد تەڭگە. قاراشا ايىنداعى كورسەتكىش – 1،08 ملرد تەڭگەنى قۇرايدى.

جالپى، ايماقتىق تۇرعىدان العاندا، جارنا تولەۋ جاعىنان العاشقى ۇشتىكتە بۇرىنعىشا الماتى، استانا قالالارى مەن قاراعاندى وبلىسى كوش باستاپ تۇر.

مەديسينالىق ساقتاندىرۋ – مەديسينالىق قىزمەت ساپاسىنىڭ جانە ونىڭ قولجەتىمدىلىگىنىڭ كەپىلى. مەديسينالىق ساقتاندىرۋ جۇيەسىن ەنگىزۋ حالىقتىڭ مەديسينالىق قىزمەتكە دەگەن كۇننەن كۇنگە ٴوسىپ كەلە جاتقان سۇرانىسىن قاناعاتتاندىرادى دەپ كۇتىلۋدە.

ەستەرىڭىزگە سالامىز، مىندەتتى الەۋمەتتىك مەديسينالىق ساقتاندىرۋ جارنالارى، ياعني جيناقتالعان قارجى ۇلتتىق بانكتە ساقتالادى. الەۋمەتتىك مەديسينالىق ساقتاندىرۋ قورى ۇلتتىق بانكپەن سەنىمگەرلىك باسقارۋ تۋرالى كەلىسىمشارت جاساسقان. 2020 جىلدان باستاپ بۇل قاراجات مىندەتتى الەۋمەتتىك مەديسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي